Ima pisoqar­toq takorlooruk: Julia tarrarsorami pualasorivoq. Angajoq­qaami ikin­ngutimilu salut­tuararsuuneraraluaraan­ni eq­qarsar­tar­poq: “Sanigor­tariaqar­punga”.

Kingul­ler­tigut Juliap “kiilualun­nik” sanigor­niarluni ingasat­tajaar­tumik iliuuseqar­nis­sani eq­qarsaatigisar­paa. Ul­lualun­ni im­minut perlersiarilaagin­nar­tus­saavoq ...

Il­lit Juliatut misigisuuguit qanoq ilius­sagaluar­pit?

Qanoq isik­koqar­nin­nik pingaar­titsinerit ajor­tuun­ngilaq. Biibilimi ar­nat angutil­lu arlal­lit – soorlu Sara, Rakeli, Abigajili, Josefi aam­ma Daavi – pin­nersutut al­laatigineqar­put. Biibilimi ar­naq Abishagimik atilik ‘as­sut pin­nersutut’ al­laatigineqar­poq. – 1 Kun­ngit 1:4.

Inuusut­tor­pas­suil­li qanoq isik­koqar­ner­tik pingaar­ner­paatip­paat. Taman­na arlalitsigut ajor­nar­torsior­titsilersin­naavoq. Uku eq­qarsaatigik­kit:

• Misis­suinermi niviarsiaq­qat 17 procentii pualaval­laar­put, taamaat­toq 58 procentii pualaval­laar­tutut im­min­nut isigip­put.

• Misis­suinermi al­lami ar­nat salup­pal­laar­tut 45 procentii pualaval­laarsorip­put!

• Inuusut­tut ilaat sanigor­niarlutik neriumajun­naar­tun­ngor­tar­put – tas­sa inuunermin­nut navianar­torsior­titsisumik nerisar­nermik ajor­nar­torsiuteqaler­tar­put.

 Neriumajun­naar­taruit nerisas­sanul­luun­niit tun­ngatil­lugu ajor­nar­torsiuteqaruit ikiortis­sar­siorit. Aal­lar­niutigalugu angajoq­qaat inersimasorluun­niit tatigisat oqaloqatigiuk. Biibilimi al­las­simavoq: “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” – Us­satit 17:17.

Inut­tut qamuuna qanoq it­tuuneq pin­nis­sutsimut aalajangiisuuvoq. Kun­ngip Daavip er­nera Absalomi eq­qarsaatigiuk. Biibilimi al­las­simavoq:

“Israelimi tamarmi Absalomisut kusanar­tigisoqaranilu nersugaatigisoqan­ngilaq; ... sumik ip­pin­naateqan­ngilaq.” – 2 Samueli 14:25.

Angul­li inuusut­toq taan­na makital­lunilu qaf­fas­simaar­tuul­lunilu tatigisas­saan­ngitsuuvoq! Taamaat­tumik Biibilimi pitsaasutut al­laatigineqar­nani kan­ngut­taatsutut, ilumoorfigin­nin­ngitsutut uumis­suil­lunilu toqutserusut­tutut al­laatigineqar­poq.

Biibilimi tun­ngavis­saqarluar­tumik ima siun­nersor­neqar­pugut:

‘Atisiuk [inuk] nutaaq.’ – Kolos­semiut 3:9, 10.

“Pin­nis­susersi qal­lik­kut ersiuteqar­tis­san­ngilarsi, ... ersiuteqar­tis­savarsili uum­mam­mi, inum­mi iser­tugaasumi.” – 1 Petrusi 3:3, 4.

Isik­korik­kusun­neq ajor­tuun­ngilaq, inut­tul­li qanoq it­tuunerit isik­kun­nit pingaaruteqar­nerujus­suuvoq. Pif­fis­sap ingerlanerani inuit al­lat nukit­tunerit timigin­neril­luun­niit pin­nagu nuan­nersunik pis­suseqar­nerit pil­lugu nuan­narilis­savaatsit. Niviarsiaraq Phyliciamik atilik ima oqar­poq: “Pin­nis­suseq malugineqapal­lat­tar­poq, al­lal­li qamuuna qanoq it­tuunerit pis­susitil­lu nuan­nersut eq­qaamal­luar­nerus­savaat.”

Isik­kut amer­laner­tigut nuan­narineq ajor­piuk?

Isik­korin­nerulerumal­lutit suliaritin­nis­sat ingasat­tumil­luun­niit sanigor­sar­nis­sat eq­qar­saatiginikuuiuk?

Suut al­lan­ngor­tik­kusus­sin­naagaluar­pigit? (Akis­sutitit toq­qakkit).

• TAKISSUSEQ

• OQIMAASSUSEQ

• NUTSAT

• TIMIP ILUSAA

• KIINAQ

• AMMIP QALIPAATAA

Apeq­qutit marluk siul­liit angeruk­kit pingajuan­nilu pingasut amerlanerusul­luun­niit toq­qaruk­kit una eq­qarsaatigiuk: Ilimanar­poq allat ilit­tut ajor­tigisumik isigin­nit­taaseqar­figin­ngik­kaatsit. Ingasat­tajaaler­nis­saq qanorlu isik­koqar­nermik isumakuluutigin­nip­pal­laaler­nis­saq ajor­nan­ngitsuararsuuvoq. – 1 Samueli 16:7.