Hergê em in sebebê kul-derdên xwe, dêmek em dikarin usa bikin ku ev kêm bin.

Gelo meriv çiqasî cabdar in bona meniyên kul-derda?

• Zorbetî.

  Li gora hesabê “Organîzasyona Saxlemxweykirinêye Hemdinyayê”, ji 4 meriva 1 biçûktayêda rastî zorbetiya fîzîkî hatiye, lê ji 3 jina 1 rastî zorbetiya fîzîkî û sêksûalî hatiye.

• Şîn û Girî.

  Li gora hesabê “Organîzasyona Saxlemxweykirinêye Hemdinyayê” ya sala 2018, “sala 2016-da ser temamiya dinyayê weke 477 000 meriv hatine kuştinê”. Xêncî wê yekê hesab kirine, wekî hema vê salê 180 000 meriv şerên mezin û şer-dewada hatine kuştinê.

• Problêmên Sihet-Qewatêva Girêdayî.

  Gotarekêda ji jûrnala “National Geographic” nivîskar Fran Smît nivîsî: “Mîlyard meriva zêdetir cixarê dikişînin. Titûn pênc meniyên serekeye mirinê pêşda tîne: nexweşiyên dilik, însûlt (felç), nexweşiyên bînkişandinêva girêdayî, nexweşiyên pişikêye kronîkî û kansera pişika”.

• Pêpeskirin.

  Psîxoloj Cêy Wots usa dibêje: “Nexweşiyên psîxîkî pêşda tên ji bo kesîbiyê, neheqiyê, nasîonalîzmê, nuxsankirina jina, hevrikiyê û usa jî gava berî meriva didin, ji ciyê wan derdixin”.

  HÊ ZÊDE PÊBIHESIN

  Binihêrin vîdêo “Çira Xwedê Erd Efirandiye?”, ku ser malpera jw.org heye.

Sebebê kul-derda heçî zef meriv in.

Heçî zef sebebê kul-derda serwêr in, kîjan ku emirê meriva çetin dikin.

“Dem dibe ku serweriya zilamekî, li ser yekî din, bi xesara [ziyana] wî ye” (WAÎZ 8:9).

Kul-derd dikarin kêm bin.

Prînsîpên Kitêba Pîroz sihet-qewata me baş dikin û alî me dikin, wekî heleqetiya me tevî meriva baş be.

“Dilê rihet jîyîna bedenê ye, lê hevsûdî kurmê hestûya ye” (METELOK 14:30).

“De bira her telayî, hêrs, berzeqî, qare-qar û kifirî-zifirî ji we dûr bin tevî her cûre kîn-boxiyêva” (EFESÎ 4:31).