Ilaannikkut Biibilimik misissuininni atuaqqam­mikkatit eqqaamajuminaatsit­tarpigit? Tamatta ilaannikkut taamaat­toortarpugut. Suna iluaqutigisin­naaviuk? Pingaarnernik uteqqiineq.

Misissuininni unikaal­lallutit paasisatit eqqarsaatigisakkit. Apustilip Paulusip uppeqatini taamaalioq­qullugit ikiorpai ima allaffigigamigit: “Allaatigisatta pingaar­nersaat makkuupput.” (Hebr 8:1) Atuartut oqaatsit taakku iluaqutigalugit Paulusip allataasa qanoq paasisariaqarnerat ataqatigiin­nerallu eqqarsaatigisin­naavaat.

Misissuinerpit naalernerani, immaqa minutsit qulit atorlugit, paasisavit pingaar­nersaat eqqarsaatigisarsin­naavatit. Eqqaamajuminaatsikkukkit qulequtaaqqat aamma oqaaseqatigiit immikkoortup imarisaanik tikkuussisut, amerlanertigut immikkoortumi oqaaseqatigiit siulliit, atuaqqikkit. Nutaanik ilikkagaqaruit paasisatit oqaasin­ngortikkit. Pingaarnerit uteqqin­nerisigut eqqaamajuminar­nerutil­lugillu inuuninni qanoq atorsin­naanerlugit paasilluar­nerussavat.