ចម្រៀងលេខ៥២
ការប្រគល់ខ្លួនធ្វើជាគ្រិស្តសាសនិក
(ហេប្រឺ ១០:៧, ៩)
-
១. ព្រះយេហូវ៉ាលោកបានបង្កើត
សកលលោកឥតព្រំដែន
ផែនដីទាំងមូលហើយនិងមេឃា
លោកហើយជាម្ចាស់ពិតមែន
លោកបានឲ្យយើងដង្ហើមជីវិត
ហើយបង្ហាញយើងទាំងអស់
ថាគឺលោកតែមួយយើងគួរសរសើរ
គោរពប្រណិប័តន៍ដោយស្មោះ។
-
២. លោកយេស៊ូបានត្រូវជ្រមុជទឹក
ស្របតាមបំណងបិតា
លោកបានអធិដ្ឋានទៅព្រះថា៖
‹ខ្ញុំធ្វើតាមលោកប្រាថ្នា›
កាលលោកឡើងពីទន្លេយ៉ូដាន់
ជាបុត្រដែលព្រះតែងតាំង
លោកអធិដ្ឋានឲ្យបំណងប្រាថ្នា
បិតាបានសម្រេចគ្រប់យ៉ាង។
-
៣. ឱព្រះយេហូវ៉ាយើងខ្ញុំសូម
សរសើរនាមលោកជានិច្ច
ដោយចិត្តរាបទាបយើងសូមប្រគល់
ជីវិតយើងឥតកែគេច
លោកបានឲ្យបុត្រលោកតែមួយគត់
ដែលបានបូជាជីវ៉ា
ប្ដេជ្ញាលែងរស់សម្រាប់ខ្លួនយើងទៀត
ដើម្បីលោកយើងប្ដូរសង្ខារ៕
(សូមពិនិត្យបន្ថែម ម៉ាថ. ១៦:២៤; ម៉ាក. ៨:៣៤; លូក. ៩:២៣)
