Biibili atuaraangatsigu sakkut assigiin­ngitsut atorlugit atuakkagut paasiniarsin­naavagut. Imaanngilarli Biibilimik paasisimasaqar­neruler­niaannarluta misissuisartugut. Jehovalli pissusii pillugit anersaakkut erlinnartuutit taassuminnga asannin­nitsinnik annerulersitsisinnaasut nassaarerusuppagut. Taamaalius­sagutta apeqqut una eqqarsaatigisin­naavarput: ‘Biibilimi atuagassani Jehova pillugu suna ilikkarpara?’

Assersuutigalugu Jehovap assissaqan­ngitsumik asanninnini, ilisimas­sutsini, naapertuil­luassutsini pissaaneqarninilu qanoq takutis­simagai misissuisin­naavutit. Jehovalli pissusii nuannersut taakkuin­naanngillat. Pissusii pillugit paasissutissat sumi pissarsiarisin­naavigit?

Jehovap Nalunaajaasuisa ujarliutaat-ni sammisaq “Jehova Guuti” ataanilu qulequtaaraq “Jehovap pissusii” takuuk. Taava Jehovap pissusii Biibilimi atuakkannut tulluartut misissukkit.