Дәрса 7
Чь йә П′адшатийа Хԝәде?
Чь ә′йан дькә, кӧ Иса Мәсиһ п′адшаки гәләк баш ә? МАРԚОС 1:40-42
1. Чь те һ′әсабе П′адшатийа Хԝәде?
П′адшатийа Хԝәде әв һәйә сәрԝерти, йе кӧ ль сәр ә′змана йә. Әԝ ԝе дәԝса һ′әму п′адшатийед дьнйайе бе к′ьфшкьрьне. Бь сайа ве П′адшатийе, Хԝәде ԛьрара хԝә ча ль сәр ә′змана ӧса жи ль сәр ә′рде ԝе бьԛәдинә. Әв йәк р′асти жи мьзгиникә гәлә баш ә. Зутьрәке П′адшатийа Хԝәде ԝе инсанәтер′а әԝе йәке бьдә, чь кӧ ԝанар′а гәләк лазьм ә, әв һәйә сәрԝертийа баш. П′адшатийа Хԝәде нава һ′әму мәрийа ԝе бькә ә′дьлайи у йәкти. Бьхунә Данийел 2:44; Мәтта 6:9, 10; 24:14.
Дь һәр п′адшатикеда гәрәке п′адша һәбә. Хԝәде дь п′адшатийа хԝәда, кӧр′е хԝә Иса Мәсиһ к′ьфш кьр ча п′адша. Бьхунә Ә′йанти 11:15.
2. Чьр′а әм дькарьн баԝәр кьн, кӧ Иса Мәсиһ п′адшаки гәлә баш ә?
Иса Мәсиһ п′адшаки гәлә баш ә, чьмки әԝ дьлр′ә′м ә у әԝ хԝә мьԛим ль р′астийе дьгьрә (Йуһ′әнна 1:14). Ӧса жи ԛәԝата ԝи дьгьһиже кӧ али мәрийа бькә. Әԝ ԝе жь ә′змана ль сәр т′әмамийа дьнйайе сәрк′артийе бькә. Чахе Иса Мәсиһ һатә сахкьрьне, әԝ вәгәр′ийа ль ә′змана у к′еләка Хԝәдейә р′асте р′уньшт, кӧ һивийа ԝи ԝә′дәйи бә, к′әнге кӧ әԝ ль сәр т′әхт р′уне (Ибрани 10:12, 13). Пашԝәхтийе Йаһоԝа Хԝәде ԛәԝат да Иса, кӧ әԝ дәстпекә сәрк′артийе бькә. Бьхунә Данийел 7:13, 14.
3. К′и ԝе т′әви Иса Мәсиһ сәрк′артийе бькьн?
К′омәкә мәрийа, кӧ тенә навкьрьне йед «пироз» демәк йед бьжарти, ԝе т′әви Иса Мәсиһ ль ә′змана сәрк′артийе бькьн (Данийел 7:27). Әв мәрийед пироз пешийе жь шагьртед Исайә амьн һатьнә бьжартьне, ль сәр к′ижана шанди дьһатә готьне. Жь ԝи чахи дәстпебуйи һ′әта иро Йаһоԝа Хԝәде к′ьфш дькә меред у жьнед амьн, кӧ бьбьнә пироз у бьжарти. Әԝана жи мина Иса Мәсиһ ԝе бенә сахкьрьне ча кәсед р′ӧһ′ани. Бьхунә Йуһ′әнна 14:1-3; 1 Корьнт′и 15:42-44.
Ле чьԛас мәри ԝе һәр′ьнә ль ә′змана? Иса Мәсиһ ль сәр ԝан «кәрийе пези бьч′ук» гот (Луԛа 12:32). Әԝ к′и ԝе т′әви Иса Мәсиһ ль сәр ә′рдер′а сәрк′артийе бькьн, бь т′әмами ԝе 144 000 мәрьв бьн. Бьхунә Ә′йанти 14:1.
4. Чь ԛәԝьми чахе Иса Мәсиһ бу п′адша?
П′адшатийа Хԝәде дь сала 1914-да дәстпекьр п′адшатийе бькә *. Чахе Иса Мәсиһ бу п′адша, әԝи пешийе Шәйт′ан у щьн авитьнә ль сәр ә′рде. Ԝи чахи Шәйт′ан гәләки һерс к′әт у дәстпекьр кӧл-дәрда бинә ль сәр ә′рде (Ә′йанти 12:7-10, 12). Паши ван йәка, ль сәр ә′рде кӧл-дәрд зедә бун. Шәр′, хәлайи-щәлайи, нәхԝәши у ә′рдһ′әж, әва һ′әму тьшт «нишан» ьн кӧ зутьрәке П′адшатийа Хԝәде ԝе бьк′әвә нав шьхӧлед сәр ә′рде. Бьхунә Луԛа 21:7, 10, 11, 31.
5. Чь дькә П′адшатийа Хԝәде иро у чь ԝе бькә ль ахьрийе?
Бь сайа шьхӧле даннасинкьрьна һ′әмдьнйайе, П′адшатийа Хԝәде ә′лаләтәкә мәзьн жь һ′әму мьләта у щьмә′та дькә йәк. Бь милйона мәрийед мьлук, дьбьнә бьнәлийед ве п′адшатийе. Чахе П′адшатийа Хԝәде ԛьр′а ве дьнйа хьраб бинә, әԝ ԝе һ′әму бьнәлийед хԝә хԝәй кә. Ләма жи һәр кәс к′и кӧ дьхԝазә жь П′адшатийа Хԝәде к′аре бьстинә, гәрәке һин бә ԝәки бьбә бьнәлийе гӧһдар. Бьхунә Ә′йанти 7:9, 14, 16, 17.
Нава 1 000 салийа п′адшатийе, П′адшатийа Хԝәде ԝе ԛьрара ԝийә пешьн дәрһәԛа инсанәте бинә сәри. Ә′рд т′әмам ԝе бьбә щьнәт. Хьлазийе, Иса Мәсиһ п′адшатийе ԝе пашда бьдә дәсте Баве хԝә (1 Корьнт′и 15:24-26). Жь нава насед хԝә тәйе к′ер′а дәрһәԛа П′адшатийа Хԝәде бьхԝәста бьгота? Бьхунә Зәбур 37:10, 11, 29.
^ абз. 12 Сәва кӧ пебьһ′әси, ча К′ьтеба Пироз п′ехәмбәртийе дькә дәрһәԛа сала 1914, бьньһер′ә к′ьтеба «Чь һин дькә К′ьтеба Пироз?» ль сәр ә′ламәтийед башԛә, наве к′ижани кӧ ӧса нә «П′ехәмбәртийа К′ьтеба Пироз, дәрһәԛа сала 1914, гәләк фәрз ә».
