1, 2. (a) Guutip ‘tunis­sutaa as­seqan­ngitsoq’ sunik ilaqar­pa? (b) Al­laaserisami matumani apeq­qutit suut sam­mis­savavut?

JEHOVAP Jiisusi er­nituani asangaak­kani nunarsuarmut aal­lar­tik­kamiuk tunis­sum­mik naleqangaar­tumik tunivaatigut. (Joh 3:16; 1 Joh 4:9, 10) Asan­nit­tuliungaar­nera taman­na apustilip Paulusip ‘tunis­sum­mik as­seqan­ngitsumik’ taavaa. (2 Kor 9:15) Sooq Paulusip taamatut taavaa?

² Paulusip nalun­ngilaa Jiisusip pil­liutaa Guutip neriorsuutaasa nuan­nersut tamarmik eq­quutin­nis­saan­nut up­per­narsaataasoq. (2 Korinthimiut 1:20 atuaruk). Taamaat­tumik Jiisusip pil­liutaa aam­ma Jehovap ilumoorfigin­nil­luni asan­nin­nera ajun­ngis­susersualu uagutsin­nut ersersitai Guutip ‘tunis­sutaanut as­seqan­ngitsumut’ ilaap­put. Tunis­sut taman­na qanoq naleqar­tigisoq uagut paasil­luarsin­naan­ngilar­put. Tunis­sut taman­na qanoq kil­litsis­sutigaajuk? Kristusip toquneranik eq­qaaniaaneq pingasun­ngor­nermi marsip 23-ian­ni 2016-imi pisus­saq eq­qarsaatigalugu tunis­sut taman­na sunis­samut kajumis­sis­sutigis­savar­put?

3, 4. (a) Tunis­sutisigaangavit qanoq misigisar­pit? (b) Tunis­sut nalis­saqan­ngitsoq inuunin­nik qanoq al­lan­nguisitsisin­naava?

³ Tunisik­kaangat­ta nuan­naar­tar­pugut. Tunis­sutit ilaat ima im­mik­kuul­laaris­sin­naatigaat al­laat inuup inuuneranik al­lan­nguisitsisin­naal­lutik. As­sersuutigalugu takorlooriaruk pinerlut­tulioqataal­lutit. Pinerlut­tulior­nerit toqumik pil­lar­neqar­nermik kinguneqas­saaq. Ilisarisiman­ngisal­li il­lit sin­nerlutit nam­mineq kajumis­sutsiminik toqumik pil­lar­neqarumavoq. Il­lit pil­lutit kajumil­luni toqujumavoq! Taman­na ilin­nut qanoq sun­niuteqas­sava?

⁴ Tunis­sut nalis­saqan­ngitsoq taamaat­toq inuunin­nik al­lan­nguinis­san­nut kajumis­sis­sutigis­sagaluar­pat, ilaa? Qular­nan­ngitsumik al­lanut tuniserusun­neruler­nis­san­nut, asan­nin­neruler­nis­san­nut isumak­keerfigin­nik­kumanis­san­nul­lu kajumis­sis­sutigis­savat. Inuunivit sin­nerani pil­liisumut qujamasun­nerit ersersit­tuarumas­savat.

5. Guutip uter­titsis­sum­mik tunis­sutaa tunis­sutinit al­lanit qanoq naleqar­nerungaar­pa?

⁵ Guutip uter­titsis­sum­mik tunis­sutaa tunis­sum­mit im­mik­koor­tuni kingul­ler­ni eq­qaaneqar­tumit naleqar­nerungaar­poq. (1 Petr 3:18) Uku eq­qarsaatigeriak­kit: Tamat­ta ajor­ti Adamimit kingor­nus­sarigatsigu toqusus­saavugut. (Rom 5:12) Jehovap asan­nin­nini kajumis­sis­sutigalugu Jiisusi inuit pil­lugit inuunerminik pil­liisus­san­ngor­til­lugu nunarsuarmukar­tip­paa, ‘tas­sa toqumik misigisaqar­nera tamanut iluaqutaasus­saam­mat’. (Hebr 2:9) Jiisusil­li pil­liutaa suli an­ner­tunerusumik sun­niuteqas­saaq! Toqu piuneerutis­savaa. (Es 25:7, 8; 1 Kor 15:22, 26) Jiisusimik up­perin­nit­tut tamarmik, ilaat qilam­mi kristusimut naalak­kersueqataasutut al­lal­lu Guutip naalagaaf­fiani nunarsuarmi in­nut­taasutut, eq­qis­sil­lutik pil­luarlutil­lu naas­saan­ngitsumik inuujumaar­put. (Rom 6:23; Saq­q 20:6) Jehovap tunis­sutaa sunik al­lanik pil­luaq­qus­sutis­saqar­pa?

6. (a) Guutip tunis­sutaata pil­luaq­qus­sutis­sar­tai suut qilanaaraagit? (b) Guutip asan­nin­nera kajumis­sis­sutigalugu iliuuserisin­naasavut pingasut suut sam­mis­savavut?

⁶ Guutip tunis­sutaanut ilaap­put­taaq nunarsuup paratiisin­ngor­nis­saa, nap­parsimasut ajorun­naarsitaanis­saat toqusimasul­lu makititaanis­saat. (Es 33:24; 35:5, 6; Joh 5:28, 29) Jehova Er­neralu ‘tunis­sum­mik as­seqan­ngitsumik’ tunisim­mata asavavut. Tunis­sut taman­na sunis­samut kajumis­sis­sutigaar­put? (1) Kristusimik Jiisusimik ilaarseq­qis­saar­nis­satsin­nut, (2) qatan­ngutitsin­nik asan­nit­tulior­tar­nis­satsin­nut, aam­ma (3) ilumoorluta al­lanik isumak­keerfigin­nit­tar­nis­satsin­nut kajumis­sis­sutigaar­put.

7, 8. Kristusip asan­nin­nerata qanoq misigitip­paatigut, sumul­lu kajumis­sis­sutigaar­put?

⁷ Siul­ler­tut, Jiisusimut ataq­qinaataasumik inooriaaseqar­nis­satsin­nut kajumis­suseqar­tariaqar­pugut. Apustili Paulusi ima al­lap­poq: “Kristusim­mi asan­nin­nerata pin­ngitsaalivaatigut.” (2 Korinthimiut 5:14, 15 atuakkit). Paulusip nalun­ngilaa Jiisusip asan­nin­nersua ilas­sigutsigu taas­sumun­nga asan­nin­nis­satsin­nut ataq­qin­nin­nis­satsin­nul­lu kajumis­sis­sutigis­sagip­put. Aap, Jehovap uagutsin­nut iliuuserisai paasigutsigit Guutip asan­nin­nera kajumis­sis­sutigalugu Jiisusimut ataq­qinaataasumik inooriaaseqarusus­saagut. Qanoq ilil­luta?

⁸ Jehovamut asan­nin­ner­put Jiisusip  maligas­siaanik malin­neq­qis­saar­nis­satsin­nut kajumis­sis­sutigis­savar­put. (1 Petr 2:21; 1 Joh 2:6) Guutimut Kristusimul­lu naalak­kaangat­ta taak­kunun­nga asan­nin­ner­put ersersit­tar­par­put. Jiisusi ima oqar­poq: “Inas­sutin­nik pigin­nil­lunilu aalajangius­sisoq tas­saavoq uan­nik asan­nit­toq; uan­nil­lu asan­nit­toq Ataatan­nit asaneqas­saaq. Uangat­taaq taan­na asajumaar­para, saq­qum­merfigiumaarlugulu.” – Joh 14:21; 1 Joh 5:3.

9. Qanoq tatineqariaan­naavugut?

⁹ Eq­qaaniaanerup nalaani inooriaatsitsin­nik eq­qarsaatigin­neq­qis­saar­nis­sar­put silatusaar­nerus­saaq. Im­minut ima aperigit: ‘Inuunin­ni sutigut Jiisusi ilaar­tar­para? Sutigut al­lan­nguisin­naavunga?’ Im­minut taamatut aperinis­saq pingaaruteqarluin­nar­poq silarsuarmit tatineqariaan­naagat­ta. (Rom 12:2) Mianersun­ngik­kut­ta silarsuarmi tusaamasat, ilisimatuut timersor­nik­kul­lu nuan­naar­torisat ilaar­nis­saan­nut sun­ner­neqariaan­naavugut. (Kol 2:8; 1 Joh 2:15-17) Sun­ner­neqarumanata qanoq iliorsin­naavugut?

10. Eq­qaaniaanerup nalaani im­minut qanoq aperisin­naavugut, akis­sutil­lu sunis­samut kajumis­sis­sutigis­savavut? (Al­laaserisap aal­laq­qaataani as­sit takuk­kit).

¹⁰ Eq­qaaniaanerup nalaani qarasaasiat­ta, mobilit­ta tabletit­talu imai, atisalersoriaaser­put, filmit isigin­naar­tak­kavut nipilersuutil­lu tusar­naar­tak­kavut suunersut eq­qarsaatigeq­qis­saarutsigit silatusaar­nerus­saaq. Im­minut ima aperigit: ‘Jiisusip ul­lumik­kut atisak­ka takusuup­pagit kiinaan­nguusaas­sagaluar­punga?’ (1 Timotheusi 2:9, 10 atuakkit). ‘Atisan­nit erser­pa Kristusi malik­kiga? Jiisusip filmit isigin­naar­tak­kak­ka nuan­naris­sagaluar­pai? Nipilersuutit tusar­naar­tak­kak­ka tusar­naarusus­sagaluar­pai? Jiisusip mobilima tabletimalu imarisai takusuup­pagit kiinaan­nguusaas­sagaluar­punga? Qarasaasiami pin­nguaatik­ka sooq nuan­narinerlugit Jiisusimut nas­suiaas­sagaluaruma saper­nar­tis­sagaluar­para?’ Jehovamut asan­nin­ner­put kajumis­sis­sutigalugu kristumiunut naleq­qutin­ngitsut tamaasa qanorluun­niit akisutigigaluar­pata eq­qar­tariaqar­pavut. (ApS 19:19, 20) Jehovamut tun­niul­luin­nar­nitsigut Jiisusimut ataq­qinaataasumik inooriaaseqar­nis­sar­put neriorsuutigaar­put. Taamaat­tumik Jiisusi ilaarlugu inuunis­satsin­nut akor­nutaasin­naasut suul­luun­niit uteriil­luta aalajangiusimaniin­nas­san­ngilavut. – Mat­t 5:29, 30; Fil 4:8.

11. (a) Jehovamut Jiisusimul­lu asan­nin­ner­put oqaluus­sinitsin­ni sunis­samut kajumis­sis­sutigaar­put? (b) Asan­nin­ner­put kajumis­sis­sutigalugu ilagiin­niit­tunut qanoq ikiuus­sin­naavugut?

¹¹ Jiisusimut asan­nin­ner­put aal­lus­sil­luarluta oqaluus­sinis­satsin­nut ilin­niar­titsinis­satsin­nul­lu kajumis­sis­sutigaar­put. (Mat­t 28:19, 20; Luk 4:43) Eq­qaaniaanerup nalaani ikior­ti-pioneritut nalunaaqut­tap-akun­neri 30-t 50-il­luun­niit anguniar­niarlugit pilersaarusiorsin­naavit? Qatan­ngut nuleer­neq 84-inik ukiulik isumaqar­poq ukioq­qor­tunini peq­qip­pal­laan­ngin­ninilu pis­sutigalugit ikior­ti-pioneriusin­naanani. Taas­sumali ilageeqataani pionerit taan­na ikiorusup­paat. Angal­lan­neqar­tar­nis­saa tas­sungalu tul­luar­tumik oqaluus­sif­figisar­tagaqar­nis­saa isumagaat. Tamatuma kingunerisaanik qatan­ngutip taas­suma nalunaaqut­tap-akun­neri 30-t anguai. Ilagiin­niit­tut ilaata marsimi apriilimiluun­niit ikior­ti-pioneriunis­saanut ikiuus­sin­naavit? Ilaan­naat ikior­ti-pioneriusin­naagaluar­tut tamat­ta pif­fis­sar­put nukivul­lu atorlugit Jehovamut kif­far­tor­nerusin­naavugut. Taamaaliorut­ta ersersis­savar­put Paulusitut Jiisusip  asan­nin­nerata ‘pin­ngitsaaligaatigut’, tas­sa kajumis­sisik­kaatigut. Guutip asan­nin­nera sunis­samut aam­ma kajumis­sis­sutigis­savar­put?

12. Guutip asan­nin­nera sunis­samut kajumis­sis­sutigaar­put?

¹² Aap­pas­saat­tut, Guutip asan­nin­nera qatan­ngutitsin­nik asan­nit­tuunis­satsin­nut kajumis­sis­sutigisariaqar­par­put. Apustili Johan­nesi ima al­lap­poq: “Asasak­ka, Guutip taama asam­matigut uagut­taaq asaqatigiit­tariaqar­pugut.” (1 Joh 4:7-11) Guutip asan­nin­nera ilas­sigutsigu qatan­ngutitsin­nik asan­nit­tuus­saagut. (1 Joh 3:16) Qanoq asan­nit­tuliorsin­naavugut?

13. Asan­nit­tulior­nermut tun­ngatil­lugu Jiisusi qanoq maligas­siuiva?

¹³ Jiisusip maligas­siaanit ersersin­neqar­poq qanoq asan­nit­tuliorsin­naasugut. Nunarsuarmiik­kal­larami inuit, ingam­mik maniguut­tut, ikior­pai. Nap­parsimasut, nukil­laarsimasut, tap­piitsut, tusilar­tut oqajuitsul­lu ajorun­naarsip­pai. (Mat­t 11:4, 5) Up­perisarsior­nik­kut siut­tut as­siginagit Jiisusip Guuti pil­lugu inun­nik ilin­niar­titsinini nuan­naraa. (Joh 7:49) Inuit maniguut­tut taak­ku asavai, ilungersorlunilu ikiorlugit. – Mat­t 20:28.

14. Qatan­ngutitsin­nut asan­nin­ner­put qanoq ersersis­sin­naavar­put?

¹⁴ Eq­qaaniaanerup nalaani ilagiin­ni up­peqatitit, ingam­mik utoq­qaat, qanoq ikiorsin­naanerlugit eq­qarsaatigin­nik­kuit aam­ma pitsaas­saaq. Taak­ku asanar­tut pulaarsin­naavigit? Nerisas­saan­nik pajus­sin­naavigit, angerlarsimaf­fian­ni iluarsisariaqar­tunik ikiuisin­naavit, ataatsimiin­ner­nut aq­qusaagaqarsin­naavit, oqaluus­seqatigisin­naavigil­luun­niit? (Lukasi 14:12-14 atuakkit). Qanor­toq Guutimut asan­nin­ner­put kajumis­sis­sutigalugu qatan­ngutitsin­nut asan­nin­ner­put ersersit­tar­tigu!

15. Suna nas­suerutigisariaqar­par­put?

¹⁵ Pingajuat­tut, Jehovap asan­nin­nera qatan­ngutitsin­nik isumak­keerfigin­nin­nis­satsin­nut kajumis­sis­sutigaar­put. Tamavit­ta ajor­ti toqulu Adamimit kingor­nus­sarigatsigit oqarsin­naan­ngilagut uter­titsis­sut pisariaqar­tin­nagu. Al­laat Guutimut aalajaal­luin­nar­toq uter­titsis­sum­mik pisariaqar­titsivoq. Akiitsuk­katsin­nik an­ner­tungaar­tumik tamat­ta isumak­keerfigineqar­pugut! Sooq tamatuma nas­suerutiginis­saa pingaaruteqar­pa? Taman­na Jiisusip as­sersuusiaanit paasinarsis­saaq.

16, 17. (a) Jiisusip kun­ngimik kif­faanil­lu as­sersuusiaa qanoq ilin­niarfigis­savar­put? (b) Jiisusip as­sersuusiaanik eq­qarsaatigin­neq­qis­saareerlutit sunis­sat aalajangiusimaviuk?

¹⁶ Jiisusip as­sersuusiaani kun­ngip kif­fani denarinik 60 mil­lioninik naleqar­tunik akiitsulik isumak­keerfigaa. Kingusin­nerusuk­kul­li kif­fap isumak­keerfigineqaq­qam­mersup kif­faqatini im­minut denarinik 100-in­nar­nik akiitsulik isumak­keerfigiuman­ngilaa. Kun­ngip nal­lit­tuinera kif­faqatiminik  isumak­keerfigin­nin­nis­saminut kajumis­sis­sutigisus­saagaluar­paa. Kun­ngip kif­fami kif­faqatiminik an­nikin­nerungaar­tunik akiitsulim­mik isumak­keerfigin­nik­kuman­ngin­nera tusaramiuk kamaatigeqaa. Ima oqar­poq: “Kif­faq ajor­toq uumaa, akiitsun­nik tamanik isumak­keerfigaak­kit qin­nuigigam­ma. Il­lit­taaq kif­faqatit naak­kigisariaqan­ngiliuk, soorlu uanga il­lit naak­kigigik­kit?” (Mat­t 18:23-35) Kun­ngi as­sigalugu Jehovap akiitsuk­katsin­nik an­ner­tungaar­tumik isumak­keerfigisimavaatigut. Jehovap asan­nin­nera nal­lit­tuineralu sunis­samut kajumis­sis­sutigaar­put?

¹⁷ Eq­qaaniaanermut piareersar­nitsin­ni im­minut ima aperisariaqar­pugut: ‘Qatan­ngutin­nit ajual­latsin­neqar­nikuuvunga? Isumak­keerfiginis­saa saper­nar­tip­para?’ Taamaap­pat Jehovap ‘isumak­keerfigin­nik­kumasar­tup’ ilaar­nis­saanut pif­fis­saal­luar­poq. (Neh 9:17; Tuss 86:5) Jehovap nal­lit­tuingaar­nera qujamasuutigigutsigu al­lanik nal­lit­tuerusul­lutalu ilumoorluta isumak­keerfigin­nik­kusus­saagut. Qatan­ngutitsin­nik asan­nin­ngik­kut­ta isumak­keerfigin­nin­ngik­kut­talu ilimagis­san­ngilar­put Jehovamit asaneqar­nis­sar­put isumak­keerfigineqar­nis­sar­pul­lu. (Matt 6:14, 15) Ajual­latsin­neqarsimaner­put al­lan­ngor­tis­sin­naan­ngik­kaluarlugu isumak­keerfigin­nik­kut­ta siunis­sami pil­luar­nerus­saagut.

18. Qatan­ngutip ar­nap qatan­ngum­mut inus­siar­nersuujuar­nis­saminut Guutip asan­nin­nera qanoq iluaqutigaa?

¹⁸ Qatan­ngutit­ta naam­mal­luin­nan­ngis­sutaat pis­sutigalugu naam­magit­tar­tuunis­sar­put unam­miniar­narsin­naavoq. (Efesosimiut 4:32; Kolossemiut 3:13, 14 atuakkit). Qatan­ngutip ar­nap aap­paqan­ngitsup Lilymik atil­lip uil­lar­neq Carolimik atilik ikior­tar­paa. ^[1] As­sersuutigalugu Carol angal­lat­tariaqaraangat aq­qusaar­tar­paa, pisariaqar­titaanik pisiniut­tar­paa al­lar­pas­suar­tigul­lu ikior­tarlugu. Lily iliuuser­pas­suaqaraluar­toq Carol naam­magit­taal­lior­tuar­tar­poq ilaatigul­lu ikioruminaat­tarluni. Lilyl­li Carolip pis­susii nuan­nersut isiginiar­nerusar­pai, ukior­paalun­nilu nap­parsimatil­lugu toqunis­saa tikil­lugu ikior­tuar­tarlugu. Lily Carolimik ikiuinini unam­miniar­nar­tik­kaluarlugu ima oqar­poq: “Carolip makititaanis­saa qilanaaraara. Naam­mal­luin­nar­tuunerani ilisarisimarusup­para.” Aap, Guutip asan­nin­nera kajumis­sis­sutigalugu qatan­ngutivut isumak­keerfigisin­naavavut inuil­lu naam­mal­luin­nar­tun­ngor­nis­saat qilanaaralugu.

19. Guutip ‘tunis­sutaa as­seqan­ngitsoq’ qanoq kajumis­sis­sutigaajuk?

¹⁹ Jehovap ‘tunis­sutaa as­seqan­ngitsoq’ nalis­saqan­ngilaq. Taman­na qujamasuutigiuar­tigu! Eq­qaaniaanerup nalaa Jehovap Jiisusil­lu uagutsin­nut iliuuserisaan­nik tamanik eq­qarsaatigin­neq­qis­saar­nis­satsin­nut pif­fis­saal­luar­poq. Qanor­toq taak­kua asan­nin­nerat Jiisusimik ilaarseq­qis­saar­nis­satsin­nut, qatan­ngutitsinik asan­nit­tuunis­satsin­nut ilumoorlutalu isumak­keerfigin­nit­tuunis­satsin­nut kajumis­sis­sutigisigu.