Yu dɔn tek tɛm rid Di Wachtawa dɛn fɔ dis ia? Wɛl, si if yu go ebul ansa dɛn kwɛstyɔn dɛn ya:

We Jems 5:​11 tɔk se Jiova “rili lɛk wi” ɛn i “gɛt sɔri-at,” wetin dat de ɛp wi fɔ no?

Wi no se bikɔs Jiova gɛt sɔri-at, dat de mek i fɔgiv wi sin dɛn. Jems 5:​11 de ɛp wi fɔ no bak se i lɛk wi ɛn i want fɔ ɛp wi. I go fayn fɔ mek wi falamakata am.—w21.01, pej 21.

Wetin mek Jiova put sɔm pipul dɛn oba ɔda pipul dɛn?

I du dat bikɔs i lɛk wi. Bikɔs Jiova put sɔm pipul dɛn oba ɔda pipul dɛn, dat dɔn mek In famili gɛt pis, ɛn dɛn ɔganayz. Ɛnibɔdi na di famili we de fala dis arenjmɛnt no udat go disayd wetin dɛn fɔ du, ɛn udat go du di tin dɛn we dɛn dɔn disayd fɔ du.—w21.02, pej 3.

Wetin mek Kristian dɛn fɔ tek tɛm we dɛn de yuz ap dɛn we de fɔ sɛn ɛn risiv mɛsej?

If pɔsin disayd fɔ yuz dɛn kayn ap dɛn ya, i nid fɔ tek tɛm pik di rayt padi dɛn. Dat nɔ kin izi fɔ du wit dɛn grup dɛn we gɛt bɔku pipul dɛn. (1 Tim. 5:​13) Ɔda denja dɛn de bak we gɛt fɔ du wit fɔ skata tɔk we pɔsin nɔ shɔ se kɔrɛkt ɛn fɔ yuz brɔda ɛn sista dɛn fɔ tray fɔ mek mɔni.—w21.03, pej 31.

Wetin na sɔm rizin dɛn we mek Gɔd bin alaw Jizɔs fɔ sɔfa ɛn day?

Wan rizin na dat we dɛn bin ɛng Jizɔs pan tik, dat bin mek am pɔsibul fɔ lɛ di Ju pipul dɛn nɔ gɛt swɛ igen. (Gal. 3:​10, 13) Wan ɔda rizin na dat Jiova bin de tren Jizɔs fɔ di tɛm we i go bi Ay Prist. Ɛn di tɔd wan na dat we Jizɔs kɔntinyu fɔ de biɛn Gɔd te i day, i pruv se mɔtalman go ebul sav Jiova fetful wan ilɛk dɛn tɛst am siriɔs wan. (Job 1:​9-11)—w21.04, pej 16 ɛn 17.

Wetin yu go du if yu nɔ kin mit pipul dɛn na os we yu de du di prichin wok?

Yu kin tray fɔ tɔk to pipul dɛn di tɛm we dɛn go mɔs de na os. Yu kin tray bak fɔ prich na difrɛn ples dɛn. Ɛn yu kin tray difrɛn we dɛn, lɛk fɔ rayt lɛta.—w21.05, pej 15 ɛn 16.

Wetin apɔsul Pɔl bin min we i se: “Lɔ dɔn mek a day we i kam pan lɔ”? (Gal. 2:​19)

Di Lɔ we Gɔd bin gi Mozis bin de sho se mɔtalman nɔ pafɛkt, ɛn i bin de gayd di Izrɛlayt dɛn fɔ kɛr dɛn go to Krays. (Gal. 3:​19, 24) Na dis bin mek Pɔl put fet pan Krays. So we Pɔl du dat, i mek i “day we i kam pan lɔ”; di lɔ nɔ bin de kɔntrol am igen.—w21.06, pej 31.

Aw Jiova dɔn sɛt ɛgzampul fɔ wi we i kam to aw fɔ bia?

Jiova dɔn bia di badnem we dɛn dɔn put pan am, di chalenj fɔ se i nɔ gɛt rayt fɔ rul, di tɔn we sɔm pan in pikin dɛn tɔn dɛn bak pan am, di lay dɛn we Setan de lay ɔltɛm, di sɔfa we in savant dɛn de sɔfa, di day we in padi dɛn dɔn day, di we aw wikɛd pipul dɛn de mek ɔda pipul dɛn sɔfa, ɛn we mɔtalman de pwɛl di tin dɛn we i mek.—w21.07, pej 9 to 12.

Us fayn ɛgzampul Josɛf sɛt bɔt fɔ peshɛnt?

In brɔda dɛn nɔ bin trit am fia wan. Dis bin mek dɛn lay pan am ɛn put am na prizin na Ijipt fɔ lɔng tɛm.—w21.08, pej 12.

Uskayn shek we Egay 2:​6-9, 20-22 tɔk bɔt?

Di neshɔn dɛn nɔ de lisin to di Kiŋdɔm mɛsej, bɔt bɔku pipul dɛn dɔn kam na di trut. I nɔ go te igen, dɛn go shek di neshɔn dɛn fɔ di las tɛm we Jiova go dɔnawe wit dɛn.—w21.09, pej 15 to 19.

Wetin mek wi nɔ fɔ giv-ɔp we wi de du di prichin wok?

Jiova de si wi wok, ɛn i de gladi fɔ wetin wi de du. If wi nɔ taya ɔ giv-ɔp, wi go gɛt layf we go de sote go.—w21.10, pej 25 ɛn 26.

Aw Lɛvitikɔs chapta 19 go ɛp wi fɔ fala di advays we se: “Una fɔ oli pan ɔltin we una de du”? (1 Pit. 1:​15)

I go mɔs bi se da vas de na kot frɔm Lɛvitikɔs 19:​2. Chapta 19 gɛt bɔku ɛgzampul dɛn bɔt aw wi go aplay 1 Pita 1:​15 na wi layf ɛvride.—w21.12, pej 3 ɛn 4.