O kilunga kia Jimbangi ja Jihova lelu, kia mateka ku 19 dia hama dia mivu. Ku muvu uenhó, kua kexile kibuka kiofele kia Jikidistá ku mbanza ia Pensilvânia, ku ixi ia Estados Unidos, a diongekele phala ku di longa o Bibidia. Ene akexile mu sokesa o ilongesu ia kexile mu di longa mu jingeleja ni ilongesu ia Bibidia. Ene a mateka o kuijiisa o ilongesu ia kexile mu tokuesa mu madivulu ni mu ji jurnale, i tu ixana lelu, O Mulangidi—u Bhana Ngolokela ia Utuminu ua Jihova.

 Mu kibuka kieniókio kia Adilongi ia Bibidia, mua kexile diiala a mu ixanene Charles Taze Russell. Sumbala Russell, muene ua kexile ku pholo dia ikalakalu mu kithangana kieniókio ni ku kala ku pholo mu kikalakalu kia ku bhanga O Mulangidi, ki muéne ua mateka o kilunga. Russell ni Adilongi a mukuá a Bibidia, kala kia a ejidile m’ukulu, a mesenene ngó kuijidisa o athu o ilongesu ia Jezú Kristu ni ku kaiela o phangu ia Jikidistá ja hama ia dianga. Kuma Jezú muéne ua Mateka o kilunga kia Ukidistá, phala etu, muéne ua bhange o kilunga kietu.—Kolose 1:18-20.