Чь Лазьм ә, сәва кӧ Малбәт Бәхтәԝар бә?

ВЕХӘ

Ча һун дьфькьрьн . . .

һʹәзкьрьн?
пʹәрә?
йан тьштәки дьн?

КʹЬТЕБА ПИРОЗ ЧЬ ДЬБЕЖӘ

«Хԝәзи ль ԝан, йед кӧ хәбәра Хԝәде дьбьһен у пек тиньн» (Луԛа 11:28).

СӘВА ԜӘ ӘВ ЧЬ ТЕ ҺʹӘСАБЕ

Һуне һʹәзкьрьна рʹаст бьвиньн (Әфәси 5:28, 29).

Һуне бәхтәԝар бьн, чьмки һьндава һәвдӧ бь ԛәдьр бьн (Әфәси 5:33).

Йәкти у бехофи ԝе щәм ԝә һәбә (Маркос 10:6-9).

ЛЕ ГӘЛО ӘМ ДЬКАРЬН ИТʹБАРИЙА ХԜӘ КʹЬТЕБА ПИРОЗ БИНЬН?

Бәле, у сәва ве йәке дӧ мәʹни һәнә:

Хԝәде Сазкʹаре малбәте йә. Кʹьтеба Пирозда те готьне, ԝәки Йаһоԝа Хԝәде, мәрьвед пешьн кьрә мер у жьн (Дәстпебун 2:18-24). Һәрге бь гьлийе майин бежьн, бь сайа Йаһоԝа Хԝәде иро малбәт һәнә, чьмки әԝ ә Әʹфьрандаре ԝе. Ле чьма әм дькарьн ӧса бежьн?

Бьньһерʹьн мәсәлә: Һәрге хԝарьнәк зәʹф тә хԝәш һат у тӧ дьхԝази пебьһʹәси кӧ әв йәк ча те чекьрьне, те жь кʹе бьпьрси? Фәʹмдари йә ԝәки жь ԝи мәрьви, йе кӧ әв һазьр кьрийә.

Әв йәк әм дькарьн бәрамбәри малбәте бькьн. Сәва кӧ пебьһʹәсьн һәла чь лазьм ә, ԝәки малбәт бәхтәԝар бә, әм гәрәке жь Йаһоԝа пебьһʹәсьн, чьмки әԝ ә Сазкʹаре малбәте (Дәстпебун 2:18-24).
Хԝәде дәрһәԛа тә хәм дькә. Ԝе бь аԛьлайи бә, ԝәки малбәт ширәтед Йаһоԝа Хԝәде бьгәрʹьн, йе кӧ әԝ жь Хәбәра хԝә дьдә. Гәло чьрʹа? «Чьмки әԝ бона» мә «хәм дькә» (1 Пәтрус 5:6, 7). Йаһоԝа Хԝәде бь дьл-әшԛ бона тә хәм дькә, у ширәтед ԝи тʹьме керһати нә! (Мәтʹәлок 3:5, 6; Ишайа 48:17, 18)