1. Guuti eq­qor­tumik pal­lorfigigutsigu qanoq iluaqutigis­savar­put?

JEHOVA GUUTI uagutsin­nik isumas­suingaar­tuuvoq, kis­saatigaalu asan­nil­luni siun­nersuinini iluaqutigis­sagip­put. Eq­qor­tumik pal­lorfigigutsigu pil­lualis­saagut ajor­nar­torsiuter­pas­suil­lu pin­ngitsoorlugit. Aam­ma Guutimit pil­luaq­qusaas­saagut ikior­neqas­sal­lutalu. (Esaja 48:17) Hundredilin­nil­li up­perisarsioqatigeeqar­poq Guuti pil­lugu eq­qor­tumik ajoqersuinerar­tunik. Taak­kuali Guutip kinaaneranik uagutsin­nul­lu piumasaqaataanik ajoqersuutaat as­sigiin­ngeqaat.

2. Pal­lorfigin­neriaaseq eq­qor­toq sorliunersoq qanoq paasisin­naavar­put, paasiniaanermilu as­sersuut suna iluaqutigisin­naavar­put?

² Guutimik pal­lorfigin­neriaaseq eq­qor­toq sorliunersoq qanoq paasineqarsin­naava? Up­perisarsioqatigiit tamarmik ajoqersuutaan­nik misis­suinis­saq sanil­lius­sinis­sarlu pisariaqan­ngilaq. Pal­lorfigin­nin­neq ilumoor­toq pil­lugu Biibilimi qanoq al­las­simasoqar­nersoq paasinis­saa naam­map­poq. Ima as­sersuusior­toqarsin­naavoq: Nunar­pas­suar­ni aningaasaliat peq­quserluutit ajor­nar­torsiutaap­put. Aningaasalianik peq­quserluutinik paasiniaal­lutil­lu katersueq­quneqar­tuuguit qanoq ilius­sagaluar­pit? Peq­quserlul­luni aningaasalioriaatsit as­sigiin­ngitsut tamaasa paasiniaq­qis­saas­sagaluar­pigit? Ilimanan­ngilaq. Pif­fis­samik atuil­luar­nerus­saatit aningaasaviit qanoq isik­koqar­nersut paasiniaq­qis­saaruk­ku.  Taman­na paasiguk­ku aningaasaliat peq­quserluutit sorliunersut paasiler­tor­nerusin­naas­savat. Taamatut­taaq up­perisarsior­nerup ilumoor­tup ilisar­naatai nalun­ngik­kutsigit up­perisarsior­nerit eq­qun­ngitsut sorliunersut paasisin­naas­savavut.

3. Guutimit iluarisaas­sagut­ta qanoq ilior­tariaqar­pugut?

³ Pingaaruteqar­poq Jehovap iluarisaanik taas­sumin­nga pal­lorfigin­nin­nis­sar­put. Inup­pas­suit isumaqar­put Guutip up­perisarsior­nerit tamaasa iluarigai, taman­nali Biibilimi ajoqersuutigineqan­ngilaq. Kristumiuunerar­neq naam­man­ngilaq. Jiisusi ima oqar­poq: “Imaan­ngilaq kinaluun­niit uan­nut oqar­toq: Naalagaq, Naalagaq! Qilaap Naalagaaf­fianut isis­sasoq, Ataatamali qilan­niit­tup piumasaanik ilior­toq kisimi.” Tas­sa Guutimit iluarisaas­sagut­ta paasiniar­tariaqar­par­put taas­suma qanoq piumasaqarfigineraatigut tamatumun­ngalu naaper­tuut­tumik iliuuseqar­tariaqarluta. Jiisusi oqar­poq Guutip piumasaatut iliun­ngitsut ‘inatsisinik unioq­qutitsisuusut’. (Mat­thæusi 7:21-23) Up­perisarsior­neq eq­qun­ngitsoq aningaasaliatut peq­quserluutitut naleqan­ngitsigaaq. Al­laam­mi up­perisarsior­neq taama it­toq ajoqutaavoq.

4. Aq­qutit marluk pil­lugit Jiisusip oqaasii qanoq paasisariaqar­pat?

⁴ Jehovap inuit tamaasa naas­saan­ngitsumik inuunis­samut periarfis­sip­pai. Paratiisimili naas­saan­ngitsumik inuujumal­luta Guuti eq­qor­tumik pal­lorfigisariaqar­par­put taas­suman­ngalu akuerineqarsin­naasumik inooriaaseqar­tariaqarluta. Ajoraluar­tumik inup­pas­suit taamaalioruman­ngil­lat. Jiisusi ima oqar­poq: “Isaaf­fik­kut nerukitsuk­kut iseritsi; nerutoqaarmi tam­marfim­mut isaaf­fik tas­sungalu aq­qutaa sileqaluni; amerlaqaal­lu tas­suuna isaasut. Nerukeqaarli inuus­sum­mut isaaf­fik tas­sungalu aq­qutaa ameqaluni; ikit­tuin­naap­pul­lu taas­sumin­nga nanisisut!” (Mat­thæusi 7:13, 14) Up­perisaq ilumoor­toq inuunermut naas­saan­ngitsumut sam­mivoq. Up­perisaq eq­qun­ngitsoq tam­marfim­mut sam­mivoq. Jehovap kis­saatigin­ngin­namiuk inuup ataasiin­naal­luun­niit tam­mar­nis­saa inuit sumi tamaniit­tut im­minik ilisarisiman­niler­nis­saan­nik periarfis­sip­pai. (2 Petrusi 3:9) Tas­sa Guutimik pal­lorfigin­neriaaser­put inuunermik toqumil­luun­niit uagutsin­nut kinguneqas­saaq.

5. Kik­kut up­perisaq ilumoor­toq naaper­torlugu inuunersut qanoq paasineqarsin­naava?

⁵ ‘Inuus­sum­mut aq­qut’ qanoq nanineqarsin­naava? Jiisusi oqar­poq up­perisaq ilumoor­toq sorliunersoq tamatumin­nga up­perisaqar­tut inooriaasiisigut erseq­qis­sasoq. Ima oqar­poq: “Inerititaasigut ilisarisin­naas­savasi. ... Or­pik ajun­ngitsoq sunaluun­niit ajun­ngitsunik inerititaqar­tar­poq.” (Mat­thæusi 7:16, 17) Tas­sa up­perisaq ilumoor­toq naaper­torlugu inuusut ajoqersuutimik­kut pis­susilersor­nermik­kul­lu ilisarineqarsin­naas­sap­put. Naam­mal­luin­nan­ngitsuugaluarlutik kuk­kusaraluarlutil­lu eqimat­tatut isigalugit Guutip piumasaatut ilior­niar­tuup­put. Up­perisaq ilumoor­toq naaper­torlugu inuusut ilisar­naataat arfinil­lit misis­soriar­tigit.

6, 7. Guutip in­nut­taasa Biibili qanoq isigaat, tamatumun­ngalu tun­ngatil­lugu Jiisusi qanoq maligas­saal­luar­pa?

⁶ Guutip kiffaasa ilumoortut ajoqersuutitik Biibilimik tunngaveqartippaat. Biibilimi ima al­las­simavoq: “Al­lak­kat Guutimit anersaarfigineqar­tut [isumas­sarsiarititaasut, NW] tamarmik iluaqutaap­put ajoqersuinermut, up­per­narsaanermut, ilitsersuinermut iluar­nermul­lu perorsaanermut, inuk Guutip pigisaa ineril­luin­naq­qul­lugu ajun­ngitsulior­ner­nut tamanut pigin­naan­ngorsagaal­luni.” (2 Timotheusi 3:16, 17) Apustili Paulusi up­peqatiminut kristumiunut ima al­lap­poq: ‘Guutip oqaasia uatsin­nit tusagarsi ilas­sigas­siuk inuit oqaasiat­tut ilas­sin­ngilarsi, kisian­ni pis­susiviatut, tas­sa Guutip oqaasiatut.’ (1 Thes­salonikamiut 2:13) Taamaat­tumik ajoqersuutit iliuutsil­lu up­perisarsior­nermut tun­ngas­suteqar­tut inuit isumaan­nik ileq­qutoqaan­nil­lu tun­ngaveqaratik Guutip oqaasianik isumas­sarsiarititaasumik tun­ngaveqar­put.

⁷ Jiisusi Kristusi eq­qor­tumik maligas­siuivoq ajoqersuutini Guutip oqaasianik tun­ngaveqar­tik­kamigit. Ataataminut qilam­miusumut qinugami ima oqar­poq: “Oqaatsitit sal­lusuis­sutaap­put.” (Johan­nesi 17:17) Jiisusip Guutip oqaasia up­peraa, al­lanul­lu ilin­niar­titsis­sutai tamarmik Al­lak­kanut Il­ler­nar­tunut naaper­tuup­put. Ima oqar­tar­poq: “Al­las­simavoq.” (Mat­thæusi 4:4, 7, 10) Taama oqariarluni al­las­simaf­fim­mik is­suaasar­poq. Taamatut­taaq ul­lumik­kut Guutip in­nut­taasa nam­min­neq isum­matik ilin­niar­titsis­sutigineq ajor­paat. Up­peraat Biibili tas­saasoq Guutip oqaasia,  ilin­niar­titsiner­til­lu tas­sani al­las­simasunik tun­ngaveqarluar­tip­paat.

8. Jehovamik pal­lorfigin­nin­nermut suna ilaava?

⁸ Upperisaq ilumoortoq naapertorlugu inuusut Jehova kisiat pallorfigaat taassumalu aqqa ilisimaneqalersillugu. Jiisusi ima oqar­poq: “Naalagaq [Jehova, NW] Guutit pal­lorfigis­savat taan­nalu kisiat kif­far­tuul­lugu.” (Mat­thæusi 4:10) Tas­sa Guutip kif­fai al­lamik Jehovaan­ngitsumik pal­lorfigin­nin­neq ajor­put. Jehovamik pal­lorfigin­nin­nermut ilaavoq Guutip qanoq ateqar­neranik qanorlu it­tuuneranik inun­nut al­lanut oqalut­tuar­neq. Tus­siaat 83:19-imi ima al­las­simavoq: ‘Il­lit kisivit – aq­qit tas­saasoq Jahve – Qutsin­nerus­saar­tuuvutit nunarsuarmi tamarmi.’ Guutimik ilisarisiman­nilersitsiniar­nermi al­lanik ikiuinis­samut tun­ngatil­lugu Jiisusip maligas­sip­paatigut. Ima qinuvoq: “Aq­qit saq­qum­miup­para inun­nut silarsuarmit uan­nut tun­nius­san­nut.” (Johan­nesi 17:6) Taamatut­taaq nalitsin­ni pal­lorfigin­nit­tut ilumoor­tut Guutip aq­qa, siuner­tai pis­susiilu al­lanut ilin­niar­titsis­sutigaat.

9, 10. Kristumiut ilumoor­tut qanoq asan­nit­tuliorfigeqatigiit­tar­pat?

⁹ Guutip innuttai ilumoortumik namminissarsiunngitsumillu asaqatigiipput. Jiisusi ima oqar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Johan­nesi 13:35) Kristumiut siul­liit taamatut asaqatigiip­put. Asan­nin­neq taamaat­toq inuiaas­sutsik­kut in­nut­taaqatigiin­nilu inis­sisimaf­fitsigut al­latigul­luun­niit avis­saar­tuutaasunik ajugaaf­figin­nit­tar­poq qatan­ngutigiis­suar­tul­lu ataqatigiil­luin­nalersitsisarluni. (Kolossemiut 3:14 atuaruk; Hebræerit 13:1) Up­perisarsior­nermi eq­qun­ngitsumi up­perisarsioqatigeeqan­ngilaq taamatut qatan­ngutigiit­tut asaqatigiit­tunik. Sooq taamaan­neraasin­naavugut? Inuiaas­sutsik­kut naggueqatigiis­sutsik­kul­lu as­sigiin­ngis­sutit pis­sutigalugit toqoraat­toqar­tarmat. Kristumiut ilumoor­tut up­peqatimin­nik al­lanil­luun­niit toqutsineq ajor­put. Biibilimi ima al­las­simavoq: “Matumuuna erseq­qis­sivoq kik­kut Guutip qitor­narigai kik­kul­lu Diaavulup qitor­narigai: Kinaluun­niit iluar­tumik iliun­ngitsoq Guutimit pisuun­ngilaq, soorlut­taaq qatan­ngum­minik asan­nit­tuun­ngitsoq Guutimit pisuusin­naan­ngitsoq. ... Asaqatigiis­saagut as­sigis­sanagulu Kaini Ajor­tumit pisuusoq nuk­kaminil­lu toqutsisoq.” – 1 Johan­nesi 3:10-12; 4:20, 21.

 ¹⁰ Soorunami asan­nin­neq ilumoor­toq tas­saagin­nan­ngilaq inun­nik al­lanik toqutsin­ngin­neq. Kristumiut ilumoor­tut pif­fis­sar­tik, nukitik pigisatil­lu ikioqatigiin­nermut kajumis­saaqatigiin­nermul­lu nam­minis­sarsioratik ator­tar­paat. (Hebræerit 10:24, 25) Un­neq­qaris­suul­lutil­lu an­nikil­liorfiusuni ikioqatigiit­tar­put. ‘Tamanut ajun­ngitsulior­nis­samik’ siun­nersuut Biibilimeersoq maleruar­tar­paat. – Galatiamiut 6:10.

11. Sooq Jiisusi Kristusi Guutip an­naas­sis­sutigisaatut akueris­sal­lugu pingaaruteqar­pa?

¹¹ Kristumiut ilumoortut Jiisusi Kristusi Guutip annaassissutigisaatut akueraat. Biibilimi ima al­las­simavoq: ‘Al­lak­kut an­naf­fis­saqan­ngilaq, ilami inuit qilaap ataani atermik al­lamik tunineqarsiman­ngil­lat an­naan­neqaatis­satsin­nik.’ (Apustilit Suliaat 4:12) Soorlu kapitali 5-imi paasigip­put inuit Guutimut naalak­kumasut uter­tin­neqaatis­saat­tut Jiisusip inuunini tun­niup­paa. (Mat­thæusi 20:28) Aam­mat­taaq Jiisusi tas­saavoq naalagaaf­fim­mi qilam­miit­tumi nunarsuarmut tamarmut aqutsisus­sami Guutip kun­ngisut toq­qagaa. Naas­saan­ngitsumik inuujumal­luta Jiisusi naalat­tariaqar­par­put ajoqersuutaanil­lu maleruaasariaqarluta. Biibilimi ima al­las­simavoq: “Er­nermut up­per­toq naas­saan­ngitsumik inuuneqar­poq; Er­nermut naalas­seriitsup inuuneq takus­san­ngilaa.” – Johan­nesi 3:36.

12. Silarsuarmut ilaan­ngin­neq qanoq paasisariaqar­pa?

¹² Guutimik pallorfiginnittut ilumoortut silarsuarmut ilaanngillat. Jiisusi Romamiut naalagaatitaan­nit Pilatusimit kil­lisior­neqarami ima oqar­poq: “Uanga naalagaaf­figa silarsuarmit matuman­nga pin­ngilaq.” (Johan­nesi 18:36) Jiisusip ajoqersuk­kani ilumoor­tut sumiluun­niit najugaqaraluar­pata naalagaaf­fim­mini qilam­miit­tumi in­nut­tarai. Taamaat­tumik taak­ku silarsuarmi matumani politik­kimut akuliun­naveersaaq­qis­saar­tuup­put silarsuarmilu akerleriin­nerit peqataaf­figisar­nagit. Inuil­li al­lat qanoq ilius­sanersut – qinersis­sanersut, politik­kik­kut par­tiimut ilaasor­tan­ngus­sanersut imaluun­niit qinigas­san­ngor­tis­sanersut – akuliuf­figineq ajor­paat. Guutimik pal­lorfigin­nit­tut ilumoor­tut politik­kimut akuliun­naveersaar­tuujutigalutik inatsisinut naalat­tuup­put. Sooq? Guutip oqaasiani peq­quneqaramik ‘naalatsigitis­sasut naalak­kersuisunut qul­lersarisamin­nut’, tas­sa naalak­kersuisunut nunamiusunut. (Romamiut 13:1) Politik­kik­kul­li oqar­tus­saasut Guutip  piumasaanut akerliusumik piumasaqaraangata pal­lorfigin­nit­tut ilumoor­tut apustilit maligas­siaat malit­tar­paat. Taak­ku ima oqar­put: “Guuti inun­nit naalat­tariaqar­neruvoq.” – Apustilit Suliaat 5:29; Markusi 12:17.

13. Jiisusip ajoqersugaasa ilumoor­tut Guutip naalagaaf­fia qanoq isigaat, taamaat­tumil­lu sulerip­pat?

¹³ Jiisusip ajoqersugaasa ilumoortut Guutip naalagaaffiata inunnut neriuutissatuaanera oqaluussissutigaat. Jiisusi ima siulit­tuivoq: ‘Naalagaaf­fim­mik iivangkiiliu silarsuarmi tamarmi oqaluus­sis­sutigineqas­saaq  inuian­nut tamanut nalujun­naarsil­lugu, taavalu naggatis­saq nal­liutis­saaq.’ (Mat­thæusi 24:14) Naalak­kersuisut nunamiusut ajor­nar­torsiutinik aaq­qiisin­naasutut tatiginis­saat kajumis­saarutiginagu Jiisusip Kristusip ajoqersugaasa ilumoor­tut Guutip naalagaaf­fiata qilam­miit­tup inun­nut neriuutis­satuaanera oqaluus­sis­sutigaat. (Tus­siaat 146:3) Jiisusip naalagaaf­fiup naam­mal­luin­nar­tup tamatuma qin­nutigisar­nis­saanik ilin­niar­tip­paatigut ima oqarami: “Naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:10) Guutip oqaasiani siulit­tuutigineqar­poq naalagaaf­fiup qilam­miit­tup tamatuma ‘kun­ngeqarfiit al­lat [naalagaaf­fiit maan­na atuut­tut] tamaasa aseror­tis­sagai suujun­naarsil­lugil­lu, nam­minerli soraajuitsumik atas­sasoq’. – Danieli 2:44; Saq­qum­mersitat 16:14; 19:19-21.

14. Up­perisarsioqatigiit sorliit pal­lorfigin­nin­nermut ilumoor­tumut piumasaqaatinik eq­qor­titsisoraagit?

¹⁴ Kapitalimi matumani eq­qar­tuk­kavut tun­ngavigalugit ima aperineqaruit qanoq akis­savit: ‘Up­perisarsioqatigiit sorliit ajoqersuutitik tamaasa Biibilimik tun­ngaveqar­tip­paat Jehoval­lu aq­qa ilisimaneqalersil­lugu? Up­perisarsioqatigiit sorliit pil­lugit oqar­toqarsin­naava Jiisusimik up­perin­nin­ner­tik iliuutsimik­kut ersersik­kaat, ilumoor­tumik asaqatigiit­tut, silarsuarmut ilaan­ngitsut aam­ma Guutip naalagaaf­fiata inun­nut neriuutis­savituaanera oqaluus­sis­sutigigaat? Silarsuarmi up­perisarsioqatigiin­nit tamanit sorliit piumasaqaatinik tamak­kunin­nga tamanik eq­qor­titsip­pat?’ Piviusut takutip­paat tas­saasut Jehovap Nalunaajaasui. – Esaja 43:10-12 atuakkit.

15. Guutip piunera up­periin­nar­nagu aam­ma qanoq ilior­tariaqar­pugut?

¹⁵ Tas­sa Guutimit iluarisaas­sagaan­ni up­per­neq naam­man­ngilaq. Biibili naaper­torlugu al­laat anersaapiluit Guutip piunera up­peraat. (Jaaku 2:19) Erseq­qip­porli taak­ku Guutip piumasaatut iliun­ngin­namik taas­suman­nga iluarisaan­ngitsut. Guutimit iluarisaajumagut­ta taas­suma piunera up­periin­nar­nagu, aam­mali taas­suma piumasaatut ilior­tariaqar­pugut. Aam­mat­taaq up­perisarsior­neq eq­qun­ngitsoq peqataaf­figiun­naar­tariaqar­par­put pal­lorfigin­nin­nerlu ilumoor­toq uum­matik­kut iluun­ngarluta peqataaf­figisariaqarlugu.

16. Up­perisarsior­nermut eq­qun­ngitsumut tun­ngatil­lugu qanoq ilior­tariaqar­pugut?

 ¹⁶ Apustili Paulusi erseq­qis­saavoq pal­lorfigin­nin­neq eq­qun­ngitsoq peqataaf­figis­san­ngik­kip­put. Ima al­lap­poq: “Akor­nan­nit anigitsi avis­saarlugil­lu, oqar­poq Naalagaq, mingun­nar­tumil­lu at­tueqinasi, taava ilas­siumaar­pas­si.” (2 Korinthimiut 6:17; Esaja 52:11) Taamaat­tumik kristumiut ilumoor­tut up­perisarsior­nermut eq­qun­ngitsumut tun­ngas­suteqar­tut tamaasa ingalas­simavaat.

17, 18.  “Babylonersuaq” suua, aam­ma sooq pingaaruteqar­pa taan­na ‘qimal­lugu aninis­saq’?

¹⁷ Biibilimi ersersin­neqar­poq up­perisarsior­nerit eq­qun­ngitsor­pas­suit tamarmik ‘Babylonersuarmut’ ilaasut. * (Saq­qum­mersitat 17:5) Taaguum­mit tamatuman­nga itsaq il­loqarfim­mik Babylonimik eq­qaasin­neqar­pugut; tas­sani up­perisarsior­neq eq­qun­ngitsoq Noap nalaani ulersuup kingor­na aal­lar­tip­poq. Ajoqersuuter­pas­suit ileq­qor­pas­suil­lu nalitsin­ni up­perisarsior­ner­ni eq­qun­ngitsuni nalingin­naasut itsaq Babylonimit naggueqar­put. As­sersuutigalugu Babylonimiut guutit ataasiul­lutil­lu pingasuusut pal­lorfigaat. Ul­lumik­kut ataasiul­lunilu pingasuus­susermik ajoqersuut up­perisarsior­ner­ni as­sigiin­ngitsor­pas­suar­ni pingaar­ner­paavoq. Biibilimili erseq­qis­sumik ajoqersuutigineqar­poq ataasiin­narmik ilumoor­tumik Guuteqar­toq, tas­sa Jehova, taas­sumalu er­nerigaa Jiisusi Kristusi. (Johan­nesi 17:3) Itsaq Babylonimiut aam­ma up­peraat inuk toqujuitsumik tar­neqar­toq timi toqugaangat uumaan­nar­tar­tumik an­niarfim­milu an­niarsin­naasumik. Up­perisaq taamaat­toq ul­lumik­kut up­perisarsioqatigiin­ni amerlaner­ni ajoqersuutaavoq.

¹⁸ Itsaq Babylonimiut up­perisaat nunarsuarmut tamarmut siaruarsimam­mat, nalitsin­ni silarsuarmi tamarmi up­perisarsior­neq eq­qun­ngitsoq Babylonersuar­tut taas­sal­lugu naleq­qup­poq. Guutil­lu siulit­tuutigaa silarsuarmi tamarmi up­perisarsior­nerup eq­qun­ngitsup naggatis­saa tas­san­ngaan­naq nal­liuk­kumaar­toq. Paasiviuk sooq sutigut tamatigut Babylonersuarmit avis­saarsimanis­saq ilin­nut pingaaruteqarluin­nar­tuusoq? Guutip kis­saatigaa piaar­ner­paamik pif­fis­saagal­lar­til­lugu taan­na ‘qimal­lugu anis­sasutit’. – Saqqummersitat 18:4, 8 atuakkit.

19. Jehovamut kif­far­tor­neq qanoq pis­sarsif­figis­saviuk?

 ¹⁹ Imaas­sin­naavoq up­perisarsior­neq eq­qun­ngitsoq qiman­niarlugu aalajanger­nerit pis­sutigalugu ilaqut­tavit ikin­ngutivil­luun­niit ilaasa ilagiumajun­naas­sagaatsit. Jehoval­li in­nut­tai peqatigalugit taas­sumun­nga kif­far­tor­nin­ni an­naasin­naasan­nit an­nerungaar­tumik pis­sarsiumaar­putit. Jiisusip ajoqersugaasa siul­liit taan­na malin­niarlugu tamanik qimatsisimasut pisimanerat­tut anersaak­kut qatan­nguter­pas­suaqalerumaar­putit. Silarsuaq tamak­kerlugu ilaqutariis­suar­nut kristumiuusunut ilumoor­tunut mil­lionilin­nut ilaalerumaar­putit, taak­kualu asan­nin­nermik ilumoor­tumik ersersitsivigiumaar­paatsit. Aam­ma “silarsuar­taas­sami” naas­saan­ngitsumik inuunis­samik neriuut nuan­ningaar­toq neriuutigilis­savat. (Markusi 10:28-30 atuakkit). Im­maqalu up­perisat pil­lugu ilin­nik tunus­sisimagaluar­tut pif­fis­sap ingerlanerani Biibilimi ajoqersuutigineqar­tunik misis­suerusulis­sap­put Jehovamil­lu pal­lorfigin­nilerlutik.

20. Up­perisaq ilumoor­toq malil­lugu inuusut qanoq siunis­saqar­pat?

²⁰ Biibilimi ajoqersuutigineqar­poq Guutip qanit­tuk­kut silarsuaq ajor­toq maan­na atuut­toq atorun­naarsik­kumaaraa taarserlugulu silarsuarmik naaper­tuil­luas­suseqarfiusumik, Guutip naalagaaf­fianit aqun­neqar­tumik. (2 Petrusi 3:9, 13) Silarsuaq taan­na inuuf­figis­sal­lugu nuan­nerunangaarami! Silarsuas­samilu nutaami ataasiin­narmik up­perisaqas­saaq – pal­lorfigin­nin­neq ilumoor­toq. Silatusaas­saatit pal­lorfigin­nit­tunut ilumoor­tunut ilan­ngun­nis­samut pisariaqar­tunik maan­na iliuuseqaruit.