PAT 7
Udat Na Bin Jizɔs?
Jiova bin sɛn Jizɔs na di wɔl. Jɔn In Fɔs Lɛta 4:
If wi want mek Jiova gladi, wi fɔ lisin to wan ɔda impɔtant pɔsin. Jiova bin dɔn mek wan pawaful spirit pɔsin na ɛvin lɔntɛm bifo i mek Adam.
Afta sɔm tɛm, Jiova bin sɛn am na di wɔl fɔ mek wan vajin we nem Meri bɔn am na Bɛtliɛm. Di nem we dɛn bin gi di pikin na Jizɔs.—Jɔn 6:
We Jizɔs bin de na di wɔl, i bin gɛt kwaliti dɛn we Gɔd gɛt. I bin lɛk pipul dɛn ɛn i bin de sɔri fɔ dɛn ɛn ɛp dɛn. Pipul dɛn nɔ bin de fred fɔ go nia am. I nɔ bin de fred fɔ tich pipul dɛn di tru bɔt Jiova.
Jizɔs bin du gud tin dɛn, bɔt dɛn bin et am. Pita In Fɔs Lɛta 2:
Jizɔs bin mɛn di wan dɛn we sik ɛn gi layf bak to sɔm pipul we bin dɔn day.
Di edman dɛn pan Gɔd biznɛs bin et Jizɔs bikɔs i bin de tɛl pipul dɛn bɔt di laylay tin dɛn we dɛn bin de tich ɛn di bad tin dɛn we dɛn bin de du.
Di edman dɛn pan Gɔd biznɛs bin beg di Roman dɛn fɔ bit Jizɔs ɛn kil am.
