Ima pisoqar­toq takorlooruk: Iviup biilerluni angalaarfini ilisarinngilluinnarpaa. Aq­quser­ngup taaguutaanit avatangiisinil­lu takusin­naavaa ingerlaarfis­saminiin­nani. Iviup paasivaa tam­marluni. Ingerlaar­nermini kuk­kul­luni sangusoorsimas­saaq.

Il­lit Iviusuuguit qanoq iliorsimas­sagaluar­pit?

Arlalin­nik periarfis­saqar­putit:

1. Suk­kuus­sanerlutit aperisin­naavutit.

2. Nunap as­singa imaluun­niit GPS atorsin­naavat.

3. Ingerlaniin­narsin­naavutit neriuutigalugulu or­nitan­nut apuuk­kumaarlutit.

Periarfis­saq C iluaqutaan­ngin­ner­paavoq.

Periarfis­saq B al­lanit iluaqutis­sar­taqar­neruvoq. Tas­sami nunap as­singa imaluun­niit GPS suk­kuus­sanerlutit paasiniaanin­ni aq­qutaa tamaat atorsin­naagak­ku.

Taamatut­taaq Biibili iluaqutigisin­naavat!

Atuagaq tunisaaner­paaq taan­na iluaqutigalugu

• inuunermi ajor­nar­torsiutit qaangersin­naavatit

• im­minut ilisarisimal­lualis­saatit inut­tul­lu pitsaanerulerlutit

• paasisin­naavat pitsaaner­paamik qanoq inuuneqalersin­naal­lutit

Oqalus­sin­naaliin­narluta aperisalersar­pugut.

• Sooruna qilak tungujortuusoq?

• Ullorissanuku ullukkut sumiittartut?

Peroraangat­ta silarsuaq inuuf­fip­put pil­lugu apeq­quteqalersar­pugut.

• Sooq ajortunik nalaataqartarpugut?

• Sooq inuit toqusarpat?

Apeq­qutinum­mi taak­kunun­nga akis­sutit Biibilimiit­tuarsimap­pata?

Inup­pas­suit Biibili oqalut­tuatoq­qanik oqalut­tualianil­lu ulik­kaar­nerar­tar­paat, pisoqaaval­laar­nerar­tar­paat paasiuminaap­pal­laar­nerar­tarluguluun­niit. Biibilili paasiuminaap­pal­laar­pa, imaluun­niit inuit Biibili pil­lugu ilisimasakip­pal­laar­pat? Kuk­kusumik paasitin­neqarsimap­pat?

Inuit isumaqar­put Biibili naaper­torlugu Guuti silarsuarmik aqutsisuusoq. Qanoq taamaas­sin­naagami? Silarsuarmi pis­sutsit ingasatsik­kiar­tuin­nar­put. An­niaatit naal­liuutil­lu, nap­paatit toqusul­lu, atugarlior­nerit ajunaar­neril­lu imaagin­navip­put. Guuti asan­nit­toq tamak­kunun­nga tamanut akisus­saasin­naagami?

Akis­sutaa paaserusup­piuk? Imaas­sin­naavoq silarsuarmik aqutsisoq pil­lugu Biibilimi al­las­simasut tupaal­laatigigitit!

Qup­persak­kami matumani siun­nersuutit Biibilimik tun­ngaveqar­nerat maluginiarsimas­savat. Biibilip ‘Guutimit anersaarfigineqar­tup ajoqersuinermut, up­per­narsaanermut ilitsersuinermul­lu iluaqutaanera’ pis­sutigalugu Jehovap Nalunaajaasuisa qularin­ngilaat Biibilimi siun­nersuutit tatiginar­tuusut. (2 Timotheusi 3:16, 17) Atuak­kap itsar­nisap – nutaaliaasul­li – misis­sor­nera iluaqutigis­savat!