Di katun fim dɛn we gɛt di taytul Bi Jiova in Padi gɛt siŋ dɛn ɛn pipul dɛn lɛk Kɛli ɛn Viktoria we bɔku pipul dɛn dɔn sabi naw. Mama, papa, ɛn pikin dɛn dɔn rayt fɔ sho se dɛn gladi fɔ di difrɛn katun fim dɛn. Dis na sɔm tin dɛn we sɔm pikin dɛn tɔk:

• “Tɛnki fɔ di fim we nem ‘Lisin, Obe, ɛn Gɛt Blɛsin.’ A kin wach am ɛvride wit mi tɛdibia we fiba tayga.”​—Zak, i ol 5 ia.

• “Di nyu siŋ mek a no se Jiova lɛk mi ɛn i want mek a pre to am ɛnitɛm.”​—Mikaraya, i ol 6 ia.

• “A lan fayn lɛsin fɔ de obe mi mama ɛn papa ɛn fɔ de klin usay a dɔti. Una tɛnki fɔ we una mek dis pikin fim fɔ wi.”​—Nikol, i ol 8 ia.

• “A wan tɛl una plɛnti tɛnki fɔ di fim. I bin rili fayn. I bin rili fɔni. A lɛk am.”​—Makɛnzi, i ol 5 ia.

• “A lɛk di Bi Jiova in Padi fim. A kin wach am ɛvride. I rili fayn we Jiova de gi una dis kayn sɛns.”​—Ava, i ol 8 ia.

• “A lɛk fɔ wach di fim dɛn. A de tray fɔ lan di siŋ dɛn. Di fim dɛn de mek a lɛk Jiova.”​—Devɔn, i ol 4 ia.

• “A rili de wet fɔ Kɛli in nɛks fim! Una kɔntinyu fɔ du dis gud wok!”​—Vans, i ol 8 ia.