Ukiumi 33-mi Jiisusi toquvoq, toqusunit makippoq qilaliarlunilu. Kingusinnerujussuakkut Jiisusi kunngitut oqartussaassusilerneqarpoq. (Danieli 7:13, 14) Siunissami Jiisusi kunngitut nunarsuarmi eqqissisitsiumaarlunilu piitsuussusermik atuukkunnaarsitsissaaq. — Tussiaat 72:7, 8, 13 atuakkit.

Jiisusi inuiannut naalagaasutut nuanningaartumik iliuuseqassaaq. Taassuma Jehovap pissaaneq tunniussaa atorlugu inuit naammal­luinnartun­ngorteq­qissavai. Utoqqalinatik nunarsuarmi inuujuarnissartik tipaatsuutigissavaat. — Johannesi 5:26-29; 1 Korinthimiut 15:25, 26 atuakkit.

Massakkut Jiisusi ajoqersukkami ilumoortut nunarsuaq tamakkerlugu oqaluussinerannik siulersuivoq. Taakkua Guutip naalagaaffia pillugu Biibilimi qanoq allassimasoqartoq takutinniarlugu inuit pulaartarpaat. Jiisusi oqarpoq Guutip naalagaaffiata nunami naalakkersuisunik suujunnaarsitsinissaata tungaanut oqaluussineq tapersersortuassalugu. — Matthæusi 24:14; 28:19, 20 atuakkit.

Jiisusip ilagiit aqqutigalugit inuit pitsaanerusumik inuuneqalernissaannut ikiorpai. Taakku pissutsit aaqqissuussaanerat matuma atuuttup suujunnaarsinneqarneranit aniguisissallugillu Guutip silarsuassaani nutaami inuulersikkumaarpai. — 2 Petrusi 3:7, 13; Saqqummersitat 7:17 atuakkit.