1, 2. Jefta panialu unam­miniar­nar­tumik sumik nalaataqar­pat?

AR­NAP inuusut­tup ar­pal­luni ataatani parsiar­paa. Ataatami sorsugiareerluni ajorani uter­nera nuan­naarutigeqaa. Ajugaarujus­suarsimanera nuan­naarluni erinarsuutigalugulu qit­tatigaa. Ataatamili iliuuseriligai oqaasiilu tupaal­laatigisimas­savai. Ataataa atisani alil­lugit ima nil­ler­poq: “Alianaq paniga! Aliatsatsingaar­parma.” Taava panini oqalut­tuup­paa inuuneranik al­lan­nguil­luin­nar­tus­samik Jehovamut neriorsuuteqarsimal­luni. Neriorsuinerata kingunerisaanik pania aap­par­taan­ngisaan­nas­sal­lunilu meerar­taan­ngisaan­nas­saaq. Paniatali ingerlaan­naq nuan­nersumik akis­suteqarluni ataatani kajumis­saar­paa Jehovamut neriorsuutiminik eq­qor­titseq­qul­lugu. Akis­sutaanit erser­poq qularutigin­ngil­luin­naraa Jehovap piumasaqaatai suugaluar­pataluun­niit iluaqutigiumaarlugit. (Eq­q 11:34-37) Ataataata panim­mi up­perluar­nera tul­luusimaarutigaa nalun­ngin­namiuk kajumin­nera Jehovap nuan­naarutigiumaaraa.

² Jefta panialu Jehovamik tatigin­nil­luin­narlutil­lu periaasianik tutsuigin­nil­luin­nar­put, aam­ma taak­kunun­nga  imaan­naan­ngik­kaluaraangat. Jehovamit iluarisaarusup­put taman­nalu pil­lugu qanorluun­niit pil­liuteqarusul­lutik.

3. Sooq Jeftap paniatalu maligas­siaat ul­lumik­kut iluaqutigisin­naavavut?

³ Jehovamik up­perin­nin­nermik ersersitsiuar­nis­saq ajor­naatsuujuaan­nan­ngilaq. ‘Up­perisaq sorsuutigisariaqar­par­put’. (Jud 3) Taamaaliorsin­naajumal­luta Jeftap paniatalu inuunermin­ni unam­miniar­nar­tut qanoq naam­magalugit atorsimaneraat paasiniariar­tigu. Jehovamut up­per­ner­tik qanoq ersersit­tuar­paat?

4, 5. (a) Jehovap Israelik­kut nunami neriorsuutigisamiit­tunut tun­ngatil­lugu qanoq peq­quai? (b) Tus­siaat 106 naaper­torlugu Israelik­kut naalan­ngin­ner­tik pis­sutigalugu qanoq pineqar­pat?

⁴ Jefta panialu Israelik­kut Jehovamut naalan­ngis­simaneran­nik ul­lut tamaasa eq­qaasin­neqar­tarsimas­sap­put. Ukiut 300-t mis­siliorlugit tamatuma sior­na Jehova Israelik­kun­nik peq­qusivoq guutipilus­sior­tunik nunami neriorsuutigisamiit­tunik tamanik toqoraaq­qul­lugit, taamaaliun­ngil­lal­li. (5 Mos 7:1-4) Israelik­kut ilar­pas­sui Kana’anik­kun­nik, guutipilus­siorlutil­lu inuunerlut­tunik, ilaarsisaler­put. – Tussiaat 106:34-39 atuakkit.

⁵ Israelik­kut naalan­ngit­tuarmata Jehovap taak­ku akeraan­nut il­lersun­ngilai. (Eq­q 2:1-3, 11-15; Tus­s 106:40-43) Ukiuni ilungersunar­tuni taak­kunani aalajaat­tuar­nis­saq ilaqutariin­nut Jehovamik asan­nit­tunut imaan­naasimas­san­ngilaq. Aalajaatsunil­li inoqarsimanera Biibilimi al­laatigineqar­poq, ilaatigut tas­saasimap­put Jefta panialu aam­mat­taaq Elkana, Han­na Samuelilu. Taak­kua Jehovamik nuan­naar­titsinis­sar­tik aalajangiusimavaat. – 1 Sam 1:20-28; 2:26.

6. Ul­lumik­kut silarsuup suut sun­niiniutigisar­pai, susariaqar­pugul­lu?

⁶ Ul­lutsin­ni inuit Kana’anik­kutut isigin­nit­taaseqarlutil­lu pis­suseqar­put. Atoqatigiin­neq, nakuuser­neq aningaasal­lu taak­kua inuuneran­ni initup­put. Jehoval­li mianersoq­qus­sutai paasiuminar­put. Taas­suma il­lersorusup­paatigut, soorlu Israelik­kut il­lersorsimagai ajor­tumik sun­ner­neqaq­qunagit. Taak­kua kuk­kus­sutaat ilin­niutigaavut? (1 Kor 10:6-11) Tamat­ta sapin­ngisar­put tamaat Kana’anik­kutut eq­qarsar­naveersaar­tariaqar­pugut. (Rom 12:2) Up­per­tuuner­put pis­sutigalugu taamatut ilungersor­tar­pugut?

7. (a) Jefta inuiaqatiminit qanoq pineqar­pa? (b) Jefta qanoq qisuariar­pa?

⁷ Jeftap nalaani Israelik­kut naalan­ngik­kamik filisterinit Am­monik­kun­nil­lu naqisimaneqaler­put. (Eq­q 10:7, 8) Akerarisamik taak­kua saniatigut Jefta qatan­ngutiminut Israelik­kul­lu siut­tuinut tun­ngatil­lugu unam­miniagaqar­poq. Jeftap qatan­ngutaasa taan­na sin­ngagalugulu uumigigamik­ku nunamit agguagarsiaanit qimaatip­paat. (Eq­q 11:1-3) Jeftap taak­kua peq­qar­niis­susiat isigin­nit­taatsiminut pis­susiminul­lu sun­niuteqar­tin­ngilaa. Qanoq ilil­luta taman­na nalun­ngilar­put? Israelik­kut utoq­qaaner­taat ikioq­qul­lutik kimigiiserfigim­man­ni ingerlaan­naq ikiormagit. (Eq­q 11:4-11) Jeftap taamatut ikiuinis­saminut suna kajumis­sis­sutigisimasin­naavaa?

8, 9. (a) Najoq­qutas­siat Mosesip inatsisaaniit­tut suut Jeftap iluaqutigisimasin­naavai? (b) Jeftap suna pingaar­ner­paatip­paa?

⁸ Jefta sorsut­tar­tuuvoq misilit­tagar­tooq,  aam­ma Israelik­kut oqalut­tuarisaanerat Mosesil­lu inatsisai pil­lugit ilisimasaqarluar­poq. Jehovap in­nut­taminik pin­neriaasianik eq­qarsaatigin­nin­nermigut Jehovap eq­qor­tut eq­qun­ngitsul­lu pil­lugit najoq­qutas­siaanik paasin­nip­poq. (Eq­q 11:12-27) Jeftap tamatumin­nga ilisiman­nin­nini aalajangigas­saqaraangami ator­tar­paa. Jehovap kaman­neq akiniaanerlu qanoq isigigai in­nut­tamilu asaqatigiin­nis­saat piumasarigaa nalun­ngil­luin­nar­paa. Aam­mat­taaq Mosesip inatsisaanit paasivaa inun­nik al­lanik, al­laat uumis­sor­timinik, qanoq pin­nit­tus­saanerluni. – 2 Mosesi 23:5; 3 Mosesi 19:17, 18 atuakkit.

⁹ Ilimanar­poq Josefip maligas­siaa Jeftap iluaqutigisimas­sagaa. Josefip qatan­ngutimi uumis­soraluaraan­ni taak­kunin­nga nal­lit­tuinera pil­lugu tusarsimas­savaa. (1 Mos 37:4; 45:4, 5) Jeftap tamatumin­nga eq­qarsaatigin­nin­nini Jehovap iluarisaatut ilior­nis­saminut iluaqutigisimasin­naavaa. Qatan­ngutimi iliuusiat aliasuutigeqaa. Jehoval­li aq­qa in­nut­taalu pil­lugit akiuun­nis­sani misigis­sutsiminin­ngar­nit pingaar­nerutip­paa. (Eq­q 11:9) Up­per­nik­kut iliuuseqar­tuar­nis­sani aalajangiusimavaa. Taamatut isigin­nit­taaseqarami Jehovamit pil­luaq­qusaavoq Israelik­kul­lu pil­luaq­qusaatil­lugit. – Hebr 11:32, 33.

10. Kristumiutut iliorumal­luta najoq­qutas­siat Guutimeersut qanoq iluaqutiginiarsin­naavavut?

¹⁰ Jeftap maligas­siaa ilin­niarfigerusup­par­put? Qatan­ngutit­ta kristumiut pakatsisip­patigut qatan­ngutitsin­nil­luun­niit ajor­tumik pineqar­tutut misigigut­ta qanoq ilius­saagut? Misigis­sutsik­kut an­nersin­neqarsimaner­put Jehovamut kif­far­torun­naas­sutigis­san­ngilar­put. Kristumiut ataatsimiin­nerinut tak­kutis­saan­ngisaan­nas­saagut ilagiin­niit­tul­luun­niit ilagis­saas­sanagit. Jehovamut naalan­nitsigut Jefta ilaar­tigu. Taman­na unam­miniar­nar­tut qaanger­nis­saan­nut, taamaalil­lutalu uagut­taaq maligas­saal­luarsin­naanis­satsin­nut, iluaqutigis­savar­put. – Rom 12:20, 21; Kol 3:13.

11, 12. Jefta qanoq neriorsuuteqar­pa, neriorsuutaalu qanoq paasisariaqar­pa?

¹¹ Jeftap nalun­ngilaa Israelik­kut Am­monik­kun­nit aniguisis­sin­naajumal­lugit Guutimit ikior­neqar­tariaqarluni. Jehova neriorsor­paa ajugaatip­pani sorsugiareerluni uteruni inuk il­luminit anisoq siul­leq Taas­sumun­nga pil­liutigiumaarlugu, ‘ikik­kagas­satut pil­liutigalugu’. (Eq­q 11:30, 31) Taamatut oqarami suna pivaa?

¹² Jehovap inun­nik pil­liutigin­nit­tar­neq iluarin­ngil­luin­nar­paa, taamaat­tumik nalun­ngilar­put Jefta inum­mik toqutsil­luni pil­liuteqar­navian­ngitsoq. (5 Mos 18:9, 10) Mosesip inatsisaasa atuun­neran­ni pil­liut ikik­kagas­saq tas­saasar­poq tunis­sut im­mik­kut it­toq ilivitsuutil­lugu Jehovamut tunis­sutigineqar­tar­toq. Tas­sa Jeftap inuk Jehovamut tunis­sutigiumagamiuk inuup taas­suma inuunini naal­lugu il­ler­nar­tuum­mi kif­far­tuler­nis­saa pivaa.  Jehovap Jefta tusar­naar­paa ajugaal­luin­nar­til­lugulu. (Eq­q 11:32, 33) Jeftal­li kina Jehovamut tunis­sutigis­savaa?

13, 14. Jeftap oqaasii Eq­qar­tuus­sisunik al­lak­kat 11:35-mi al­las­simasut taas­suma up­per­neranik qanoq ersersitsip­pat?

¹³ Pisimasut al­laaserisap matuma aal­laq­qaataatungaani al­laatigineqar­tut eq­qarsaatigeriak­kit. Jefta sorsugiareerluni utermat parsiar­toq siul­leq tas­saavoq qitor­natua, pania asangaagaa! Jeftap neriorsuutini eq­qor­tis­savaa? Panituani il­ler­nar­tuum­mi inuunermi sin­nerani Jehovamut kif­far­tor­tus­satut tun­niutis­savaa?

¹⁴ Tamatumanis­saaq Jeftap najoq­qutas­siat Guutip inatsisaaniit­tut eq­qor­tumik aalajangiinis­samut iluaqutigisimas­savai. Im­maqa Mosesimik al­lak­kat aap­paan­ni 23:19-imi al­las­simasut eq­qaamavai. Tas­sani Guutip in­nut­tai peq­quneqar­put pigisamik pitsaanersaan­nik Jehovamut tun­nius­sinis­samut kajumis­suseqas­sasut. Aam­ma Inatsisini peq­qus­sutigineqar­poq inuk Jehovamut neriorsuuteqaraangami ‘oqaatsini unioq­qutis­san­ngik­kaa neriorsuisimanermisorluin­narli ilius­sasoq’. (4 Mos 30:3) Han­nap up­per­tup, Jeftap nalaani inuusimagunar­tup, pisimaneratut Jefta neriorsuisimanermisut ilior­tariaqar­poq nalun­ngik­kaluarlugu panim­minut im­minul­lu qanoq kinguneqas­sasoq. Pania il­ler­nar­tuum­mi kif­far­tor­tus­san­ngorami meerar­taan­ngisaan­nar­tus­san­ngor­poq. Taamaat­tumil­lu Jeftap aq­qanik nunaataanil­lu kingor­nus­sisus­saarup­poq. (Eq­q 11:34) Taamaak­kaluar­torli Jefta up­per­nik­kut ima oqar­poq: “Naalagaq neriorsuif­figisimavara, neriorsuutigalu unioq­qutis­sin­naan­ngilara.” (Eq­q 11:35) Jehovap Jeftap pil­liutaa imaan­naan­ngitsoq iluaraa Jeftalu pil­luaq­qul­lugu. Il­lit Jeftatul­li up­perluar­tuutigisimas­sagaluar­pit?

15. Ilar­pas­suavut qanoq neriorsuisimap­pat, up­per­tuuner­pul­lu qanoq ersersis­sin­naavar­put?

¹⁵ Inuuner­put Jehovamut tun­niul­luin­naratsigu  neriorsuivugut qanorluun­niit pisoqas­sagaluar­pat piumasaatut iliorumal­luta. Neriorsuutip tamatuma eq­qor­tin­nis­saa ajor­naatsuujuaan­nar­navian­ngitsoq nalun­ngilar­put. Qanorli qisuariar­tar­pugut iliuusererusup­pal­laan­ngisatsin­nik ilioq­quneqaraangat­ta? Misigis­sutsivut akiorlugit kajumil­luta Guuter­put naalak­kutsigu ersersis­savar­put up­per­tuul­luta. Pil­liuteqar­tar­ner­put an­ner­narsin­naasar­poq, Jehoval­li pil­luaq­qusinerata nuan­naarutaangaar­nerata taman­na tamatigut akimor­tar­paa. (Mal 3:10) Jeftal­li pania qanoq piva? Ataatami neriorsuutaa qanoq isumaqarfigaa?

16. Jeftap paniata ataatami neriorsuutaa qanoq qisuariarfigaa? (Al­laaserisap aal­laq­qaataani as­siliaq takuuk).

¹⁶ Jeftap neriorsuutaa Han­nap neriorsuutaanit al­laaneruvoq. Han­na neriorsuivoq er­nini Samueli il­ler­nar­tuum­mi nasiræerisut kif­far­tor­tus­satut tun­niuk­kumaarlugu. (1 Sam 1:11) Nasiræeri aap­par­taarsin­naatitaal­lunilu meerar­taarsin­naatitaavoq. Jeftal­li pania ‘pil­liutitut ikik­kagas­satut’ ilivitsutut tun­niun­neqar­poq, taamaat­tumil­lu nulian­ngorsin­naajun­naarlunilu meerar­taarsin­naajun­naar­poq. (Eq­q 11:37-40) Eq­qarsaatigeriaruk! Nunamini uis­saq­qin­ner­paaq uitaarisin­naasimas­sagunaraluar­paa ataatani Israelimi siut­tuum­mat. Maan­nali il­ler­nar­tuum­mi kif­far­tuin­nar­tus­san­ngor­poq. Ar­naq inuusut­toq taan­na qanoq qisuariar­pa? Jehovamut kif­far­tor­nermik pingaar­ner­paatitsinerminik ersersitsivoq ataataminut ima oqarami: “Oqarsimanerit malil­lugu iliorfigin­nga.” (Eq­q 11:36) Jehovamut kif­far­torumal­luni aap­par­taarusus­suseqar­nini meerar­taarusus­suseqar­ninilu pis­susis­samisuugin­nar­tut tunul­liup­pai. Taas­suma im­minut pil­liutigeriaan­naanera qanoq ilaarsin­naavar­put?

17. (a) Jeftap paniatalu up­per­nerat qanoq ilaarsin­naavar­put? (b) Sooq Hebræerinut al­lak­kat 6:10-12 im­minut pil­liutigeriaan­naanis­san­nut kajumis­sis­sutigaagit?

¹⁷ Angutit ar­nal­lu kristumiut tuusintil­lit aalajangersimap­put maan­nak­kuugal­lar­toq aap­pas­sarsior­niar­natik meerar­taar­niar­natil­luun­niit. Sooq taamatut pil­liuteqarusup­pat? Jehovamut kif­far­tor­neq  sal­liutin­nerorusuk­kamik­ku. Aam­ma utoq­qaanerusor­tat­ta ilar­pas­suisa meeq­qamik er­nut­tamil­luun­niit ilaginis­saat pil­liutigisar­paal­lusooq pif­fis­sar­tik nukitil­lu Jehovamut kif­far­tor­nermut atorumal­lugit. Taak­kua ilaat sanaar­toqataasar­put Kristumiunul­luun­niit Oqaluus­sisar­tunut Ilin­niarfim­mi ilin­niareerlutik ilagiin­nut oqaluus­sisar­tunik pisariaqar­titsif­fiusunut nuut­tarlutik. Al­lat eq­qaaniaanerup nalaani pif­fis­samik Jehovamut kif­far­tor­nermut atuineruniarlutik pilersaarusior­tar­put. Jehovap aalajaatsut taak­kua tamarmik asan­nil­lutik pil­liutaat puiun­ngisaan­nas­savai. (Hebræerit 6:10-12 atuakkit). Il­lim­mi, Jehovamut kif­far­tor­nerujumal­lutit pil­liuteqarsin­naavit?

18, 19. Jeftamik panianil­lu Biibilimi al­laatigisat sumik ilin­niarfigaavut, taak­kulu qanoq ilaarsin­naavavut?

¹⁸ Jeftap unam­miniagas­sar­pas­suami anigor­nis­saan­nut suna iluaqutigaa? Inuunermini aalajangigas­sanut tun­ngatil­lugu Jehovamit siulersor­tip­poq. Aalajanger­poq inun­nit avatangiisiminiit­tunit sun­ner­tin­niar­nani. Pakatsisin­neqar­taraluarluni up­per­nik­kut iliuuseqarusun­nini aalajangiusimajuar­paa. Jehovap Jefta panialu kajumil­lutik pil­liuteqarmata pil­luaq­qul­lugil­lu pal­lorfigin­nin­nermik ilumoor­tumik siuarsaanermut ator­pai. Inuit al­lat eq­qor­tumik iliorun­naaraluar­tut Jefta panialu Jehovamut aalajaat­tuar­put.

¹⁹ Biibilimi ima al­las­simavoq: ‘Malin­niarsigit up­per­nik­kut nikal­lujuin­nik­kul­lu Guutip neriorsuutigisaanik kingor­nus­sisus­sat.’ (Hebr 6:12) Jeftap paniatalu maligas­siaat malitsigit nalun­ngin­natsigu up­per­nik­kut iliuuseqar­tuarut­ta Jehovap pil­luaq­qujumaaraatigut.