Ee, Bambangi ya Yehova kendimaka bilongo mpe lusadusu ya minganga. Atako beto kesalaka ngolo samu na kutanina banzutu na beto mpe kuvuanda na mavimpi ya mbote, na bantangu yankaka beto “kevuandaka na nsatu ya munganga.” (Luka 5:31, Bible na Kituba) Ya kedika, mutindu mosi na Luka yina vuandaka Muklisto na siekle ya ntete, Bambangi ya Yehova yankaka kele minganga.—Bakolose 4:14.

 Nzokande, batretema yankaka yina minganga kepesaka kevuandaka ve na nguizani na bansikudukusu ya Biblia, mpe beto kemangaka batretema yango. Na kifuani, beto kemangaka bavutusa beto menga samu Biblia mepekisa kusadila menga samu na kusadisa nzutu. (Misala 15:20) Mutindu mosi, Biblia mepekisa diaka kubaka tretema yina kelombaka basadila bisalu ya bampeve ya yimbi.—Bagalatia 5:19-21.

 Nzokande, batretema mingi yina minganga kepesaka kebukaka ve bansikudukusu ya Biblia. Na yau, konso muntu keponaka tretema yina yandi kendima kusadila. Mbangi ya Yehova mosi lenda ndima bilongo to tretema mosi ya minganga, nzokande Mbangi ya Yehova yankaka lenda manga yau.—Bagalatia 6:5.