Athu avulu akambe ujitu, kene muxila akwâ. O athu mu jinzo ja kusakela adikola ni asaki, o jixefe mu jinzo ja kudila makudya, sé kuxila abazela o akalakadi o jiselevende jâ, mu iphululu athu akambe ujitu, abeta yo amusidivila tumakudya mba tumenya, ó mu jixikola, twana twa ndenge ahungana atobhesa, akwatesa woma ni kubeta o alongexi yâ. Sayi jinguvulu abhanga ima ya ufusa, jinguvulu jakamukwa ne mwene ni kubhanga ima yayibha adinanza mu kwila ala ni wendelu wazele.

 O Bibidya itena kutukwatekesa kwijiya o kukala muthu wa ujitu, muthu uxila akwâ. Tutena kudyelela mu milongi ya Bibidya. O Bibidya ijimbulula we se mukonda dyahi lelu athu avulu akambe ujitu ni luxilu.

 Ku mundu woso, athu ene mumona o kukamba o ujitu ni luxilu lwa athu, kifwa o wendelu wambote, wazele, wendelu wafwana wamubhwa ku athu.

•   Izuwa yiyi atokwesaku ya amono kwila akwa America axikina kwila lelu ku Estados Unidos, athu akambe dingi ujitu ni kuxila akwâ mu 22 a mivu yabhiti kya ndenge.

•   Ebhwidisaku we dingi 32.000 a athu akamukwa mu 28 a jixi, ku athu yâ 65 a jipursentu ja athu kifwa athu avulu ambe kwila nuka amwene athu kukamba ujitu ni kuxila akwâ kala kyamumona lelu.

 O Bibidya yatange kya o ukexilu wa athu utwene mu mona lelu.

•   “Ijiya na-kyu-phe, kuma: Mu izuwa isukidila-ku kwanda kwiza jithembu jabhonzo. Kuma athu a kà kala azodi a ene ngó, injenji, akwa ukumbu, a tènda akwâ, a nonga, a xibhaka tata ni mama, a kamba kusakidila, . . . ka moneka henda ya muthu, . . . a kaka.”—2 Timote 3:1-3, Mikanda Ikôla.

 Phala kwijiya dingi kyebhi izwelu yiyi ki yamudikumbidila, tanga o milongi “Será que a Bíblia predisse o modo como as pessoas iriam pensar e agir nos nossos dias?”

 Ku mundu kwakambe o ujitu ni luxilu, athu avulu amono kwila o Bibidya kikwatekesu kyadikota phala muthu kukala ni wendelu wambote. O milongi ibhana o Bibidya “ixalela mwene sé dizubhilu mukonda ki ixikina ku ijima katé ku hádya.” (Jisálamu 111:8) Tala o ifika yiyi:

•   Izwelu ya Bibidya: “Ima yoso i mwa mesena kwila athu a mi bhanga-yu, yene we i mwa tokala kwa bhanga ene.”—Matesu 7:12.

   Kilombolola kwila: Twatokala kubhanga mbote ku akwetu ni ku axila kala kitwandala kwila ene wa atubhanga.

•   Izwelu ya Bibidya: “Kuma kimwene mutanga dingi makutu, kala muthu mudyenu azwele o kidi kwa mukwa, mukonda twala tu idyandu ya mukutu umoxi.”—Efezu 4:25.

   Kilombolola kwila: Twatokala tukala tu athu azwela ni kubhanga ima ya kidi.

 Phala kwijiya dingi o maka enyâ, tanga:

•   O Mulangidi ni dya “Kwebhi ku Utena Kusanga o Milongi Yambote.”

•   O milongi “Tolerância – Como a Bíblia pode ajudar.”