សំណួរទី២
ហេតុអ្វីខ្ញុំខ្វល់ខ្វាយអំពីរូបសម្ផស្សរបស់ខ្ញុំ?
តើប្អូននឹងធ្វើយ៉ាងណា?
សូមស្រមៃគិតអំពីរឿងនេះ: ពេលនីតាឆ្លុះកញ្ចក់ នាងឃើញថាខ្លួននាងធាត់។ ទោះជាឪពុកម្ដាយនិងមិត្តភក្ដិនាងប្រាប់ថានាង«ស្គមពេក»ក៏ដោយ ក៏នាងនិយាយរំលឹកខ្លួនថា៖ «ខ្ញុំត្រូវតែស្រកគីឡូ»។
ថ្មីៗនេះ នីតាបានគិតអំពីរបៀបធ្វើឲ្យស្រកទម្ងន់«ពីរបីគីឡូ»ទៀតយ៉ាងលឿនបំផុត។ នាងគិតថាអ្វីដែលនាងត្រូវធ្វើគ្រាន់តែបង្អត់អាហារខ្លួនឯងពីរបីថ្ងៃ . . .
បើប្អូនមានអារម្មណ៍ដូចនីតាដែរ តើប្អូននឹងធ្វើយ៉ាងណា?
គិតមុនគូរ!
ទស្សនៈរបស់ប្អូនចំពោះខ្លួនឯងប្រហែលជាមិនត្រឹមត្រូវទេ ហើយនេះអាចប្រៀបដូចជាប្អូនកំពុងឆ្លុះកញ្ចក់ប៉ោង
ការយកចិត្តទុកដាក់អំពីរូបសម្ផស្សរបស់ខ្លួន មិនមែនជាការខុសទេ។ តាមពិតគម្ពីរបរិសុទ្ធក៏បានប្រាប់អំពីរូបសម្បត្ដិដ៏ស្រស់ស្អាតរបស់បុរសនិងស្ត្រីមួយចំនួនដែរដូចជា សារ៉ា រ៉ាជែល អ័ប៊ីកែល យ៉ូសែប និងដាវីឌជាដើម។ ម្យ៉ាងទៀត គម្ពីរចែងថាស្ត្រីម្នាក់ឈ្មោះអ័ប៊ីសាក«មានរូបរាងស្រស់ល្អណាស់»។—ពង្សាវតារក្សត្រទី១ ១:៤
ទោះជាយ៉ាងណាក៏ដោយ យុវវ័យជាច្រើនគិតអំពីរូបសម្ផស្សរបស់ពួកគេជ្រុលពេក។ នេះអាចនាំឲ្យពួកគេមានបញ្ហាជាច្រើន។ សូមគិតអំពីរឿងនេះ:
-
តាមការស្រាវជ្រាវមួយបង្ហាញថា ៥៨ភាគរយនៃក្មេងស្រី បាននិយាយថាពួកគេលើសទម្ងន់ ប៉ុន្តែតាមការពិតមានតែ១៧ភាគរយប៉ុណ្ណោះដែលលើសទម្ងន់។
-
តាមការស្រាវជ្រាវមួយទៀតប្រាប់ថា តាមពិត៤៥ភាគរយនៃស្ត្រីដែលមិនគ្រប់ទម្ងន់ បានគិតថាខ្លួនធាត់ពេក!
-
ដោយសារចង់ស្រកទម្ងន់ខ្លាំងពេក យុវវ័យខ្លះទៅជាមានជំងឺខ្លាចធាត់។ ដូច្នេះ ពួកគេលែងមានរបបអាហារត្រឹមត្រូវ រហូតដល់បង្អត់អាហារខ្លួនឯងទៀតផង។ នេះអាចបណ្ដាលឲ្យពួកគេស្លាប់បាន។
បើប្អូនឃើញថាខ្លួនប្អូនចាប់ផ្ដើមមានជំងឺខ្លាចធាត់ ឬមានរបបអាហារមិនត្រឹមត្រូវ សូមចាត់វិធានការភ្លាម។ ប្អូនអាចសុំយោបល់ពីឪពុកម្ដាយឬមនុស្សពេញវ័យដែលប្អូនទុកចិត្ត។ គម្ពីរចែងថា៖ «មិត្រសំឡាញ់រមែងស្រឡាញ់គ្នានៅគ្រប់វេលា ឯបងប្អូនក៏កើតមកសំរាប់គ្រាលំបាកដែរ»។—សុភាសិត ១៧:១៧
សម្រស់ពិតប្រាកដ!
អ្វីដែលធ្វើឲ្យបុគ្គលម្នាក់ស្រស់ស្អាតពិតប្រាកដនោះ គឺគុណសម្បត្ដិឬបុគ្គលិកលក្ខណៈល្អរបស់គាត់ មិនមែនសម្បកក្រៅរបស់គាត់ទេ។ សូមពិចារណាអំពីបុរសម្នាក់នៅសម័យបុរាណឈ្មោះអាប់សាឡំម ដែលជាកូនរបស់ស្តេចដាវីឌ។ គម្ពីរចែងថា៖
«គ្មានអ្នកណាដែលគួរសរសើរ ឲ្យស្មើនឹងអាប់សាឡំម ពីដំណើរទ្រង់មានរូបល្អនោះទេ . . . [ទ្រង់]ឥតមានខ្ចោះត្រង់ណាសោះ»។—សាំយូអែលទី២ ១៤:២៥
ក៏ប៉ុន្តែ បុរសវ័យក្មេងនោះពោរពេញទៅដោយអំណួត មហិច្ឆតា និងការបោកបញ្ឆោត! ម្ល៉ោះហើយ គម្ពីរមិនបានពណ៌នាថាអាប់សាឡំមមានគុណសម្បត្ដិអ្វីខ្លះនោះទេ គ្រាន់តែប្រាប់ថាគាត់ជាបុរសមិនស្មោះត្រង់ និងជាអ្នកប្រព្រឹត្តអំពើឃាតកម្ម។
ដោយមានមូលហេតុត្រឹមត្រូវ គម្ពីរប្រាប់យើងនូវយោបល់នេះ:
ចូរ«បំពាក់ខ្លួនដោយបុគ្គលិកលក្ខណៈថ្មី»។—កូឡុស ៣:១០
«កុំឲ្យសម្រស់របស់អ្នករាល់គ្នាជាសម្រស់សម្បកក្រៅឡើយ . . . តែចូរឲ្យសម្រស់របស់អ្នករាល់គ្នាជាអ្វីក្នុងចិត្តវិញ»។—ពេត្រុសទី១ ៣:៣, ៤
ការចង់ឲ្យខ្លួនមានរូបសម្រស់ស្អាតមិនខុសទេ តែអ្វីដែលសំខាន់ជាងនោះទៅទៀតគឺបុគ្គលិកលក្ខណៈរបស់ប្អូន។ នៅទីបំផុត លក្ខណៈល្អរបស់ប្អូននឹងទាក់ទាញចិត្តអ្នកឯទៀត មិនមែនរាងកាយមាំមួន ឬរូបឆោមរបស់ប្អូននោះឡើយ! យុវនារីម្នាក់ឈ្មោះភីលីសាប្រាប់ថា៖ «រូបស្អាតអាចទាក់ទាញអារម្មណ៍គេភ្លាម តែគុណសម្បត្ដិនិងលក្ខណៈល្អរបស់អ្នកនឹងធ្វើឲ្យគេចាំមិនភ្លេច»។
សូមប្រាប់អំពីទស្សនៈរបស់ប្អូន
តើប្អូនច្រើនតែតូចចិត្តនឹងរូបសម្បត្ដិខ្លួនឬទេ?
តើប្អូនធ្លាប់គិតចង់កែសម្ផស្សឬតមអាហារហួសប្រមាណដើម្បីឲ្យរាងស្អាតឬទេ?
បើអាចធ្វើបាន តើប្អូនចង់កែអ្វីខ្លះនៃរាងកាយរបស់ប្អូន? (ជ្រើសរើសអ្វីៗដែលចង់កែ)
-
ភ្នែក
-
ច្រមុះ
-
សក់
-
រាង
-
ចិញ្ចើម
-
ស្បែក
បើប្អូនឆ្លើយថាមែនចំពោះសំណួរទី១និងទី២ ព្រមទាំងជ្រើសរើសបីដងឬច្រើនជាងក្នុងសំណួរទី៣ សូមគិតអំពីយោបល់នេះ: អ្នកឯទៀតទំនងជាមិនគិតអវិជ្ជមានអំពីប្អូនដូចប្អូនគិតចំពោះខ្លួនឯងនោះទេ។ គឺជាការងាយស្រួលណាស់ឲ្យប្អូនខ្វល់ខ្វាយហួសហេតុពេកអំពីរូបសម្ផស្សរបស់ខ្លួន។—សាំយូអែលទី១ ១៦:៧
លោកអ្នកក៏ប្រហែលជាចូលចិត្តដែរ
ទស្សនៈពីមនុស្សស្រករប្អូន
ហេតុអ្វីខ្ញុំខ្វល់ខ្វាយអំពីរូបរាងរបស់ខ្ញុំខ្លាំងម្ល៉េះ?
សូមរៀនពីរបៀបដែលជួយអ្នកឲ្យមានគំនិតសមហេតុសមផល។
សំណួរពីយុវវ័យ
តើខ្ញុំខ្វល់ហួសហេតុអំពីសម្បកក្រៅរបស់ខ្លួនឬ?
បើប្អូនបារម្ភអំពីរូបរាងរបស់ប្អូន តើតាមរបៀបណាប្អូនអាចមានទស្សនៈត្រឹមត្រូវចំពោះខ្លួនឯង?
សំណួរពីយុវវ័យ
តើការតុបតែងខ្លួនរបស់ខ្ញុំយ៉ាងណាដែរ?
សូមរៀននូវរបៀបជៀសវាងពីកំហុសឆ្គងបីដែលមនុស្សទូទៅមានស្ដីអំពីម៉ូដសម្លៀកបំពាក់។
