Ль Гора Луԛа 3:1-38
3 Панздәһ салийа сәрԝертийа Тибәрйойе Ԛәйсәрда, Понтийо Пилато ԝәлийе Щьһустане бу, Һеродәс* сәрԝере һәрема Щәлиле бу, бьре ԝи Филипо сәрԝере һәрема Итурйайе у Тʹрахонитийе бу, у Лусанйас сәрԝере һәрема Авелинйайе бу.
2 Рʹожед Ԛәйафа у сәроке кʹаһина Һәнанда, Йуһʹәннайе кӧрʹе Зәкәрйа, бәрʹийеда жь Хԝәде хәбәр станд.
3 Һьнге Йуһʹәнна ль тʹәмамийа дәр-доре Урдӧне дьгәрʹийа. Әԝи мәрьварʹа дьгот, ԝәки тʹобә кьн у ве йәке бь ньхӧмандьне нишан кьн, сәва кӧ гӧнед ԝан бенә бахшандьне.
4 Чаԝа кӧ кʹьтеба Ишайа пʹехәмбәрда һатийә ньвисаре: «Бәрʹийеда кәсәк бь дәнге бьльнд дькә гази: ‹Рʹийа Йаһоԝа һазьр кьн! Рʹийед ԝи рʹаст кьн.
5 Гәрәке һәр нәԝал бе тʹьжәкьрьне у һәр чʹийа у тʹәпә бенә ньмьзкьрьне. Гәрәке рʹийед хьл-хар бенә рʹасткьрьне у рʹийед кәвьри бенә дузкьрьне.
6 У һʹәму мәрьв ԝе ԝи бьвиньн, бь сайа кʹижани Хԝәде ԝе хьлазкьрьне бьдә›».
7 Гава әʹлаләт дьһатә бал Йуһʹәнна, ԝәки әԝ ԝана бьньхӧминә, әԝи ԝанрʹа дьгот: «Һәй зӧрʹәта* мәʹред жәʹрдар, кʹи ԝәрʹа готийә ԝәки һун дькарьн жь хәзәба Хԝәде йа кӧ те, бьрʹәвьн?
8 Дә бь кьред хԝә нишан кьн, кӧ һун тʹобә дькьн.* Дьле хԝәда нәбежьн: ‹Бьраһим баве мә йә›. Әз ԝәрʹа дьбежьм, кӧ Хԝәде дькарә жь ван кәвьра жи Бьраһимрʹа зарʹа чекә.
9 Әре, балтʹә ида ль бәр кʹока дара йә. Һәр дара кӧ бәред баш надә, ԝе бе бьрʹине у авитьне нава агьр».
10 У әʹлаләте жь ԝи дьпьрси: «Ижа әм гәрәке чь бькьн?»
11 Әԝи ԝанрʹа дьгот: «Дӧ дәст кʹьнще* кʹе һәнә, бьра йәки бьдә ԝи, йе кʹе тʹӧнә. У хӧрәке кʹе һәйә бьра диса ӧса бькә».
12 Һʹәта хәрщгьр жи дьһатьн кӧ бенә ньхӧмандьне, у ԝирʹа дьготьн: «Дәрсдар, әм гәрәке чь бькьн?»
13 Әԝи ԝанрʹа дьгот: «Чьԛас жь ԝә те хԝәстьне, жь ԝи зедәтьр хәрщ дәʹԝа нәкьн».
14 Әскәра жи жь ԝи дьпьрси: «Ле әм гәрәке чь бькьн?» Әԝи жи ԝанрʹа гот: «Бь зордарийе пʹәра жь хәлԛе нәстиньн у шәрʹа нәвежьнә ԝан, ле бь һәԛе хԝә рʹази бьн».
15 Мәрьв һивийа Мәсиһ бун у ԝана дьле хԝәда сәр Йуһʹәнна ӧса дьгот: «Дьбәкә әԝ ә Мәсиһ?»
16 Йуһʹәнна щаба һʹәмуйа да: «Әз ԝә бь аве дьньхӧминьм, ле йе кӧ паши мьн те, жь мьн ԛәԝаттьр ә, у әз нәһежа мә кӧ чарьхед ԝи бехьм.* Әԝе ԝә бь рʹӧһʹе пироз у бь агьр бьньхӧминә.
17 Һащәта* ԝи дәсте ԝида йә, сәва кӧ бедәра* хԝә бь тʹәмами паԛьж кә. Әԝе гәньм әʹмбара хԝәда тʹоп кә у кайе бьшәԝьтинә бь агьре кӧ натәмьрә».
18 Әԝи ӧса жи гәләк ширәт дьданә мәрьва у мьзгини бәла дькьр.
19 Ле сәрԝере һәреме Һеродәс, жь бо Һеродийа жьна бьре хԝә у һʹәму кьред хԝәйи хьраб, алийе Йуһʹәннада һатә сущдаркьрьне.
20 Һеродәс сәрда хьрабикә дьн жи кьр, кӧ Йуһʹәнна авитә кәле.
21 Гава тʹәмамийа щьмәʹте һатә ньхӧмандьне, Иса жи һатә ньхӧмандьне. Чахе әԝи дӧа дькьр, әʹзман вәбу,
22 у рʹӧһʹе пироз мина кәвоткәке дакʹәтә сәр ԝи у дәнгәк жь әʹзмен һат: «Тӧ йи Кӧрʹе мьни дәлал, йе кӧ дьле мьн ша дькә».
23 Чахе Иса дәстпекьр хьзмәт бькә, әԝ ԝәкә 30 сали бу. Чаԝа мәрьв дьфькьрин, әԝ дьһатә һʹәсабекӧрʹе Усьв,кӧрʹе Һәли,
24 кӧрʹе Мәтат,кӧрʹе Леԝи,кӧрʹе Мәлкʹ,кӧрʹе Йанай,кӧрʹе Усьв,
25 кӧрʹе Мәтетийа,кӧрʹе Амос,кӧрʹе Нәһум,кӧрʹе Һәсли,кӧрʹе Нәщай
26 кӧрʹе Мәһат,кӧрʹе Мәтетийа,кӧрʹе Шемәйин,кӧрʹе Йусех,кӧрʹе Йода,
27 кӧрʹе Йуһʹәнан,кӧрʹе Рʹеша,кӧрʹе Зәрубабәл,кӧрʹе Шалтийел,кӧрʹе Нәри,
28 кӧрʹе Мәлкʹ,кӧрʹе Ади,кӧрʹе Косам,кӧрʹе Елмәдам,кӧрʹе Әр,
29 кӧрʹе Иса,кӧрʹе Әлийәзәр,кӧрʹе Йорим,кӧрʹе Мәтат,кӧрʹе Леԝи,
30 кӧрʹе Шьмһʹун,кӧрʹе Щьһуда,кӧрʹе Усьв,кӧрʹе Йонам,кӧрʹе Елийаким,
31 кӧрʹе Мәлйа,кӧрʹе Мәна,кӧрʹе Мәтета,кӧрʹе Натʹан,кӧрʹе Даԝьд,
32 кӧрʹе Йеша,кӧрʹе Обед,кӧрʹе Боԝаз,кӧрʹе Салмон,кӧрʹе Нәһшон,
33 кӧрʹе Аминадаб,кӧрʹе Арни,кӧрʹе Һәсрун,кӧрʹе Перес,кӧрʹе Щьһуда,
34 кӧрʹе Аԛуб,кӧрʹе Исһаԛ,кӧрʹе Бьраһим,кӧрʹе Тераһ,кӧрʹе Наһор,
35 кӧрʹе Сәрух,кӧрʹе Рʹеԝо,кӧрʹе Пелег,кӧрʹе Әбәр,кӧрʹе Шалаһ,
36 кӧрʹе Ԛенан,кӧрʹе Арпәхшад,кӧрʹе Сәм,кӧрʹе Нӧһ,кӧрʹе Ламәх,
37 кӧрʹе Мәтушәла,кӧрʹе Һәнох,кӧрʹе Йаред,кӧрʹе Маһалалел,кӧрʹе Ԛенан,
38 кӧрʹе Әнош,кӧрʹе Сетʹ,кӧрʹе Адәм,кӧрʹе Хԝәде.
Спартьн
^ Демәк Һеродәс Антипас.
^ Йан «чʹежьк».
^ Рʹастә-рʹаст «бәред лайиԛи тʹобәкьрьне биньн».
^ Йан «кʹьнще зедә».
^ Рʹастә-рʹаст «бәнед чарьхед ԝи вәкьм».
^ Демәк мәлһʹәб.
^ Демәк щийе кӧ гәньм жь кайе те вәԛәтандьн.
