O iônge ietu i mateka ni muimbu ni musambu, mu kukaiela-ku, ni milongi ia Bibidia mu kilunga, ioso sé ijila. (1 Kolindo 14:26) Eie u tena kukingila ima iavulu ia difu mu iônge ietu.

O milongi i tunda mu Bibidia. Ku disukilu dia semana, kala kilunga ki diongeka phala kubhanga o Diskursu dia katunda bhu kaxi ka Bibidia, mu 30 a ithangana mu kujimbulula kiebhi o itumu ia Bibidia ia lungu ni mienhu ietu, ni kiebhi ki tu i kaiela. Etu enioso, a tu suínisa mu kukaiela o ibatulu mu Bibidia. Kioso ki zubha o diskursu dia katunda, tu di longa o milongi ia “Mulangidi” mu ola imoxi, muthu uoso-uoso u tena kubhana itambuijilu ia lungu ni milongi i tua mu di longa. O mbandu íii, i tu kuatekesa kubelesela o itendelesu ia Bibidia ku mienhu ietu. O milongi íii a di longa iu, mu 110.000 ndenge ia ilunga, ku mundu uoso.

A tu kuatekesa kubandekesa o uhete uetu ua kulonga. Tu diongeka ué mu kaxi ka semana mu usuku phala o kiônge ni diambu Ukexilu ua Ukidistá ni Ukunji Uetu, dio katule mu milongi Ukexilu ni Ukunji Milongi Phala o Iônge. O mbandu ia dianga ia kiônge, iala ni diambu O Valolo ia Mak’â Nzambi, u tu kuatekesa kuijiia o jimbandu ja kitangelu kia Bibidia io tange kia ku jiphange ia kilunga ni kukatula-ku mbote. O mbandu ia kaiiadi, o diambu exi, Kumbidila O Milongi Íii Mu Ukunji Ué, iala ue ni ifika ilondekesa kiebhi ki tu tena kulonga o Bibidia ku athu. O Muendexi u tonginina kiambote phala ku tu kuatekesa kukala ni uhete ua kutanga ni uhete ua kuzuela. (1 Timote 4:13) O lua suku-ko, uala ni diambu Uendelu ua Ukidistá, u tu kuatekesa kumona o mbote ia kubelesela o itumu ia Bibidia izuua ioso ku muenhu uetu, iala ue ni ibhuidisu ni itambuijilu, i tu kuatekesa kubandekesa o kuijiia kuetu ia lungu ni Bibidia.

Kioso ki ua-ndaia mu iônge ietu, eie ua-nda diuana ni kisangusangu kioso mu ulongelu ua maukexilu a Bibidia u ua mu tambula.—Izaia 54:13.

• Ihi i u kingila mu iônge ia Jimbangi ja Jihova?

• Iônge iebhi ia kilunga kietu i ua mesena kuia-mu mu semana?