ДӘРСА 50
Ча Дькари Малбәта Хԝә Бәхтәԝар ки?; Пʹара 2
Йаһоԝа зарʹ ча пʹешкʹеш дайә де-бава. Әԝ дьхԝазә, ԝәки әԝана рʹьнд мьԛати ве пʹешкʹеше бьн. Йаһоԝа ширәтед керһати дьдә, кʹижан кӧ дькарьн ве йәкеда али де-бава бькьн. Ширәтед ԝи ӧса жи дькарьн али зарʹа бькьн, кӧ малбәте бәхтәԝар кьн.
1. Йаһоԝа чь ширәта дьдә де-бава?
Йаһоԝа дьхԝазә, ԝәки де-бав зарʹед хԝә һʹьз бькьн у чьԛас дькарьн тʹәви ԝан ԝәʹдә дәрбаз кьн. Хенщи ԝе йәке әԝ дьхԝазә, ԝәки де-бав зарʹед хԝә жь зийане бьпарезьн, ӧса жи ширәткьрьн у мәзьнкьрьна ԝанда принсипед Кʹьтеба Пироз бьдьнә хәбате (Мәтʹәлок 1:8). Әԝ тʹәмийе дьдә бава, ԝәки «[зарʹед хԝә] бь ширәт у һинкьрьна Хӧдан мәзьн кьн» (Бьхунә Әфәси 6:4.) Йаһоԝа хԝәш те гава де-бав ль гора ширәтед ԝи, зарʹа мәзьн дькьн у щабдарийа хԝә навежнә сәр кәсәки дьн.
2. Йаһоԝа чь ширәта дьдә зарʹа?
Йаһоԝа тʹәмийе дьдә зарʹа: «Гӧрʹа де у баве хԝәда бьн» (Бьхунә Колоси 3:20.) Чахе зарʹ ԛәдьре де-баве хԝә дьгьрьн у гӧрʹа ԝанда ньн, ӧса әԝана һьм Йаһоԝа, һьм жи де-баве хԝә ша дькьн (Мәтʹәлок 23:22-25). Ве йәкеда Исайе бьчʹук мәсәләкә баш һиштийә. Рʹаст ә, әԝ кʹамьл бу, ле диса жи гӧрʹа де-баве хԝәйи нәкʹамьл дькьр у ԛәдьре ԝан дьгьрт (Луԛа 2:51, 52).
3. Тӧ ча дькари тʹәви малбәта хԝә дьһа незики Хԝәде би?
Һәрге тӧ де йи йан бав и, бешьк тӧ дьхԝази ԝәки зарʹед тә мина тә Йаһоԝа һʹьз бькьн. Тӧ дькари бьгьһижи ве нете, һәрге хԝә ль ве йәке бьгьри, чь кӧ Кʹьтеба Пироз дьбежә: «Зарʹед хԝә ԛәнщ һини ван [хәбәред Йаһоԝа] кә. Бона ван хәбәр дә, гава мала хԝәда рʹуньшти би, йан рʹеда би» (Ԛануна Дӧщари 6:7). «Һини ван кә» те һʹәсабе, чь кӧ һин дьки, тʹьме ԝанрʹа бьԝәкʹьлини. Чахе тьштәки гәләк щар зарʹед хԝәрʹа дьԝәкʹьлини, әв йәк бира ԝанда дьминә. Әв рʹез дьдә кʹьфше, ԝәки тӧ гәрәке һәргав мәщала бьгәрʹи, сәва кӧ дәрһәԛа Йаһоԝа зарʹед хԝәрʹа хәбәр ди. Ԝе баш бә, ԝәки тʹәмамийа малбәте һәр һʹәфтийе ԝәʹдә вәԛәтинә, сәва кӧ тʹәвайи Кʹьтеба Пироз леколин кьн. Һәрге зарʹед тә тʹӧнә нә, тӧйе диса жи кʹаре бьстини, һәрге ԝәʹдә бьвини кӧ һәр һʹәфтийе Хәбәра Хԝәде леколин ки.
КʹУР ЛЕКОЛИН КӘ
Шеԝьр кә һьнә ширәтед керһати, йед кӧ ԝе али һʹәму нәфәред малбәте бькьн, ԝәки әԝана хԝә бехоф тʹәхмин кьн у бәхтәԝар бьн.
4. Бь һʹьзкьрьн зарʹед хԝә һин кьн
Ширәткьрьн у мәзьнкьрьна зарʹа дькарә чәтьн бә. Ле Кʹьтеба Пироз ча дькарә али тә бькә? Бьхунә Аԛуб 1:19, 20, у паше ван пьрса шеԝьр кә:
-
Де-бав ча дькарьн һʹьзкьрьна хԝә бьдьнә кʹьфше, гава зарʹед хԝәрʹа хәбәр дьдьн?
-
Чьма де-бав чахе һерскʹәти нә, һьнге гәрәке зарʹа ширәт нәкьн? a
5. Зарʹед хԝә бьпарезә
Дьбәкә ԝәрʹа чәтьн бә дәрһәԛа сексе тʹәви зарʹед хԝә хәбәр дьн. Ле сәва кӧ ԝана ве йәкеда бьпарезьн, гәләк фәрз ә әве тʹеме тʹәви ԝан шеԝьр кьн. Вехә ВИДЕО, у паше ван пьрса шеԝьр кә:
-
Чьма һьнә де-баварʹа чәтьн дьбә, кӧ зарʹед хԝәрʹа дәрһәԛа сексе хәбәр дьн?
-
Һьнә де-бава чь щурʹәйи зарʹед хԝәрʹа дәрһәԛа сексе шьровәкьрьн?
Чаԝа кӧ һатьбу пʹехәмбәртикьрьне, дьнйа Мире-щьна чьԛас дьчә, бь зӧлмийе тʹьжә дьбә. Бьхунә 2 Тимотʹейо 3:1, 13, у паше әве пьрсе шеԝьр кә:
-
Һьнә мәрьвед зӧлм дәрһәԛа кʹижана кӧ рʹеза 13-да һатьбу готьне, зорбәтийе зарʹа дькьн у ԝана хьраб дькьн. Ләма жи гәләк фәрз ә де-бав али зарʹед хԝә бькьн, ԝәки дәрһәԛа сексе бьзаньбьн, у ӧса жи ԝана һин кьн кӧ чаԝа хԝә жь мәрьвед ӧса хԝәй кьн?
Ԝә заньбу?
Шәʹдед Йаһоԝа гәләк һащәта дәрдьхьн, йед кӧ али де-бава дькьн, ԝәки зарʹед хԝә дәрһәԛа сексе рʹаст ширәт кьн у ԝана жь мәрьвед зорбә хԝәй кьн. Мәсәлә, бьньһерʹә:
-
«Зарʹед хԝә Бьпарезьн» (видео)
-
«Али Зарʹа Хԝә Бькә кӧ Ньһерʹандьна Ԝи сәр Сексе Рʹаст бә» («Һʹьшйар Бьн!» № 5, 2016)
6. Ԛәдьре де-баве хԝә бьгьрә
Зарʹед бьчʹук у йед щаһьл бь щурʹе хәбәрдана хԝә дькарьн ԛәдьр һьндава де-баве хԝә бьдьнә кʹьфше. Вехә ВИДЕО, у паше ван пьрса шеԝьр кә:
-
Чьма фәрз ә, кӧ щаһьл тʹәви де-баве хԝә бь ԛәдьр хәбәр дә?
-
Щаһьл гәрәке ча тʹәви де-баве хԝә хәбәр дә, кӧ бе кʹьфше ԝәки әԝ ԛәдьре ԝан дьгьрә?
Бьхунә Мәтʹәлок 1:8, у паше әве пьрсе шеԝьр кә:
-
Щаһьл гәрәке ча хԝә бьдә кʹьфше, чахе де-бав ԝи ширәт дькьн?
7. Тʹәви малбәта хԝә Йаһоԝа бьһʹәбинә
Малбәтед Шәʹдед Йаһоԝа ԝәʹдә вәдьԛәтиньн, кӧ һәр һʹәфти тʹәви малбәтед хԝә бона һʹәбандьне тʹоп бьн. Чь дькʹәвә нава ве һʹәбандьна малбәте? Вехә ВИДЕО, у паше ван пьрса шеԝьр кә:
-
Чь гәрәке бькьн, кӧ һәр һʹәфти Ԛӧльхкьрьна Тʹәви Малбәте Дәрбаз кьн?
-
Де-бав чь дькарьн бькьн, ԝәки Ԛӧльхкьрьна Тʹәви Малбәте керһати у һʹәԝас дәрбаз бә? Шькле әʹԝльн йа ве дәрсе бьньһерʹә.
-
Чь чәтьнайи дькарә малбәта тәрʹа бьбә мәʹни, кӧ һун нькарьбьн тʹәвайи бона һʹәбандьне бьщьвьн?
Йаһоԝа тʹәми дабу малбәтед исраелийа, ԝәки әԝана тʹьме дәрһәԛа Ньвисаред Пироз шеԝьр кьн. Бьхунә Ԛануна Дӧщари 6:6, 7, у паше әве пьрсе шеԝьр кә:
-
Тӧ ча дькари әве принсипе бьди хәбате?
Тӧ ча дькари ԛӧльхкьрьна тʹәви малбәте дәрбаз ки?
-
Хԝә бона щьвата һазьр кьн.
-
Сәрһатикә жь Кʹьтеба Пироз бьхунә у шеԝьр кә, кʹижан кӧ ԝе малбәта тә хԝәш бе.
-
Һәрге зарʹед ԝә һәнә, һун дькарьн жь jw.org дәрсед бона зарʹа бьдьнә кʹьшандьне йан жи нәшьр кьн.
-
Һәрге зарʹед ԝә мәзьн ьн, һун дькарьн тʹәви ԝан сәр jw.org тʹемәке бона щаһьла бьвиньн у шеԝьр кьн.
-
Тʹәви зарʹед хԝә сәрһатикә Кʹьтеба Пироз бь щурʹе драмайе һазьр кьн у дәрбаз кьн.
-
Видеойәкә жь jw.org бьньһерʹьн у шеԝьр кьн.
ҺЬНӘ МӘРЬВ ДЬБЕЖЬН: «Кʹьтеба Пироз гәләк чәтьн ә; зарʹ ԝе нькарьбьн фәʹм бькьн.»
-
Тӧйе чь бежи?
ТʹӘМАМКЬРЬН
Йаһоԝа дьхԝазә, ԝәки де-бав зарʹед хԝә һʹьз бькьн, һин кьн у бьпарезьн. Әԝ ӧса жи дьхԝазә, ԝәки зарʹ ԛәдьре де-бава бьгьрьн у гӧрʹа ԝанда бьн. Ле жь малбәта дьхԝазә, кӧ әԝана тʹәвайи Ԝи бьһʹәбиньн.
Ԝәкʹьландьн
-
Де-бав ча дькарьн зарʹед хԝә һин кьн у бьпарезьн?
-
Зарʹ ча дькарьн һьндава де-баве хԝә ԛәдьр бьдьнә кʹьфше?
-
Кʹара ве йәке чь йә, чахе малбәт ԝәʹдә вәдьԛәтинә, сәва кӧ һәр һʹәфти тʹәвайи Йаһоԝа бьһʹәбиньн?
ҺЕ ЗЕДӘ ПЕБЬҺʹӘСӘ
Кʹижан дәрс ахьрийеда жи ԝе бона зарʹа тә керһати бә?
«Шәш Дәрс кӧ Зарʹ Гәрәке Һин бьн» («Һʹьшйар Бьн!» № 2, 2019)
Пебьһʹәсә дәрһәԛа ширәтед керһати жь Кʹьтеба Пироз, йед кӧ ԝе али ԝан бькьн, кʹи кӧ мьԛати де-баве хԝәйи әʹмьрда мәзьн дьбьн.
«Ль Гора Кʹьтеба Пироз Ча Гәрәке бона Де-Бавед Хԝәйә Әʹмьрда Мәзьн Хәм Бькьн?» (Готара жь малпәре)
Бьньһерʹә, кӧ ча мәрьвәк, йе кӧ ньзаньбу ча зарʹа мәзьн кә, дьбә бавәки баш.
Пебьһʹәсә, кӧ бав ча дькарьн һәләԛәтийа хԝә тʹәви кӧрʹед хԝә ԛәԝи кьн.
«Бав Ча Дькарьн Һәләԛәтийа Хԝә Тʹәви Кӧрʹед Хԝә Ԛәԝи кьн?» («Бьрща Ԛәрәԝьлийе», 1 Мьждаре, 2011)
a Кʹьтеба Пироз хәбәра «ширәт» дьдә хәбате ча рʹебәри, кӧ али зарʹе дькә ньһерʹандьн йан рʹабун-рʹуньштьна хԝәйә нәрʹаст бьгӧһезә. У әв тʹӧ щар найе һʹәсабе щәзакьрьна сәрт (Мәтʹәлок 4:1).
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
