Kainip, aap­pariit siul­liit angajul­liliaata, najami ilaat ilaqut­tamiluun­niit ilaat ar­naq qanigisani katip­paa. Kaini ilaqutaalu pil­lugit Biibilimi al­las­simasut tun­ngavigalugit taama isum­mersin­naavugut.

Kaini ilaqutaalu pillugit ilisimasavut

•   Inuit tamarmik Adamimit Evamillu kingoqqisuupput. Guutip ‘inum­mit ataatsimit [Adamimit] pin­ngor­tip­pai inuiaat tamaasa nunarsuarmilu tamarmi najugas­sarsisil­lugit’. (Apustilit Suliaat 17:26) Adamip nulia, Eva, ‘inuit tamarmik anaanagiler­paat’. (1 Mosesi 3:20) Taamaat­tumik Adamip Eval­lu kinguaavisa ilaat Kainip katis­simas­savaa.

•   Kaini nukaalu Abeli Evap qitornarpassuini angajullersaapput. (1 Mosesi 4:1, 2) Kaini qatan­ngutiminik toqutsinini pil­lugu qimaasutut inuusus­san­ngorami ima oqar­poq: “Uan­nik naapitsisup kialuun­niit toqoriaan­naavaanga.” (1 Mosesi 4:14) Kainip kik­kut siooragai? Biibilimi al­las­simavoq Adami ‘ernertaartarlunilu panissaartartoq’. (1 Mosesi 5:4) Adamip Eval­lu kinguaavisa ilaat taak­ku Kainip siooragigunar­pai.

•   Inuit oqaluttuarisaanerata aallaqqaataani ilaquttamut katittarneq nalinginnaavoq. As­sersuutigalugu angutip aalajaatsup Aaperaap af­farmik qatan­ngun­ni katip­paa. (1 Mosesi 20:12) Taamatut katit­tar­nermut iner­teq­qut aatsaat Kainip toqunerata kingor­na ukiut hundredil­lit qaangium­mata Mosesip inatsisaani al­lan­neqar­poq. (3 Mosesi 18:9, 12, 13) Taamani ilaqutariit qanigisariip­pal­laat nalitsin­nut sanil­liul­lugu timik­kut ajoquteqan­ngitsunik qitor­nar­taarsin­naanerat ilimanaateqar­nerugunar­poq.

•   Adami Evalu taakkualu ilaqutaat pillugit Biibilimi oqaluttuat pisimasuittut allaatigineqartarput. Adamip kinguaavisa al­lat­torsimaf­fii sukumiisut Mosesimik al­lak­kani siul­ler­ni al­las­simaan­nar­natik aam­ma oqalut­tuarisaanermik ilisimatuut Ezrap Lukasil­lu al­lagaan­ni al­las­simap­put. (1 Mosesi 5:3-5; 1 Nalunaarsuutit 1:1-4; Lukasi 3:38) Biibilimik al­laqataasut Kaini pil­lugu oqalut­tuaq pisimasuit­tut al­laatigaat. – Hebræerit 11:4; 1 Johannesi 3:12; Judasi 11.