Sala 2023, qewimandinên nav temamiya dinyayêda, eyan didine kifşê, ku em dijîn “rojên axiriyêda”, çawa ku Kitêba Pîrozda tê gotinê (2 Tîmotêyo 3:1). Dîna xwe bidine vê yekê, ku Kitêba Pîrozda pêşda hatibû pêxembertîkirinê derheqa qewimandinên, ku roja îro diqewimin.

Kitêba Pîroz û qewimandinên hemdinyayê

 “Dengê şera û besa şera” (Metta 24:6).

•   “Şer-dew nav temamiya dinyayêda çiqas diçe, diha zêde dibin”. a

 “Cî-ciya wê erdhej” bin (Markos 13:8).

•   “Ji destpêka sala 2023, 13 erdhej nav temamiya dinyayê bi 7 magnîtûda qewimîn. Ji hemû hesaba, ev hejmareke lape mezin e nava salekêda”. b

 “Tiştên xof û tirs” (Lûqa 21:11).

•   “Dewrana germbûna gerdûnê xilaz bû; dewrana qije-qija gerdûnê hat”—Antonyo Gutêrrês, Sêkrêtarê sereke yê Miletên Yekbûyî. c

 “Xelayî-celayê” (Metta 24:7).

•   “Sala 2023: Saleke bêguman bona wan, kê ebûra malbeta xwe dike”. d

 “Zemanên xirab wê bên” (2 Tîmotêyo 3:1).

•   “Yek ji heyşt meriva ji bo nexweşiya êmosiyalî diçerçire”. e

Gelo sala 2024 wê çi biqewime?

 Tu kes nizane sala 2024 wê çi biqewime. Lê qewimandinên dinyayê îzbat dikin, ku zûtirekê Padşatiya Xwedê, dêmek serwêrtiya ezmanî, wê dewsa serwêrtiyên meriva bigire û hemû kul-derda û xemgîniyê bide hildanê (Daniyêl 2:44; Eyantî 21:4).

 Lê heta ku em hîviya vê rojê ne, em dikarin alîkariyê ji Xwedê bixwazin çaxê xemgîn dibin. Kitêba Pîrozda tê gotinê:

 “Gava ez tirsêda me, ez Teda guman im” (Zebûr 56:3).

 Em ça dikarin bidine kifşê, ku îtbariya xwe Xwedê tînin? Em we teglîf dikin hê zêde pêbihesin derheqa soza Kitêba Pîroz bona axiriyê, ku emê îda neçerçirin. Destpêkin kûrsa Hînkirinê ya bêpere, seva ku bivînin ça hûn û malbeta we dikarin karê bistînin ji sozên Kitêba Pîroz.