1, 2. (a) Angajoq­qaat inuusut­tuaraatil­lit ilaasa suna isumakuluutigisar­paat? (b) Meeq­qat inuusut­tuaraaner­tik qanoq iluaqutigisin­naavaat?

QITOR­NAASUT kuisin­nerat angajoq­qaat misigisin­naasaasa nuan­ner­ner­paat ilagaat. Berenicep qitor­nai sisamat tamarmik suli 14-inik ukioqaler­natik kuisip­put. Ima oqalut­tuar­poq: “As­sut kil­litsin­nar­poq. Soorunami qitor­nat­ta Jehovamut kif­far­torusun­nerat qujamasuutigaar­put. Nalun­ngilar­pul­li qitor­navut inuusut­tuaq­qatul­li al­latut unam­miniagas­saqarumaar­tut.” Inuusut­tuaq­qamik inuusut­tuaran­ngulersumil­luun­niit qitor­naqaruit im­maqa aam­ma il­lit taman­na isumakuluutigaat.

² Meeq­qat pis­susii pil­lugit ilisimasalik oqar­poq meeq­qat inuusut­tuaran­ngor­nerat angajoq­qaanut meeq­qanul­lu unam­miniar­narsin­naagaluar­toq angajoq­qaat inuusut­tuaraatitik sianiitsutut nukangasutul­luun­niit isigisas­san­ngik­kaat. Inuusut­tuaq­qal­li nutaalior­tuul­lutil­lu misigis­suseqangaarlutil­lu ikin­ngutinik peqateqar­nis­sar­tik pisariaqar­tit­tar­paat. Taamaat­tumik Jiisusip meeraal­luni pisimaneratut qitor­nat inuusut­tuaraanermini Jehovamut ikin­ngutaal­lualersin­naavoq.  (Lukasi 2:52 atuaruk). Aam­ma oqaluus­sil­laq­qin­nerulersin­naal­lutil­lu Guutimut kif­far­tor­nermi iliuuseqar­nerorusulersin­naap­put. Nam­minerlu aalajangiisin­naap­put, as­sersuutigalugu Jehovamut tun­niul­luin­nar­niarlutik naalan­niarlutil­lu aalajangersin­naavaat. Inuusut­tuaraatil­li Jehovamut kif­far­tuleq­qul­lugu qanoq iliorsin­naavit? Jiisusip asan­nit­tumik, maniguut­tumik ilisimas­suseqar­tumil­lu ajoqersuk­kaminik ilin­niar­titsisar­nera ilin­niarfigisin­naavat.

3. Apustilit Jiisusimik ikin­nguteqar­ner­tik qanoq nalun­ngilaat?

³ Jiisusi ajoqersuk­kaminut Naalagaagin­nar­nani ikin­ngutaavoq. (Johan­nesi 15:15 atuaruk). Biibilip nalaani naalak­kap eq­qarsaatini misigis­sutsinilu pil­lugit kif­faminik oqaloqateqar­tar­nera pis­susis­samisuun­ngilaq. Jiisusil­li apustilini kif­fatut pineq ajor­pai. Asal­lugil­lu peqatigisar­pai. Eq­qarsaatit misigis­sutsil­lu pil­lugit oqaloqatigis­sal­lugit nuan­naraa, aam­ma taak­kua eq­qarsaatitik misigis­sutsitil­lu eq­qar­toraangatigit tusar­naaq­qis­saar­tar­pai. (Mark 6:30-32) Jiisusip apustilil­lu taamatut at­taveqaqatigiit­tar­ner­tik ikin­ngutigiil­lualis­sutigalugulu apustilit siunis­sami pisus­sanut piareersimanis­samin­nut iluaqutigaat.

4. Angajoq­qaajususi, qitor­nasi qanoq ikin­ngutigilersin­naavisigit? (Al­laaserisap aal­laq­qaataani as­seq takuuk).

⁴ Meeq­qatit oqar­tus­saaf­figigaluarlugit ikin­ngutigisin­naavatit. Ikin­ngutigiit peqatigiit­tar­put. Qitor­natit ilaginerusin­naajumal­lugit im­maqa pif­fis­saq an­nikin­nerusoq sulinermut al­lanul­luun­niit atorsin­naavat. Taman­na eq­qarsaatigeq­qis­saarlugulu qin­nutigisas­savat. Ikin­ngutigiit aalajangersimasunik nuan­narisaqar­tar­put. Taamaat­tumik inuusut­tuaraativit nuan­narisai, soorlu nipilersuutit, isigin­naagas­siat timersor­neril­luun­niit, suunersut paasiniak­kit. Nuan­narisaalu nuan­nariler­niak­kit. Ilaria, Italiami najugalik, ima oqar­poq: “Nipilersuutit tusar­naar­tak­kak­ka angajoq­qaama soqutigaat. Al­laat ataataga ikin­ngutiginer­paasariler­para, misigivungalu al­laat peq­qusiileqinarsin­naasut pil­lugit oqaloqatigisin­naal­lugu.” Qitor­natit ikin­ngutigileruk­kit Jehovamul­lu ikin­ngutaaler­nis­saan­nik ikioruk­kit angajoq­qaatut oqar­tus­saas­sutsit an­naanavian­ngilat. (Tus­s 25:14) Qitor­navit ilin­nit asaneqar­nini ataq­qineqar­ninilu paasiguniuk sunaluun­niit pil­lugu oqaloqatiginis­sat saper­nan­ngin­nerutis­savaa.

5. Jiisusip ajoqersugaasa Jehovamut kif­far­tor­ner­tik qanoq pil­lualis­sutigisin­naavaat?

⁵ Jiisusip ajoqersuk­kami Jehovamut kif­far­tor­nermik nuan­naarutigin­nin­neq nutaarsias­samil­lu nuan­nersumik oqaluus­sinermi ulap­puteqar­neq pil­luangaalis­sutigis­sagaat nalun­ngilaa. Taamaat­tumik oqaluus­sinermi tamaviaaq­qul­lugit kajumis­saarlugil­lu ikiorumaarlugit neriorsor­pai. – Mat­t 28:19, 20.

6, 7. Sooq angajoq­qaat Jehovamut kif­far­tor­nermi aalajangersimasunik ileq­qulius­sinermik ilin­niar­titsinerat asan­nit­tulior­nerua?

⁶ Qitor­navit Jehovamut qanil­linis­saat angajoq­qaatut kis­saatigaat. Jehoval­lu qitor­natit ilin­niar­til­lugil­lu perorsas­sagitit kis­saatigigamiuk taamaalior­nis­samut oqar­tus­saas­susiler­paatit. (Ef 6:4) Taamaat­tumik qitor­navit ataavar­tumik ilin­niar­tin­neqar­nis­saat qulak­keer­tariaqar­pat. As­sersuuteqariar­ta: Qitor­navit ilin­niagaqar­nis­saat pingaaruteqar­toq nalun­ngin­nak­ku ilin­niar­nermil­lu nuan­naarutigin­nin­nis­saat  kis­saatigigak­ku atuariar­tor­tar­nis­saat qulak­keer­tar­pat. Taamatut­taaq ataatsimiin­nermut, ataatsimeersuar­nermut ilaqutariit­tul­lu atuaq­qis­saaqatigiin­nermut najuun­nis­saat qulak­keer­tar­pat. Jehovamim­mi ilin­niar­tin­neqar­ner­tik an­nas­sutigisin­naavaat. Taamaat­tumik Jehova pil­lugu ilin­niar­nermik nuan­naarutigin­nin­nis­saan­nut Jehovamil­lu ilisimasaqar­nermik ilin­niar­tin­neqarsin­naanermin­nik paasin­nin­nis­saan­nut ikiuk­kit. (Us­s 24:14) Aam­ma qitor­natit oqaluus­sinermik ileq­qulius­sinis­saan­nik ilin­niar­tik­kit. Al­lanik Guutip oqaasianik ilin­niar­titsisar­nermik nuan­naarutigin­nin­nis­saan­nut ikior­nerisigut Jiisusi ilaaruk.

⁷ Jehovamut kif­far­tor­nermi aalajangersimasunik – soorlu atuaq­qis­saar­nermik, ataatsimiigiar­nermik oqaluus­sinermil­lu – ileq­qulius­sineq inuusut­tuaq­qat qanoq iluaqutigisin­naavaat? Erin, Sydafrikami najugalik, ima oqar­poq: “Meeraal­luta Biibilimik atuaq­qis­saaleraangat­ta meerujuusarlutalu naam­magit­taal­lior­tar­pugut. Ilaan­nik­kut piaaraluta ilaqutariit­tut atuaq­qis­saaqatigiin­neq unitsin­niarsarisar­par­put. Angajoq­qaak­kali tun­niutiin­nan­ngil­lat.” Angajoq­qaami tamak­ku qanoq pingaaruteqar­tigineran­nik paasin­nin­nis­samut ikiorman­ni qujamasuutigaa. Maan­na ataatsimiigian­ngitsoorsimagaangami imaluun­nit oqaluus­seqataan­ngitsoorsimagaangami tamak­kunin­nga ileq­qulius­sinis­sani ingerlaan­naq sulis­sutigisar­paa.

8. (a) Jiisusip maniguun­nini qanoq ersersip­paa? (b) Jiisusip maniguun­nera ajoqersugaasa qanoq iluaqutigaat?

⁸ Jiisusi naam­mal­luin­nar­tuugaluarluni maniguul­luni ajoqersuk­kaminut oqar­poq Jehova tatigisariaqarlugu. (Johan­nesi 5:19 atuaruk). Taman­na pil­lugu ajoqersugaasa Jiisusi ataq­qival­laarun­naar­paat? Naamik. Jehovamik tatigin­nin­nera paasinerujar­tor­til­lugu tatiginerujar­tuin­nar­paat. Kingor­natigut maniguun­nermik maligas­siuinera ilaar­paat. – ApS 3:12, 13, 16.

9. Kuk­kus­sutin­nik nas­suerutigin­nit­tar­nerit utoq­qatser­tar­neril­lu inuusut­tuaraativit qanoq iluaqutigis­savaa?

⁹ Uagut Jiisusi as­siginagu naam­mal­luin­nan­ngitsuul­lutalu kuk­kusar­pugut. Taamaat­tumik maniguut­tuugit. Iliuuserisin­naasavit kil­leqar­nerat kuk­kusar­neril­lu nas­suerutigiuk. (1 Joh 1:8) Taamaalior­taruit inuusut­tuaraativit kuk­kunerminik nas­suerutigin­nit­tar­nis­sani ilin­nias­savaa, aam­ma al­laat ataq­qinerulis­savaatit. Il­lit nam­mineq kina ataq­qineruiuk? Pisor­taq kuk­kusar­nerminik nas­suerutigin­nit­tar­toq imaluun­niit utoq­qatsin­ngisaan­nar­toq? Rosemary, pingasunik qitor­nalik, oqar­poq uinilu kuk­kus­sutitik nas­suerutigisarlugit. Ima nas­suiaavoq: “Taman­na qitor­nat­ta ajor­nar­torsiutimin­nik eq­qar­tuisar­nis­samin­nut kil­litsis­sutigaat.” Imalu nangip­poq: “Ajor­nar­torsiutinut aaq­qiis­sutit sumi pis­sarsiarineqarsin­naaneran­nik qitor­navut ilin­niar­tip­pavut. Ikior­tariaqaleraangata tamatigut Biibililersaarutinut in­nersuus­sisarlutalu qinoqatigisar­pavut.”

10. Jiisusi ajoqersuk­kaminik peq­qusisar­nis­samut oqar­tus­saas­suseqaraluarluni qanoq maniguup­pa?

¹⁰ Jiisusi ajoqersuk­kaminik peq­qusisar­nis­samut oqar­tus­saas­suseqar­poq. Maniguuk­kamili peq­qus­sutiminut pissutaasut nas­suiar­tar­pai. As­sersuutigalugu  oqarfigiin­nan­ngilai Naalagaaf­fim­mik Guutil­lu naaper­tuil­luas­susianik noq­qaas­sutigin­nis­sasut. Aam­ma ima oqar­poq: “Taava tamak­ku tamarmik ilan­ngul­lutik ilis­sin­nut tun­niun­neqarumaar­put.” Eq­qar­tuus­sisaq­qunagit oqarfigigamigit Jiisusi ima nas­suiaavoq: “Eq­qar­tuun­neqaq­qunasi. Eq­qar­tuus­sis­sutigisas­sin­nim­mi eq­qar­tuun­neqarumaar­pusi.” – Matt 6:31-7:2.

11. Malit­tarisas­sior­nin­nut aalajangius­san­nul­luun­niit pis­sutaasut oqaatigisar­nerisigut inuusut­tuaraatit qanoq ikiorsin­naaviuk?

¹¹ Malit­tarisas­sior­nin­nut aalajangius­san­nul­luun­niit pis­sutaasut inuusut­tuaraatin­nut pif­fis­sami naleq­qut­tumi oqaatigisak­kit. Pis­sutaasut paasigunigit naalak­kusulis­savaatit. Barry, meeq­qaminik sisamanik perorsaasoq, ima oqar­poq: “Pis­sutaasut oqaatigisaruk­kit inuusut­tuaraativit tatiginerulis­savaatsit.” Inuusut­tuaq­qat paasis­savaat taamaalior­nis­san­nut oqar­tus­saas­suseqar­nerit pis­sutigiin­nar­nagu pis­sutis­saqarluar­neril­li pis­sutigalugu malit­tarisas­sior­tutit aalajangius­saqar­tutil­luun­niit. Aam­ma eq­qaamas­savat inuusut­tuaq­qat meeraan­ngim­mata mikisut. ‘Siuneqar­tutut’ aalajangiisar­nis­sar­tik ilin­nialer­paat. (Rom 12:1, 1936) Barry ima nas­suiaavoq: “Inuusut­tuaq­qat misigis­sutsit tun­ngaviginagit eq­qarsarsin­naas­suserli tun­ngavigalugu silatusaar­tumik aalajangiisar­nis­sar­tik ilin­niar­tariaqar­paat.” (Tuss 119:34) Taamaat­tumik maniguul­lutit aalajangius­san­nut pis­sutaasoq inuusut­tuaraatin­nut oqalut­tuarisaruk. Taamaalior­taruit nam­mineq aalajangiisar­nis­sani ilin­nias­sal­lugulu paasis­savaa ilin­nit ataq­qineqarlunilu inersimasun­ngulersutut isigineqarluni.

12. Jiisusi ilisimas­suseqarami Petrusi qanoq ikior­paa?

¹² Jiisusi ajoqersuk­kani ikior­neqar­tariaqalermata ilisimas­susermik paasin­nit­tuunermil­lu ersersitsivoq. As­sersuutigalugu Jiisusip toqutaanis­saminik oqalut­tuum­matik Petrusip Jiisusi oqarfigaa im­minut ajun­ngisaarfigis­sasoq. Petrusip asagaani Jiisusip nalun­ngilaa, aam­mali kuk­kusumik eq­qarsar­taaseqar­nera nalun­ngilaa. Petrusi ajoqersuk­kal­lu al­lat qanoq ikior­pai? Siul­ler­tut, Petrusi naq­qip­paa. Tamatuma kingor­na erloqinar­torsior­nerup nalaani Jehovap piumasaatut iliun­ngitsut qanoq pineqar­nis­saat oqalut­tuaraa. Jiisusi aam­ma oqar­poq nam­minis­sarsiun­ngitsut Jehovamit akis­sarsisin­neqarumaar­tut. (Mat­t 16:21-27) Petrusip pisoq ilin­niarfigaa. – 1 Petr 2:20, 21.

13, 14. (a) Inuusut­tuaraativit up­per­nerminik ineriar­tor­titsisariaqar­neranut suut takus­sutis­saasin­naap­pat? (b) Qitor­navit pisariaqar­titai sor­piaanersut qanoq paasisin­naaviuk?

¹³ Inuusut­tuaraatit sunik pisariaqar­titsinersoq paasisin­naajumal­lugu ilisimas­suseqar­nis­sat Jehovamut qin­nutigisaruk. (Tus­s 32:8) Im­maqa pisar­nermisut nuan­naar­tigin­ngitsoq imaluun­niit qatan­ngutit ajor­tumik oqaluuserisarai paasivat. Im­maqa misigivutit arlaan­nik iser­tuus­saqar­toq. Ingerlaan­naq isum­mis­san­ngilatit inuusut­tuaraatit iser­torluni ajorluin­nar­tumik ilior­tar­toq. * Ajor­nar­torsiutaali soqutigin­ngitsuusaas­san­ngilat. Imaas­sin­naavoq up­per­nerminik ineriar­tor­titsiniar­nerani ikior­tariaqarit.

 ¹⁴ Paasiumal­lugu inuusut­tuaraatit qanoq ikiorsin­naanerlugu inus­siar­nersumik ataq­qin­nit­tumil­lu aperisaruk. Taman­na puilasumit imermik qalooraaner­tut ip­poq. Suk­kaval­laamik qalooraaguit er­ngup ilaa an­naas­savat. Taamatut­taaq utaq­qisin­naas­suseqar­nak inuusut­tuaraatit aperisaruk­ku pin­ngitsaalil­lugulu oqaloqatiginiarsarisaruk­ku qanor­piaq eq­qarsar­nersoq misiginersorlu paasisin­naas­san­ngilat. (Us­satit 20:5 atuaruk). Ilariap, siusin­nerusuk­kut is­suar­neqar­tup, eq­qaamavaa inuusut­tuaraal­luni atuaqatiminik peqateqar­nerunis­sani eq­qun­ngitsulior­nerusoq nalun­ngik­kaluarlugu atuaqatini peqatiginerorusut­tarlugit. Isumakuluuteqar­toq angajoq­qaavisa malugaat. Ilaria ima oqar­poq: “Taamaal­lunga nikal­lungasunga maluginiarsimal­lugu aperaan­nga suna ajor­nar­torsiutigineriga. Qis­saser­punga misigis­sutsin­nil­lu oqalut­tuutereerak­kit ikioq­qul­lunga. Pak­kutaar­paan­nga oqarfigalungalu paasisin­naanerarlunga ikiorumaarlungalu.” Angajoq­qaavisa ilagiin­neersunik ikin­ngutitaar­nis­saanik ingerlaan­naq ikiuler­paat.

15. Sutigut al­latigut Jiisusip ilisimas­suseqar­nini ersersip­paa?

¹⁵ Ajoqersuk­kami pis­susii nuan­nersut maluginiaraangamigit Jiisusi aam­ma ilisimas­susermik ersersitsisar­poq. As­sersuutigalugu Jiisusip Nazaretimiuunera paasigamiuk Nathanaeli ima aperivoq: “Sumik ajun­ngitsumik Nazaretimit pisoqarsin­naagami?” (Joh 1:46) Il­lit taamatut oqar­toq tusaasimasuuguk­ku isum­mis­sagaluar­pit Nathanaeli ajor­tus­sarsior­toq, nakerisarsior­toq imaluun­niit up­persuseqan­ngitsoq? Jiisusi taamatut eq­qarsan­ngilaq. Ilisimas­suseqar­ninili ersersip­paa Nathanaelilu un­neq­qarin­nera pil­lugu ima taal­lugu: “Kiisami aajuna Israelik­kuusoq peq­quserlun­neq ajor­toq.” (Joh 1:47) Jiisusip inuit uum­mam­miuinik takun­nis­sin­naanini inuit pis­susiinik nuan­nersunik maluginiaanis­samut ator­tar­paa.

16. Inuusut­tuaraatit siumukar­tuaq­qul­lugu qanoq kajumis­saarsin­naaviuk?

 ¹⁶ Jiisusitut uum­mam­miunik takun­nis­sin­naan­ngik­kaluarlutit ilisimas­susermik ersersitsisin­naavutit. Inuusut­tuaraativit pis­susiisa nuan­nersut maluginiar­nerunis­saan­nut Jehovap ikiorsin­naavaatit. Inuusut­tuaraativit pakatsisik­kaluar­patil­luun­niit ajor­neran­ngisaan­narlugulu eq­qis­siviil­lior­titsisutut taan­ngisaan­naruk. Al­laat taamatut eq­qarsaatigisas­san­ngilat. Paarlat­tuanik pis­susii nuan­nersut takusin­naal­lugit eq­qor­tumil­lu iliorusun­nera qularinagu oqarfigiuk. Siumukar­nera maluginiarlugulu nersualaar­taruk. Ajor­nan­ngik­kaangat akisus­saaf­fim­mik an­nerusumik tunineratigut pis­susiminik nuan­nersunik ineriar­tor­titsinis­saanut ikioruk. Jiisusip ajoqersuk­kani taamatut pisar­pai. Nathanaeli (aam­ma Bar­tholomæusimik taaneqar­tar­toq) ukioq ataaseq af­farlu ilisarisimareerlugu pingaarutilim­mik akisus­saaf­filer­paa. Jiisusip apustilin­ngor­tim­mani im­minut sulias­siis­sutigineqar­toq Nathanaelip aalajaal­luni suliaraa. (Luk 6:13, 14; ApS 1:13, 14) Inuusut­tuaraatit kuk­kujuar­tutut misigitin­nagu nersualaar­tarlugulu kajumis­saar­taruk. Ilin­nik Jehovamil­lu nuan­naar­titsisin­naasutut Jehovamul­lu kif­far­tor­nermi pigin­naanerminik atuisin­naasutut misigitit­taruk.

17, 18. Inuusut­tuaraatisi Jehovamut kif­far­toq­qul­lugit ilin­niar­tit­tuarus­sigit qanoq angusaqarsin­naavisi?

¹⁷ Apustilitut Paulusitut, anersaak­kut qitor­nani pil­lugit isumakuluutigin­ningaar­tutut, misigisarsin­naavutit. Korinthimi anersaak­kut qitor­nani ‘asangaaramigit’ Paulusi ‘qul­lilisarlunilu an­nikil­liungaar­tar­poq’. (2 Kor 2:4; 1 Kor 4:15) Victor, pingasunik qitor­nalik, ima oqar­poq: “Inuusut­tuaraateqar­neq imaan­naan­ngitsuuvoq. Misigisal­li nuan­nersut unam­miniar­nar­tunit an­nerup­put. Jehovap ikiuineratigut qitor­natsin­nik ikin­nguteqarluar­neq nuan­naarutigaar­put.”

¹⁸ Angajoq­qaajususi, qitor­nasi asagas­sigit ilin­niar­tin­niarlugit tamaviaar­taritsi. Tun­niutiin­nan­ngisaan­naritsi. Qitor­nasi Guutimut tun­niul­luin­nar­niarlutik aalajaal­lutil­lu kif­far­tor­tuar­niarlutik aalajanger­pata qanoq nuan­naar­tigis­sal­lusi takorloor­tarsiuk. – 3 Joh 4.