Ԝәкә 3 500 сал пешда Йаһоԝа Хԝәде хьзмәткʹаред хԝәрʹа гот, кӧ әԝана гәрәке чь бькьн сәва кӧ ахьрийа баш у бехоф бьстиньн. Әԝи гот: «Әз әʹмьр у мьрьне датиньмә бәр тә, дӧа у ньфьрʹе. Дә әʹмьр бьбьжерә ԝәки тӧ зӧрʹәта хԝәва бьжийи» (Ԛануна Дӧщари 30:19).

Сәва кӧ ахьрийа баш бьстиньн у бәхтәԝар бьн, ԝана гәрәке бьжартьна рʹаст бькьра. Иро мәщала мә жи һәйә кӧ бьжартьне бькьн. Кʹьтеба Пирозда те шьровәкьрьне, ԝәки ча әм дькарьн ахьрийа баш бьжберьн. Әв дьбежә: «Хӧдан Хԝәдейе хԝә һʹьз бькә, гӧрʹа ԝи бькә» (Ԛануна Дӧщари 30:20).

ЖЬ КʹЬТЕБА ПИРОЗ ЗАНӘБУНЕ БЬСТИНЬН: Сәва кӧ Йаһоԝа һʹьз бькьн, әм гәрәке жь Кʹьтеба Пироз дәрһәԛа ԝи пебьһʹәсьн. Ӧса әме пебьһʹәсьн ԝәки әԝ Хԝәдайе һʹьзкьри йә у тьште лапи баш бона мә дьхԝазә. Әԝ ԝә тʹәглиф дькә кӧ дьле хԝә дӧада ԝирʹа вәкьн, чьмки Кʹьтеба Пирозда те готьне, ԝәки «әԝ бона ԝә хәм дькә» (1 Пәтрус 5:7). Кʹьтеба Пироз ӧса жи дьбежә, һәгәр һун һәр тьшти бькьн сәва кӧ незики Хԝәде бьн, «әԝ жи ԝе незики ԝә бьбә» (Аԛуб 4:8, ИМ).

ЗАНӘБУНЕ ӘʹМЬРЕ ХԜӘДА БЬДЬНӘ ХӘБАТЕ: Гӧрʹа Хԝәдеда бьн те һʹәсабе рʹебәрийа ԝийә билан, кʹижан кӧ Кʹьтеба Пирозда ньвисар ә әʹмьре хԝәда бьдьнә хәбате. Чахе тӧ ӧса бьки, «һьнге ԝе рʹийа тә вәбә у тӧйе бь билани тьшта бьки» (Йешу 1:8, ДТʹ).