Biibilip atuagar­taa kingul­leq naaper­torlugu 666 nersutip arfineq-marlun­nik niaqul­lip qulinil­lu nas­sul­lip kisitsiseraa, imaluun­niit ateraa. (Saq­qum­mersitat 13:1, 17, 18) Nersut nunarsuarmi politik­kik­kut aaq­qis­suus­samut, “naggueqatigiin­nut inuian­nul­lu, im­mik­kut oqaasilin­nut inuiaqatigiin­nul­lu tamanut” naalak­kersuisumut, as­sersuutaavoq. (Saq­qum­mersitat 13:7) Politik­kik­kut aaq­qis­suus­sap Guutip isaani iluatsin­ngil­luin­nar­nera atermit 666-imit ersersin­neqar­poq. Qanoq?

  Taaguutaannaanngilaq. Atit Guutimit aalajanger­neqar­tut isumaqar­tar­put. As­sersuutigalugu Guutip angut Abrami, ataatatut akitsisitamik isumalik, ‘inuiaqatigiip­pas­suar­nut ataatan­ngor­nis­saanik’ neriorsoramiuk Aaperaamik, amerlasoor­pas­suar­nut ataataasumik isumaqar­tumik, atser­paa. (1 Mosesi 17:5) Taamatut­taaq Guutip ilisar­naatitut pis­suserineqar­tut naaper­torlugit nersut 666-imik atser­paa.

  Kisitsit 6 naammalluinnanngissusermut innersuussutaavoq. Biibilimi kisitsisit as­sersuutitut ator­neqarajut­tar­put. Kisitsit 7 tamak­kiisumut imaluun­niit naam­mal­luin­nas­susermut in­nersuus­sutaasar­poq. Kisitsit 6, kisitsim­mit 7-imit ataatsimik ikin­nerusoq, Guutip isaani ilaan­nakuusumut ajoqutilim­mul­luun­niit in­nersuus­sutaasin­naal­lunilu Guutip akeraanut atas­suser­neqarsin­naavoq. – 1 Nalunaarsuutit 20:6; Danieli 3:1.

  Erseqqissaatitut pingasoriarluni eqqaaneqarpoq. Biibilimi ilaan­nik­kut pingasoriarluni oqaatigin­nin­nik­kut erseq­qis­saasoqar­tar­poq. (Saq­qum­mersitat 4:8; 8:13) Taamaat­tumik inuit politik­kik­kut aaq­qis­suus­saanerat Guutip iluatsin­ngil­luin­nar­tutut isigigaa atermit 666-imit paatsuugas­saan­ngitsumik erseq­qis­sar­neqar­poq. Politikerit silarsuarmi eq­qis­sineqar­tuar­nis­saa toq­qis­sisimasoqar­tuar­nis­saalu qulak­keersin­naan­ngilaat, Guutip naalagaaf­fiata kisimi taman­na qulak­keersin­naavaa.

Nersutip nalunaaqutaa

 Biibilimi al­las­simavoq inuit nersut ‘tupigusul­lutik malik­kamik­ku’, tas­sa pal­lorfigigamik­ku, ‘nersutip nalunaaqutsius­saanik nalunaaqutser­neqar­tut’. (Saq­qum­mersitat 13:3, 4; 16:2) Nunar­tik, nunamik ilisar­naataat sak­kutuutil­lu ataq­qival­laar­nerisigut pal­lorfigisar­paat. The Encyclopedia of Religion-imi ima al­las­simavoq: “Inuiaqatigiis­sutsimik pingaar­titsival­laar­neq silarsuarmi nalitsin­ni up­perisarsior­ner­ni an­ner­paar­taalersimavoq.”

 Inuit qanoq taler­pimik­kut qaamik­kul­luun­niit nersutip nalunaaqutaanik nalunaaqutser­neqar­pat? (Saq­qum­mersitat 13:16) Inuiaqatigiin­nut Israelik­kun­nut peq­qus­sutiminut tun­ngatil­lugu Guuti ima oqar­poq: “As­sas­sin­nut qilerutis­savasi ilisar­naatitut qaas­sin­niitil­lugil­lu ilisar­naatitut.” (5 Mosesi 11:18) Taman­na Israelik­kut as­sam­mik­kut qaamik­kul­lu nalunaaqutser­neqar­nis­saat­tut paasisariaqar­nani iliuutsimin­nut eq­qarsar­taatsimin­nul­lu tun­ngatil­lugu Guutip oqaasiinit siulersor­tit­tariaqar­nerat­tut paasisariaqar­poq. Taamatut­taaq nersutip nalunaaqutaa 666-imik kakior­tin­nerunani politik­kik­kut aaq­qis­suus­samit inuunermin­ni siulersor­neqar­tut as­sersuutitut ilisar­naatigaat. Nersutip nalunaaqutaanik nalunaaqutsersimasut im­min­nut Guutimut akeran­ngor­tit­tar­put. – Saq­qum­mersitat 14:9, 10; 19:19-21.