Sam 66:1-20
To di wan we de dayrɛkt. Wan siŋ.
66 Lɛ ɔlman na di wɔl ala wit gladi-at fɔ prez Gɔd.
2 Una siŋ fɔ prez* in nem we gɛt glori.
Una gi am glori ɛn prez am.
3 Tɛl Gɔd se: “Di tin dɛn we yu de du de mek pipul dɛn fred ɛn rɛspɛkt yu!
Bikɔs yu gɛt bɔku bɔku pawa,Yu ɛnimi dɛn go fred we dɛn de bifo yu.
4 Ɔlman na di wɔl go butu bifo yu;Dɛn go siŋ fɔ prez yu;Dɛn go siŋ fɔ prez yu nem.” (Sila)
5 Kam si di tin dɛn we Gɔd de du.
Di tin dɛn we i de du fɔ mɔtalman de mek pipul dɛn fred ɛn rɛspɛkt am.
6 I tɔn di si to dray land;Dɛn krɔs di riva bay fut.
Wi gladi fɔ wetin i du fɔ wi na da ples de.
7 I go rul sote go wit in pawa.
In yay go de pan di neshɔn dɛn.
Di wan dɛn we trangayes nɔ fɔ es dɛnsɛf ɔp. (Sila)
8 Pipul dɛn, una prez wi Gɔd,Lɛ ɔlman yɛri we una de prez am.
9 I de mek wi de alayv;I nɔ de alaw wi fɔ bɔk wi fut.*
10 E Gɔd, yu dɔn chɛk wi gud wan;Yu dɔn klin wi lɛk aw dɛn de klin silva.
11 Yu kam wit wi insay ɔntinman dɛn nɛt;Yu put ɛvi ɛvi lod pan wi.*
12 Yu alaw mɔtalman fɔ mas mas wi;*Wi pas na faya ɛn wata;Dɔn yu kam wit wi na ples usay wi go blo.
13 A go kam insay yu os wit animal dɛn fɔ bɔn wan ol wan as sakrifays;A go du wetin a dɔn vaw se a go du fɔ yu,
14 Dat na, wetin a bin prɔmisƐn wetin a bin tɔk wit mi yon mɔt we a bin gɛt prɔblɛm.
15 A go sakrifays fat fat animal dɛn to yu as bɔn ɔfrin,A go sakrifays man ship dɛn ɛn mek dɛn smok go ɔp.
A go sakrifays man kaw dɛn ɛn man got dɛn. (Sila)
16 Una ɔl we de fred Gɔd, una kam lisin,A go tɛl una wetin i dɔn du fɔ mi.
17 A kɔl am, ɛn a prez am.
18 If a bin kip ɛni bad tin na mi at,Jiova nɔ bin fɔ yɛri mi.
19 Bɔt Gɔd yɛri mi;I pe atɛnshɔn to mi prea.
20 Prez Gɔd we ansa mi preaƐn we kɔntinyu fɔ sho lɔv we nɔ de chenj to mi.
Futnot Dɛn
^ Ɔ “Una mek myuzik fɔ.”
^ Ɔ “fɔ staga.”
^ Insay Ibru, “na wi wesbon.”
^ Insay Ibru, “wi ed.”
