၅ မိၤၡ့ ၃၂:၁-၅၂
၃၂ “မ်မူခိၣ် ဒိကနၣ် တၢ်ကတိၤလၢ ယကတဲဒီးမ်ဟီၣ်ခိၣ်နၢ်ဟူ တၢ်ကတိၤလၢ အဟဲထီၣ်လၢ ယထးခိၣ်တက့ၢ်.
၂ ယတၢ်ဟံးစုနဲၣ်ကျဲန့ၣ် ကဟဲစူၤလီၤ ဒ်မူခိၣ်စူၤထံအသိးဒီးယတၢ်ကတိၤတဖၣ် ကဟဲလီၤစီၤဝဲ ကဖီကဖီ ဒ်ပစီၤထံအသိးဒီးဒ်မူခိၣ်ထံ လီၤတဖှံၣ်ဝဲလၢ နီၣ်ဧိၤမံၤဧိၤအလိၤအသိးဒီးဒ်တၢ်စူၤထံ လီၤအါအါဂီၢ်ဂီၢ်လၢ တၢ်မုၢ်တၢ်ဘိတဖၣ် အလိၤ အသိးလီၤ.
၃ ယကဘိးဘၣ်သ့ၣ်ညါ ယဟိဝၤယွၤအမံၤ+ဒီးယကတဲဖျါထီၣ် ပကစၢ်ယွၤ အလၤကပီၤလီၤ.+
၄ အဝဲမ့ၢ်လၢၢ်တဖျၢၣ် ဒီးအတၢ်မၤတဖၣ် လၢပှဲၤဝဲ,+အစံၣ်ညီၣ်တၢ်တီ လၢတၢ်ခဲလၢာ်အပူၤလီၤ.+
အမ့ၢ် ကစၢ်ယွၤ လၢအသးတီ+ ဒီးအတစံၣ်ညီၣ်တၢ် တတီတလိၤ နီတဘျီဘၣ်.+
အဝဲမ့ၢ် ပှၤတီပှၤလိၤ ဒီးအသူၣ်ဘျၢသးဘျၢလီၤ.+
၅ အဝဲသ့ၣ်မ့ၢ် ပှၤလၢအမၤတၢ်အၢအၢသီသီ+အဝဲသ့ၣ် တမ့ၢ်ယွၤအဖိဘၣ်, မ့ၢ်လၢအဝဲသ့ၣ် အနီၢ်ကစၢ်အတၢ်ကမၣ်အဃိလီၤ.+
အဝဲသ့ၣ်မ့ၢ် ပှၤတစိၤလၢ သကဲာ်ပဝးဟးဂီၤ ဒီးအအၢအသီလီၤ.+
၆ ပှၤဟးဂီၤဖိ ဒီးပှၤလၢအတအိၣ်ဒီး တၢ်ကူၣ်သ့ဧၢ,+
မ့ၢ်သုကြၢးမၤ ယဟိဝၤယွၤ ဒ်အံၤဧါ.+
အဝဲ ကဲသုပၢ်လၢ အတ့လီၤသု တမ့ၢ်ဧီၤ,+ဒီးအမ့ၢ်ပှၤလၢ အဒုးအိၣ်ထီၣ်သု ဒီးဒုးကဲထီၣ်သုဒ် ပှၤတကလုာ်အသိး တမ့ၢ်ဧီၤ.
၇ သ့ၣ်နီၣ်ထီၣ်က့ၤ မုၢ်နံၤလၢ အပူၤကွံာ်တဖၣ်,ဆိကမိၣ်ကွၢ် ပှၤအစိၤလၢ အပူၤကွံာ်တဖၣ်တက့ၢ်.
သံကွၢ်သုပၢ် ဒီးအဝဲသ့ၣ် ကတဲဘၣ်သု,+ဒီးပှၤသူၣ်က့သးပှၢ်တဖၣ် ကဒုးသ့ၣ်ညါသုလီၤ.
၈ ဖဲတၢ်ထီကတၢၢ်တဂၤ ဟ့ၣ်လီၤဝဲ ပှၤကလုာ်တဖၣ် အတၢ်န့ၢ်သါအခါ,+ဖဲအဝဲ မၤလီၤပြံလီၤပြါ စီၤအၤဒၣ် အစၢၤအသွဲၣ်အခါ+ဒ်ပှၤအံၣ်စရ့လးဖိတဖၣ် အနီၣ်ဂံၢ် အိၣ်ဝဲအသိး+ကစၢ်ယွၤ ပာ်ပနီၣ် တၢ်လီၢ်တၢ်ကျဲလၢ ပှၤကလုာ်တဖၣ် အဂီၢ်လီၤ.+
၉ ယဟိဝၤယွၤ အပှၤဂီၢ်မုၢ် မ့ၢ်အတၢ်+ဒီးစီၤယၤကိာ်မ့ၢ် အတၢ်န့ၢ်သါလီၤ.+
၁၀ အဝဲထံၣ်န့ၢ်အီၤလၢ ပှၢ်မုၢ်ကနၢပူၤ,+ပှၢ်မုၢ်ကနၢလၢ အအိၣ်သယုၢ် လၢအပှဲၤဒီး တၢ်မံၤလာ်လၢ အအူယူၤလီၤ.+
အဝဲဒီသဒၢအီၤ ဒီးအံးထွဲ ကွၢ်ထွဲအီၤ,+ဒီးဒီသဒၢအီၤဒ် အမဲာ်ပှာ်ဖိ အသိးလီၤ.+
၁၁ အဝဲမၤဝဲဒ်န့ၣ်န့ၣ် လီၤဂာ်ဒ် လံာ်ကြီကြာ်လၢ အသိၣ်လိအဖိလၢ ကယူၤဝဲအဂီၢ်ဒီးယူၤဝဲလၢ အဖိတဖၣ်အဖီခိၣ် ဝံၤဒီးသလၣ်ထီၣ် အဒံးဆ့ ဒီးယူၤစိာ် အဝဲသ့ၣ်လၢအဒံးဆ့အလိၤအသိးလီၤ.+
၁၂ ထဲဒၣ် ယဟိဝၤယွၤတဂၤ ပၢဆှၢ စီၤယၤကိာ်+ဒီးယွၤအဂၤ တအိၣ်ဒီးအီၤ နီတဂၤဘၣ်.+
၁၃ အဝဲဒုးပၢအီၤ တၢ်လီၢ်ထီၣ်ထီတဖၣ် လၢဟီၣ်ခိၣ်ချၢ,+အဃိ အဝဲအီၣ်ဝဲ တၢ်လၢအမဲထီၣ်သၣ်ထီၣ် လၢပျီပူၤလီၤ.+
အဝဲ ဒုးအီၣ်အီၤ ကနဲစီ လၢအအိၣ်လၢ လၢၢ်ဧိၤလ့ဧိၤ အကျါဒီးဒုးအီၣ်အီၤ သိဧိၤချါဧိၤ လၢအဟဲ လၢလၢၢ်လၢ အကိၤတဖျၢၣ်* အပူၤလီၤ.
၁၄ ဒီးဒုးအီၣ်ဒုးအီအီၤလၢ ထီပး လၢပှၤတ့အီၤလၢ ကျီၢ်နုၢ်ထံဒီးမဲာ်တဲးလဲး အနုၢ်ထံလီၤ.
ဒီးဒုးအီၣ်အီၤလၢ ဘၤၡၣ်အသိဖါ ဒီးမဲာ်တဲးလဲးဖါဒီးဘုကၠူၣ်လၢ အဂ့ၤကတၢၢ်လီၤ.+
ဒီးသုအီဘၣ် စပံးထံလီၤ.
၁၅ ဖဲစီၤယၡူရိၣ်* ဘီၣ်ထီၣ်သိထီၣ်အခါ အဝဲထူက့ၤ အကစၢ်လီၤ.
အဝဲဘီၣ်ထီၣ်သိထီၣ်, ဒိၣ်ထီၣ် ဒီးဘီၣ်လုၤကုၤထီၣ်လံ.+
အဃိ အဝဲပာ်တ့ၢ် ကစၢ်ယွၤ လၢအတ့လီၤအီၤ+ဒီးတပာ်ကဲ အတၢ်အုၣ်က့ၤခီၣ်က့ၤ အလၢၢ်လၢၤဘၣ်.
၁၆ အဝဲသ့ၣ် မၤသးထီၣ်အီၤ လၢယွၤအဂၤတဖၣ်အဃိ+ဒီးအဝဲသ့ၣ် မၤဆါအသးလၢ တၢ်လၢအလီၤသးဘၣ်အၢတဖၣ် အဃိလီၤ.+
၁၇ အဝဲသ့ၣ်တလုၢ်ထီၣ်တၢ်လၢ ကစၢ်ယွၤအအိၣ်ဘၣ်. အဝဲသ့ၣ် လုၢ်ထီၣ်တၢ်လၢ တၢ်ဝံတၢ်နါတဖၣ်အအိၣ်,+ယွၤလၢ အဝဲသ့ၣ် တသ့ၣ်ညါဝဲဘၣ်တဖၣ်အအိၣ်,ယွၤတဖၣ်လၢ အဟဲပၢၢ်ထီၣ်သီသီ အအိၣ်,ယွၤတဖၣ်လၢ အဝဲသ့ၣ် အမိၢ်ပၢ်ဖံဖု လၢပျၢၤတဖၣ် တသ့ၣ်ညါဝဲဘၣ်အအိၣ်လီၤ,
၁၈ သုသးပ့ၤနီၣ်လၢၢ်တဖျၢၣ်+ လၢအမ့ၢ်သုပၢ်,ဒီးသုတသ့ၣ်နီၣ်ထီၣ် ကစၢ်ယွၤလၢ အဒုးအိၣ်ထီၣ်သုဘၣ်.+
၁၉ ယဟိဝၤယွၤ ထံၣ်ဝဲလၢ အဖိမုၣ်ဖိခွါတဖၣ် မၤဝဲဒ်န့ၣ် ဒီးမၤဆါ အသးအဃိအဝဲ စူးကွံာ်ညိကွံာ် အဝဲသ့ၣ်လီၤ.+
၂၀ အဃိ အဝဲတဲဝဲလၢ ‘ယကဃၣ်ကွံာ်ယမဲာ် လၢအဝဲသ့ၣ်အအိၣ်+ဒီးတၢ်ကကဲထီၣ်အသးဒီး အဝဲသ့ၣ် ဒ်လဲၣ်န့ၣ် ယကကွၢ်တထံၣ်.
အဝဲသ့ၣ်မ့ၢ် ပှၤတစိၤလၢ အအၢအသီ,+ဒီးမ့ၢ်ဖိလၢ အတတီဒီးယၤဘၣ်.+
၂၁ အဝဲသ့ၣ် ထိၣ်ဟူးထိၣ်ဂဲၤထီၣ် ယတၢ်သးဒိၣ် ခီဖျိ ဘူၣ်ထီၣ်ဘါထီၣ် တၢ်လၢအတမ့ၢ်ယွၤဘၣ် အဃိလီၤ.+
ဒီးအဝဲသ့ၣ် မၤဆါယသးခီဖျိ တၢ်ဂီၤတၢ်ဖှီၣ် လၢအဘျုးတအိၣ်ဘၣ်တဖၣ် အဃိလီၤ.+
အဃိ ယၤစ့ၢ်ကီး ယကထိၣ်ဟူးထိၣ်ဂဲၤထီၣ် အဝဲသ့ၣ် အတၢ်သးက့ၣ် ခီဖျိပှၤတဖၣ်လၢ အတမ့ၢ် ပှၤတကလုာ်ဘၣ်လီၤ.+
ဒီးယကမၤဆါအဝဲသ့ၣ် အသး ခီဖျိလၢ ပှၤတကလုာ်လၢ အတၢ်နၢ်ပၢၢ် တအိၣ်ဘၣ်လီၤ.”+
၂၂ ယတၢ်သးဒိၣ် ကကဲၤထီၣ် ဒ်မ့ၣ်အူအသိး+ကအူအီၣ်တၢ် တုၤလၢ တၢ်သွၣ်ခိၣ်* အပူၤယိာ်ယိာ်လီၤ.+
ဒီးကအီၣ်ကွံာ်ဝဲ ဟီၣ်ခိၣ် ဒီးတၢ်လၢအမဲထီၣ်သၣ်ထီၣ် လၢအပူၤတဖၣ်ဒီးကအီၣ်ကွံာ် ကစၢၢ်တဖၣ် အဂံၢ်ခီၣ်ထံးလီၤ.
၂၃ ယကမၤအါထီၣ် အဝဲသ့ၣ် အတၢ်ကီတၢ်ခဲဒီးယကခးအဝဲသ့ၣ်လၢ ယပျၢ်တဖၣ် တုၤလၢအလၢာ်လီၤ.
၂၄ အဝဲသ့ၣ် ကလီၤဘဲလီၤဘှး+ဒီးတၢ်လိၤကိၢ်ဒိၣ်ဒိၣ် ကအီၣ်အဝဲသ့ၣ် ဒီးအဝဲသ့ၣ်ကတုၤလၢတၢ်ဟးဂီၤ ခဲလၢာ်ခဲဆ့လီၤ.+
ယကဆှၢလီၤ ဆၣ်ဖိကီၢ်ဖိအမံၤ လၢအအိၣ်ဒီးအမဲဖးထီ+ဒီးတၢ်လၢ အဘျိၣ်လၢ ဟီၣ်ခိၣ်ကမူၣ်ကျါ လၢအအိၣ်ဒီး အစုၣ်အပျၢ်တဖၣ်လီၤ.
၂၅ ပှၤလၢအအိၣ်လၢ ဟံၣ်ချၢန့ၣ်+ အဝဲသ့ၣ်အဖိ ကသံလၢနးလီၤ.+
ပှၤမုၣ်ကနီၤဖိၣ်သၣ်ခွါ မ့ၢ်ဂ့ၤဖိသၣ်အီနုၢ် ဒီးပှၤသးပှၢ် လၢ အခိၣ်ဝါမ့ၢ်ဂ့ၤမ့ၢ်အိၣ်လၢ ဟံၣ်ပူၤနာ်က့ ကပျံၤတၢ်ဖုးတၢ်လီၤ.+
၂၆ ယဘူးကတဲလၢ “ယကမၤလီၤပြံလီၤပြါ အဝဲသ့ၣ်တုၤလၢ ပှၤတသ့ၣ်နီၣ်ထီၣ် အဝဲသ့ၣ် နီတဘျီလၢၤဘၣ်.”
၂၇ ဘၣ်ဆၣ် ယဘၣ်ယိၣ်တၢ်လၢ ဒုၣ်ဒါတဖၣ်+ကနၢ်ပၢၢ်ကမၣ်ဘၣ်ဖုး+ဒီးအဝဲသ့ၣ် ကတဲဘၣ်ဖုးလၢ “ပဝဲဒၣ်အံၤ ပမၤနၢၤတၢ် လၢပနီၢ်ကစၢ် အဂံၢ်အဘါအဃိ+ဒီးတမ့ၢ်လၢ ယဟိဝၤယွၤ မၤဝဲ ဒ်အံၤဘၣ်.”
၂၈ အံၣ်စရ့လးမ့ၢ် ပှၤတကလုာ်လၢ အတၢ်ကူၣ်တၢ်ဆးဒီးအတၢ်သ့ၣ်ညါနၢ်ပၢၢ် တအိၣ်ဘၣ်.+
၂၉ အဝဲသ့ၣ် မ့ၢ်အိၣ်ဒီး တၢ်ကူၣ်သ့န့ၣ်+ အဝဲသ့ၣ် ကဆိကမိၣ်ထံ တၢ်ဂ့ၢ်အံၤ+ဒီးကဆိကမိၣ်ဝဲ တၢ်လၢ အကကဲထီၣ်အသး ဒီးအဝဲသ့ၣ်လီၤ.+
၃၀ မ့တမ့ၢ်လၢ အဝဲသ့ၣ်အလၢၢ် ပာ်တ့ၢ်ကွံာ် အဝဲသ့ၣ်+ဒီးယဟိဝၤယွၤ ဟ့ၣ်လီၤ အဝဲသ့ၣ်လၢ အဒုၣ်အဒါ အစုပူၤ အဃိဘၣ်န့ၣ်ပှၤတဂၤ လူၤပှၤအဂၤ ၁,၀၀၀ဒီးပှၤခံဂၤ ဒုးဃ့ၢ်ကွံာ် ပှၤအဂၤ ၁၀,၀၀၀ ကသ့ဒ်လဲၣ်.+
၃၁ ပဒုၣ်ပဒါတဖၣ် နၢ်ပၢၢ်ဝဲလၢ+အဝဲသ့ၣ် အလၢၢ်န့ၣ် တဒ်သိးဒီး ပလၢၢ်ဘၣ်.+
၃၂ အံၣ်စရ့လး အစပံးမုၢ်န့ၣ် လီၤဂာ်ဒီး စဒိၣ် အစပံးမုၢ်လၢဂမိရၤ အပျီပူၤလီၤ.+
အဝဲသ့ၣ် အစပံးသၣ်တဖၣ် အိၣ်ဒီးအစုၣ်ဒီးအဝဲသ့ၣ်အစပံးချုၣ်တဖၣ်န့ၣ် ခၣ်ဝဲလီၤ.+
၃၃ အဝဲသ့ၣ် အစပံးထံန့ၣ် မ့ၢ်ဝဲဂုၢ်အၢအစုၣ်ဒီးဂုၢ်သီအစုၣ်အၢလီၤ.
၃၄ ယကစဲပနီၣ်ဃာ် အဝဲသ့ၣ် အတၢ်မၤတဖၣ်ဒီးယကပာ်ဃာ်အီၤလၢ ယတၢ်ပာ်ဖှိၣ်တၢ် အလီၢ်လီၤ.+
၃၅ တၢ်ဟ့ၣ်ကၣ် ဒီးတၢ်မၤဆၢက့ၤတၢ်န့ၣ် မ့ၢ်ယတၢ်အဃိ+အခါမ့ၢ်ဘၣ်န့ၣ် အဝဲသ့ၣ်အခီၣ် ကတပျာ်လီၤ.+
မုၢ်နံၤလၢ အဝဲသ့ၣ် ကဘၣ်ကီဘၣ်ခဲန့ၣ် ဟဲဘူးထီၣ်လံဒီးတၢ်လၢ အအိၣ်ခိး အဝဲသ့ၣ်အခိၣ်န့ၣ် ကဟဲဝဲချ့ချ့လီၤ.’
၃၆ ဖဲကစၢ်ယွၤ ထံၣ်ဝဲလၢ အဝဲသ့ၣ် အဂံၢ်ဘါလီၤစၢ်ဒီးအိၣ်တ့ၢ်က့ၤထဲ ပှၤလၢအပတီၢ်ဖုၣ်ကတၢၢ် ဒီးလၢအဂံၢ်စၢ်တဖၣ်အခါယဟိဝၤယွၤ ကစံၣ်ညီၣ်န့ၢ်တၢ်လၢ အပှၤဂီၢ်မုၢ်အဂီၢ်+ဒီးအကသးကညီၤဘၣ် အခ့အပှၤတဖၣ်လီၤ.+
၃၇ ဒီးကစၢ်ယွၤ ကသံကွၢ်ဝဲလၢ ‘အဝဲသ့ၣ် အယွၤတဖၣ်+လၢအမ့ၢ် လၢၢ်လၢ အဝဲသ့ၣ်နာ်န့ၢ်ဝဲန့ၣ် အအိၣ်ဖဲလဲၣ်.
၃၈ ယွၤတဖၣ်လၢအအီၣ် အဝဲသ့ၣ် အတၢ်လုၢ် အသိအချါဒီးအအီ အဝဲသ့ၣ်အစပံးထံ လၢအလုၢ်ထီၣ်ဝဲန့ၣ် အိၣ်ဖဲလဲၣ်.+
မၢယွၤတဖၣ်အံၤ ဆၢထၢၣ်မၤစၢၤဒီးမၤပူၤဖျဲးသုတက့ၢ်.
၃၉ ကွၢ်မီၤ, ယမ့ၢ်ကစၢ်ယွၤ+ဒီးယွၤအဂၤတအိၣ် နီတဂၤဘၣ်.+
ယမၤသံတၢ် ဒီးယမၤမူတၢ်သ့+ယမၤဆါတၢ်+ ဒီးယကမၤဘျါ တၢ်လီၤ.+
ပှၤမၤပူၤဖျဲးပှၤလၢ ယစုပူၤ တသ့နီတဂၤဘၣ်.+
၄၀ ယယူာ်ထီၣ်ယစု လၢမူခိၣ်ဒီးယအၢၣ်လီၤလၢ “ဒ်ယအိၣ်မူယဲ လီၤထူလီၤယိာ်အသိး”+
၄၁ ယကကျ့အ့ၣ်ထီၣ် ယနးလၢ အကပြုၢ်ကပြီၤတဘ့ၣ် အကနၣ်ဒီးယကကတဲာ်ကတီၤထီၣ် ယသးလၢ ယကစံၣ်ညီၣ်တၢ်အဂီၢ်+ယကဟ့ၣ်ကၣ်က့ၤ ယဒုၣ်ယဒါတဖၣ်+ဒီးယကမၤဆၢက့ၤ ပှၤလၢအသးဟ့ယၤလီၤ.
၄၂ ယကဒုးအီမူၤ ယပျၢ်တဖၣ် လၢတၢ်သွံၣ်,ဒီးယနးကအီၣ် တၢ်ညၣ်ဃုာ်ဒီး ပှၤလၢ အဘၣ်တၢ်မၤသံအီၤ ဒီးပှၤလၢ အဘၣ်တၢ်ဖီၣ်န့ၢ်အီၣ်တဖၣ် အသွံၣ်ဒီးဒုၣ်ဒါအခိၣ်အနၢ်တဖၣ် အခိၣ်သၣ်ဃံလီၤ.’
၄၃ ပှၤကလုာ်တဖၣ်လၢ အိၣ်ဒီး ယွၤအပှၤဂီၢ်မုၢ်သ့ၣ်ဧၢ, သးခုတက့ၢ်.+
အဝဲကမၤကၣ်တၢ်လၢ အခ့အပှၤတဖၣ် အသွံၣ်အဂီၢ်,+အဝဲကဟ့ၣ်ကၣ် အဒုၣ်အဒါတဖၣ်+ဒီးအဝဲ ကမၤကဆှီထီၣ်က့ၤ တၢ်ဒဲးဘးလၢ အအိၣ်လၢ အပှၤဂီၢ်မုၢ် အကီၢ်ပူၤလီၤ.”
၄၄ စီၤမိၤၡ့ ဒီးစီၤနိၣ်အဖိခွါ စီၤဟိၤၡ့* ဟဲဝဲ ဒီးစီၤမိၤၡ့+ တဲဖျါထီၣ်န့ၢ် ပှၤဂီၢ်မုၢ်တဖၣ် လၢတၢ်သးဝံၣ် တယုၢ်အံၤလီၤ.+
၄၅ ဖဲစီၤမိၤၡ့ တဲဝဲ ပှၤအံၣ်စရ့လးဖိတဖၣ်လၢ တၢ်ကတိၤတဖၣ်အံၤ ဝံၤဝဲခဲလၢာ်အခါ
၄၆ အဝဲတဲအဝဲသ့ၣ်လၢ “တၢ်ကတိၤလၢ ယဟ့ၣ်ပလီၢ်သု လၢတနံၤအံၤန့ၣ် တိၢ်နီၣ်ဃာ်အီၤ လၢသုသးပူၤခဲလၢာ်တက့ၢ်.+ သုကဘၣ်မၤဒ်န့ၣ် ဒ်သိးသုသိၣ်လိ သုဖိတဖၣ်လၢ ကမၤထွဲဝဲ တၢ်ကတိၤလၢ အအိၣ်လၢ တၢ်သိၣ်တၢ်သီအံၤ* အပူၤခဲလၢာ် ကသ့အဂီၢ်လီၤ.+
၄၇ တၢ်ကတိၤတဖၣ်အံၤ တမ့ၢ် တၢ်ကလီကလီဘၣ်, အမ့ၢ်ဝဲ တၢ်လၢအကဟ့ၣ်သု တၢ်မူလီၤ.+ ဒီးသုမ့ၢ်ဒိကနၣ် တၢ်ကတိၤတဖၣ်အံၤန့ၣ် ဖဲသုလဲၤခီဂာ် ထံကျိယၢ်ဒ့ၣ် ဒီးမၤန့ၢ်ထံကီၢ်ဝံၤအလီၢ်ခံ သုကအိၣ်မူဘၣ်လၢ အပူၤဖးယံာ်လီၤ.”
၄၈ ဖဲတၢ်တနံၤဃီန့ၣ် ယဟိဝၤယွၤ တဲစီၤမိၤၡ့လၢ
၄၉ “လဲၤထီၣ်လၢ ဧဘါရံၣ် အကစၢၢ်+ တုၤလၢ နဘိအဒီခိၣ်+ ဒီးကွၢ်စိလီၤ ကီၢ်ကနၤဧၣ်လၢ ယကဟ့ၣ်လီၤ ပှၤအံၣ်စရ့လးဖိ ဒ်တၢ်န့ၢ်သါအသိးတက့ၢ်. ကစၢၢ်အံၤ အိၣ်ဝဲလၢ ကီၢ်မိၤအးအပူၤ လၢဝ့ၢ်ယရံၤဃိ အမဲာ်ညါလီၤ.+
၅၀ နကသံလၢ ကစၢၢ်လၢ နကလဲၤထီၣ်အီၤတဖျၢၣ်အံၤ အလိၤ ဒ်နဒီပုၢ်ဝဲၢ်ခွါ စီၤအၤဟရိၣ် သံလၢ ကစၢၢ်ဃိၢ်အသိး,+
၅၁ မ့ၢ်လၢ ဖဲထံလၢမရံၤဘါ*+ လၢအအိၣ်လၢကၤဒ့ၣ် လၢစံၣ် အပှၢ်မုၢ်ကနၢပူၤန့ၣ် သုခံဂၤလၢာ်တတီဒီးယၤဘၣ် အဃိလီၤ. ဒီးဖဲန့ၣ်န့ၣ် သုတပာ်စီဆှံယၤ လၢပှၤအံၣ်စရ့လးဖိတဖၣ် အမဲာ်ညါဘၣ်.+
၅၂ ကီၢ်လၢ ယကဟ့ၣ်လီၤ ပှၤအံၣ်စရ့လးဖိတဖၣ်န့ၣ် နကထံၣ်စိအီၤ လၢအယံၤ ဘၣ်ဆၣ် နတလဲၤနုာ်ဘၣ် လၢအပူၤဘၣ်.”+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “လၢၢ်မ့ၣ်.”
^ အခီပညီမ့ၢ်ဝဲ “ပှၤလၢ အသူၣ်တီသးလိၤ.” မ့ၢ်ဝဲ မံၤလၤသၣ်ကပီၤလၢ ပှၤအံၣ်စရ့လးဖိအဂီၢ်.
^ လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
^ မ့ၢ်ဝဲ စီၤယိၤၡူအမံၤလၢညါ.
^ မ့ၢ်ဝဲ စီၤမိၤၡ့အတၢ်သိၣ်တၢ်သီ.
^ အခီပညီမ့ၢ်ဝဲ “တၢ်တဲအါတၢ်.”
