Guutip naalagaaf­fia naalagaaf­fiviuvoq naalak­kersuisulik Jehovamit Guutimit pilersin­neqar­toq. ‘Guutip naalagaaf­fia’ qilam­mit naalak­kersuim­mat Biibilimi aam­ma ‘Qilaap Naalagaaf­fiatut’ taaneqar­poq. (Markusi 1:14, 15; Mat­thæusi 4:17) Inuit naalagaaf­fian­nut as­singus­suteqar­poq, sutigul­li tamatigut pitsaanerungaarluni.

•   Naalakkersuisut. Guutip Jiisusi Kristusi Naalagaaf­fim­mi kun­ngin­ngor­tip­paa inum­mil­lu naalak­kersuisumit kimil­luun­niit oqar­tus­saas­sutsimik an­nerungaar­tumik tunil­lugu. (Mat­thæusi 28:18) Jiisusip aqutsisutut tutsuiginar­tuunini misigin­neqatigin­nit­tuuninilu ersersereeramigit pis­saanini tamatigut ajun­ngitsumik ator­taraa nalun­ngilar­put. (Mat­thæusi 4:23; Markusi 1:40, 41; 6:31-34; Lukasi 7:11-17) Jiisusip Guutimit siulersor­neqarluni inuit inuian­nit tamaneersut qilam­mit ‘nunamut kun­ngioqatis­sani’ toq­qar­pai. – Saq­qum­mersitat 5:9, 10, tastamantitâĸ.

•   Sivisussusaa. Inuit naalak­kersuisut taarserar­neqar­tuar­tut as­siginagit Guutip naalagaaf­fia ‘qaqugumul­luun­niit atas­saaq’. – Danieli 2:44.

•   Innuttaasut. Kinaluun­niit Guutip piumasaatut ilior­toq, siuaasai sumiluun­niit inun­ngor­nera apeq­qutaatin­nagit, Guutip naalagaaf­fiani in­nut­taasun­ngorsin­naavoq. – Apustilit Suliaat 10:34, 35.

•   Inatsisit. Guutip naalagaaf­fiani inatsisini (imaluun­niit inas­sutini) ajor­tumik pis­susilersor­neq iner­teq­qutigineqaan­nar­nani in­nut­taasut ileq­qorin­neruler­nis­saat inas­sutigineqar­poq. As­sersuutigalugu Biibilimi ima al­las­simavoq: “‘Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.’ Tas­sa inas­sutit an­nersaat siul­lersaal­lu, aap­paatali taamaaqatigaa: ‘Tul­lit ilit­tut asas­savat.’” (Mat­thæusi 22:37-39) Jehovamik Guutimik tul­lermil­lu asan­nin­neq Naalagaaf­fim­mi in­nut­taasut al­lanut ajun­ngin­ner­paamik iliuuseqar­nis­samut kil­litsis­sutigisar­paat.

•   Ilinniartitaaneq. Guutip naalagaaf­fiata in­nut­taasuni najoq­qutas­sianik qutsis­sunik maleruaaq­quun­nar­nagit najoq­qutas­sianik taak­kunin­nga qanoq maleruaasin­naanersut ilin­niar­tit­tar­pai. – Esaja 48:17, 18.

•   Anguniagaq. Guutip naalagaaf­fiata in­nut­tami akiligaan­nik naalak­kersuisuni pisuun­ngor­tin­neq ajor­pai. Paarlat­tuanik Guutip piumasaa, soorlu Guutimik asan­nit­tut nunarsuarmi paratiisimi naas­saan­ngitsumik inuuler­nis­saan­nik neriorsuut, naam­mas­sis­savaa. – Esaja 35:1, 5, 6; Mat­thæusi 6:10; Saq­qum­mersitat 21:1-4.