Anersaaq il­ler­nar­toq tas­saavoq Guutip pis­saanera, imaluun­niit nukinga sulisoq. (Mika 3:8; Lukasi 1:35) Guutip piumasani naam­mas­siniarlugu nukini anersaani il­ler­nar­toq sumul­luun­niit aal­lar­tit­tar­paa. – Tussiaat 104:30; 139:7.

 Biibilimi oqaaseq “anersaaq” hebræerisut oqaatsimit ruʹach-imit aam­ma grækerisut oqaatsimit pneuʹma-mit nutsigaavoq. Amerlaner­tigut oqaatsit taak­ku Guutip nukinganut sulisumut, imaluun­niit anersaavanut il­ler­nar­tumut, in­nersuus­sutaasar­put. (1 Mosesi 1:2) Oqaatsil­li taak­ku aam­ma Biibilimi al­latut ator­neqar­put:

•   Anersaar­tor­neq. – Saq­qum­mersitat 13:15.

•   Anori. – 1 Mosesi 8:1; Johannesi 3:8.

•   Pin­ngor­titat uumas­suseqar­tut tamarmik uumas­sutaat. – Jobi 34:14, 15.

•   Inuup isigin­nit­taasia. – 4 Mosesi 14:24.

•   Anersaat kinaas­susil­lit, Guuti in­ngilil­lu ilan­ngul­lugit. – 1 Kunngit 22:21; Johannesi 4:24.

 Taak­ku tamarmik takus­saan­ngik­kaluarlutik takus­saasunik sun­niuteqar­tar­put. Taamatut­taaq Guutip anersaava “anoritut takuneqarsin­naananilu tigus­saananilu pis­saaneqar­poq”. – An Expository Dictionary of New Testament Words, W. E. Vine-mit.

 Biibilimi aam­ma anersaaq il­ler­nar­toq Guutip ‘as­saatut’ al­laatigineqar­poq. (Tussiaat 8:4; 19:2; Lukasi 11:20; Matthæusi 12:28 naleq­qiuguk). Sanasup as­sani atorlugit sulisar­neratut Guutip anersaani atorlugu:

•   Qilak nunalu pin­ngor­tip­pai. – Tussiaat 33:6; Esaja 66:1, 2.

•   Biibili al­latsip­paa. – 2 Petrusi 1:20, 21.

•   Itsaq kif­fani tupin­nar­tuliorsin­naan­ngor­til­lugil­lu oqaluus­sisin­naan­ngor­tip­pai. – Lukasi 4:18; Apustilit Suliaat 1:8; 1 Korinthimiut 12:4-11.

•   Naalatsini pis­suserineqar­tus­sanik nuan­nersunik ersersitsinis­samut ikior­tar­pai. – Galatiamiut 5:22, 23.

Anersaaq illernartoq kinaassusiliunngilaq

 Anersaap Biibilimi Guutip ‘as­saatut’ aam­ma ‘supisiner­tut’ al­laatigineqar­neranit erser­poq anersaaq il­ler­nar­toq kinaas­susiliun­ngitsoq. (2 Mosesi 15:8, 10) As­saat qaratsamit timimil­lu aqun­neqar­tariaqar­nerat­tut anersaaq il­ler­nar­toq Guutimit aqun­neqar­tariaqar­poq. (Lukasi 11:13) Biibilimi aam­ma Guutip anersaava imermut as­sersuun­neqarlunilu up­per­nermut ilisimasaqar­nermul­lu atas­suser­neqar­poq. Taamatut as­sersuusior­ner­nit ersersin­neqar­poq anersaaq il­ler­nar­toq kinaas­suseqan­ngitsoq. – Esaja 44:3; Apustilit Suliaat 6:5; 2 Korinthimiut 6:6.

 Biibilimi Jehova Guuti er­neralu, Jiisusi Kristusi, atiisigut taaneqar­put, anersaarli il­ler­nar­toq atiagut sumiluun­niit taaneqan­ngilaq. (Esaja 42:8; Lukasi 1:31) Kristumiu up­per­nini pil­lugu toqutaasoq Stefanusi tupin­nar­tulior­nik­kut qilam­mik takorruuisin­neqarami kinaas­susil­lit pingasut takunagit marluk takuai. Biibilimi ima al­las­simavoq: “Anersaamik Il­ler­nar­tumik ilumioqangaarluni qilan­nut aarlorsimavoq, takuaalu Guutip naalan­nas­susia Jiisusilu Guutip taler­piata tungaani qeqar­toq.” (Apustilit Suliaat 7:55) Anersaaq il­ler­nar­toq tas­saavoq Guutip pis­saanera sulisoq Stefanusimik takorruuisitsisin­naan­ngor­toq.

 Kukkusoq: Biibilimik nutsik­kami King James-imi Johan­nesip al­lagai siul­liit 5:7, 8-lu naaper­torlugit ‘Anersaaq Il­ler­nar­toq’ kinaas­susiliuvoq ataasiul­lunilu pingasuus­sutsimut ilaasoq.

 Eqqortoq: Biibilimik nutsik­kami King James-imi Johan­nesip al­lagai siul­liit 5:7, 8-milu oqaatsit uku ilan­ngun­neqar­put: “Qilam­mi Ataataq, Oqaaseq Anersaarlu Il­ler­nar­toq: taak­kulu pingasut ataasiup­put. Nunarsuarmilu nalunaajaasut pingasuup­put.” Ilisimatuul­li paasisimavaat oqaatsit taak­ku apustilimit Johan­nesimit al­lan­neqarsiman­ngitsut taamaat­tumil­lu Biibilimut ilan­ngun­neqar­tus­saan­ngitsut. Profes­sori Bruce M. Metzger ima al­lap­poq: “Oqaatsit taak­kua ilumuun­ngil­lat Testamentitaamul­lu ilan­ngun­neqar­tus­saanatik.” – A Textual Commentary on the Greek New Testament.

 Kukkusoq: Biibilimi anersaap il­ler­nar­tup kinaas­susilit­tut al­laatigineqar­nera kinaas­susiliuneranut up­per­narsaataavoq.

 Eqqortoq: Al­lak­kani Il­ler­nar­tuni ilaan­nik­kut anersaaq il­ler­nar­toq kinaas­susilit­tut al­laatigineqar­tar­poq. As­sersuutigalugu Jiisusip anersaaq il­ler­nar­toq ‘Il­lersuisutut’, imaluun­niit Biibilip al­las­simaq­qaarfii naaper­torlugit ikiuisutut, kinaas­susilit­tut eq­qaagamiuk oqar­poq nalujun­naarsitsis­sasoq, ilitsersuis­sasoq, oqalus­sasoq, tusar­naas­sasoq, nalunaajaas­sasoq naalan­narsisitsis­sasorlu. (Johan­nesi 16:7-15) Taman­nali anersaap il­ler­nar­tup kinaas­susiliuneranut up­per­narsaataan­ngilaq. Biibilimi aam­ma ilisimas­suseq, toqu ajor­tilu kinaas­susilit­tut al­laatigineqar­put. (Ussatit 1:20; Romamiut 5:17, 21) As­sersuutigalugu al­las­simavoq ilisimas­suseq ‘suliaqarlunilu qitor­naqar­toq’, aam­ma ajor­ti nakutitsisutut, toqutsisutut pileritsatsitsisutul­lu al­laatigineqar­poq. – Matthæusi 11:19; Lukasi 7:35; Romamiut 7:8, 11.

 Kukkusoq: Anersaap il­ler­nar­tup aq­qani kuisit­tar­neq kinaas­susiliuneranut up­per­narsaataavoq.

 Eqqortoq: Biibilimi ilaan­nik­kut ‘ateq’ pis­saaner­tut oqar­tus­saas­susilit­tul­luun­niit isumaqar­tar­poq. (5 Mosesi 18:5, 19-22; Esteri 8:10) Taman­na oqariar­taatsimut uumun­nga as­singuvoq: “Inatsisit aq­qan­ni.” Taamatut oqar­nermi inatsisit kinaas­susilit­tut paasineqar­neq ajor­put. Anersaap il­ler­nar­tup “aq­qani” kuisit­tup Guutip piumasaata naam­mas­sineqar­nis­saanut tun­ngatil­lugu anersaap il­ler­nar­tup pis­saanera pingaaruteqar­neralu akuerisar­pai. – Matthæusi 28:19.

 Kukkusoq: Jiisusip apustiliisa ajoqersugaasalu siul­liit al­lat anersaap il­ler­nar­tup kinaas­susiliunera up­peraat.

 Eqqortoq: Taman­na Biibilimi oqalut­tuarisaanermiluun­niit eq­qaaneqan­ngilaq. Encyclopædia Britannica-mi ima al­las­simavoq: “Anersaap Il­ler­nar­tup guutitut Kinaas­susiliunera ... 381-imi Konstantinopelimi oqaluf­feqarfiit ataatsimiin­neran­ni aalajangersar­neqar­poq.” Tas­sa apustilip kingul­liup ukiut 250-it sin­nerlugit toqunerata kingor­na taman­na pivoq.