Hinek meriv difikirin, wekî Nivîsarên Pîroz hatiye guhastinê. Îşaya pêxember got, ku xebera Xwedê “abadîn dimîne” (Îşaya 40:8). Gelo çi dikare me bide bawerkirinê, wekî Xebera Xwedê nehatiye guhastinê?

Xwedê dikare Xebera xwe biparêze, wekî neyê guhastin. Wedê berê, çaxê kopiyên destnivîsar dihatine lêkirinê, nivîskara her herfeke têksta pîroz fesal dijmartin, seva ku tiştek neyê zêdekirinê, guhastinê û berdanê. Lê dîsa jî, ji bo nekamiliyê hine nivîskara şaşiyên biçûk berdane.

Bi hezara kopiyên manûskrîptên kevine Nivîsarên Pîroz hene. Hergê ji wan kopiya yekêda cudekirineke biçûk jî hebe, evê kopiyê dikarin beramberî kopiyên din bikin û usa têderxin kîjan kopî rast e. Seva ku hê zêde pêbihesin, binihêrin gotar “Gelo, Têksta Kitêba Pîroz Hatiye Guhastinê?”, kîjan ku ser jw.org heye.

Werên em îzbatkirinekê binihêrin. Sala 1947-da şkeftekêda nêzîkî Bera Mirî, bêdûyîna dokûmêntên kevin dîtin, kîjan ku nav kirin Kitêbên Gulometkkirî ya Bera Mirî. Ev nivîsarên kevin parên Nivîsarên Pîroz bûn, kîjan ku du hezar sala zêdetir hene. Lêkolînkara ev manûskrîptên kevin beramberî Nivîsarên Pîroz kirin, kîjan ku îro cem me hene. Gelo wana çi dît?

Lêkolînkara dîtin, wekî têksta Xebera Xwedê kîjan ku îro cem me heye, mîna têksta orîjînalê ye. * Ji lêkolîna manûskrîptên kevin hate îzbatkirinê, wekî têksta Nivîsarên Pîroz ku îro cem me heye, nehatiye guhastinê, xût elametiya ji Xwedê ye. Em dikarin bawer bin, wekî Xwedê Nivîsarên Pîroz rind paristiye, seva ku neyê guhastinê.

Lema jî em dikarin Xebera Xwedê bi baweriya tam bixûnin û rastiya wêda dudilî nebin. Werên em niha şêwir kin, ku em derheqa Xwedê ji pêxemberên wî çi dikarin pêbihesin.