JW TV
Yuz Roku fɔ Wach di Fim dɛn we Dɛn Bin Dɔn Mek
Yu go ebul fɔ wach Fim dɛn we Dɛn Bin Dɔn Mek na JW TV ɛn yu sɛf sɛf go ebul fɔ pɔz di fim, riwayn am, fɔwɔd am, ɛn skip am. Jɔs wach wan fim ɔ ɔl di fim dɛn na di say dɛn we de de.
(Mɛmba dis: Di drɔin dɛn we de pan Roku 3 rimot na di sem drɔin dɛn go yuz na dis pat we de fɔ tich wi. Sɔntɛm yu yon rimot go difrɛn smɔl.)
Pik wan Fim we dɛn Bin Dɔn Mek frɔm JW TV in om pej fɔ si di difrɛn fim dɛn we de de. Du di tin dɛn we de dɔŋ ya fɔ fɛn ɛn fɔ wach fim:
Fɛn Wan Fim
Yuz di Lɛft ɛn Rayt aro dɛn na yu Roku rimot, fɔ naviget di difrɛn fim dɛn we de de. Di say dɛn we dɛn aylayt go sho midul yu skrin wit pikchɔ, taytul, ɛn smɔl tin we de tɔk bɔt di fim. Prɛs di OK bɔtin fɔ pik di fim we dɛn aylayt.
Yu go fɛn sɔm fim dɛn na bɔku say dɛn. Fɔ ɛgzampul, yu go si di fim we nem The Prodigal Returns, ɔnda difrɛn say dɛn lɛk “Movies”, “Family”, ɛn “Teenagers.”
Di fim dɛn na di difrɛn say dɛn na di pej de sho se difrɛn fim dɛn de ɔnda da say de. We yu de yuz di aro na yu Roku rimot fɔ fɛn tin dɛn na di pej, di “Details Bubble” de sho di fim we aylayt in taytul ɛn di tɛm we i de ple fɔ.
“Up” ɛn “Down” aro dɛn: De mek yu ebul fɔ go na difrɛn say dɛn. Di taytul fɔ di say we yu de de apia ɔp di “carousel.”
Lɛft ɛn Rayt aro dɛn: De ɛp yu fɔ wach wach di difrɛn fim dɛn we de na da say de.
Tip: Di kawnta we de ɔp na di rayt pat de sho ɔmɔs fim dɛn de ɔnda di say we yu de ɛn us fim yu aylayt rayt naw.
Prɛs OK fɔ pik wan fim ɛn sho sɔm tin dɛn bɔt di fim na di pej. Pik wan pan di tin dɛn we de dɔŋ dis pej:
Ple: Ple am frɔm di biginin
Ple wit Sɔbtaytul Dɛn: Ɔnda dis say yu go si sɔbtaytul dɛn if dɛn de fɔ di fim we yu de wach. We yu pik am i go ple di fim wit in sɔbtaytul dɛn ɛn yu go ebul fɔ yuz di sɔbtaytul dɛn (if dɛn de de) fɔ ɔl di fim dɛn we de na di Strimin ɛn Fim we Dɛn Dɔn Mek fɔ dis sɛkshɔn. Fɔ pul di sɔbtaytul, na fɔ klik di say we se Nɔ Ple Am wit Sɔbtaytul Dɛn.
Ple Ɔl di Wan dɛn we De Ɔnda Dis Say: Ple ɔl di fim dɛn we de na dis say, bigin wit di fim we de fɔs.
Mɛmba dis: Di fim go stɔp we ɔl di fim dɛn na dis say dɔn fɔ ple.
Kɔntrol Aw Yu Want di Fim fɔ Ple
We fim de ple na di sɛkshɔn we nem Fim dɛn we Dɛn Bin Dɔn Mek, yu kin kɔntrol di fim wit yu Roku rimot, dɛn we dɛn ya:
“Pause”: Pɔz di fim. Prɛs di bɔtin bak fɔ ple di fim.
“Fast Forward”: Yu de stɔp di fim fɔ ple ɛn fɔwɔd am kwik kwik wan. We di sayn we de sho se di fim dɔn rich usay yu want fɔ wach, prɛs di Ple bɔtin.
Tip: Yu kin prɛs di “Fast Forward” bɔtin bɔku tɛm fɔ mek di fim go bifo kwik kwik wan.
“Rewind”: Yu de stɔp di fim fɔ ple ɛn yu riwayn am fɔ go bak usay di fim bigin. We di sayn we de sho se di fim dɔn rich usay yu want fɔ wach, prɛs di “Play” bɔtin.
Tip: Yu kin prɛs di bɔtin fɔ “Rewind” bɔku tɛm fɔ riwayn am kwik kwik wan.
“Right Arrow”: Stɔp di fim ɛn fɔwɔd am bay 10 sɛkɔn. We di sayn we de sho se di fim dɔn rich usay yu want fɔ wach, prɛs di “Play” bɔtin.
“Left Arrow”: Stɔp di fim ɛn mek lɛ i go biɛn bay tɛn sɛkɔn. We di sayn we de sho se di fim dɔn rich usay yu want fɔ wach, prɛs di “Play” bɔtin.
“Down Arrow”: De sho tin dɛn we de tɔk bɔt di fim fɔ smɔl tɛm. Prɛs di bɔtin bak fɔ pul di raytin na di skrin.
“Up Arrow” ɔ “Back”: Kɛr di fim go bak na di pej we de sho smɔl tin bɔt di fim.
Wach Fim dɛn we Dɛn Jɔs Ad ɔ Fim dɛn we De
Di JW TV om pej gɛt tu spɛshal say dɛn we gɛt Fim dɛn we Dɛn Bin Dɔn Mek:
Tin dɛn we De: Ɔnda dis say, yu go si fim dɛn we yu go rili lɛk, fim dɛn lɛk di wan dɛn we gɛt fɔ du wit wi mitin dɛn we wi kin gɛt ɛni wik ɔ famili wɔship.
Di Wan dɛn we Jɔs Kɔmɔt: Di siks nyu fim dɛn we jɔs kɔmɔt.
Du di tin dɛn we de dɔŋ ya fɔ pik wan fim we yu go lɛk fɔ wach frɔm wan pan di say dɛn we de:
Yuz di “Up” ɔ “Down” aro fɔ aylayt wan pan di say dɛn we de.
Prɛs di OK bɔtin fɔ sho di fim dɛn we de ɔnda di say we yu bin dɔn aylayt.
Yuz di “Up” ɔ “Down” aro fɔ skrol fɔ si di ɔda fim dɛn.
Prɛs di OK bɔtin fɔ pik di fim we dɔn aylayt ɛn sho wetin di fim de bɔt na di pej.
Mɛmba dis: Klik na di say we se Ple Ɔl di Wan dɛn we De Ɔnda dis Say fɔ mek yu go ple ɔl di fim dɛn we de ɔnda di spɛshal say we yu de.
