Kana beto zola kusepedisa Yehova, beto fueti kuwa muntu yankaka ya mfunu mingi. Ntangu mingi tekila yandi sema Adamu, Yehova semaka mbasi mosi ya ngolo na dizulu.

Na manima, Yehova tindaka mbasi yango kuiza butuka awa na ntoto, na Beteleme, na nketo mosi yina zabaka bakala ve, nkumbu na yandi Maria. Muana yango bakaka nkumbu ya Yesu.​—Yoane 6:38.

Ntangu yandi vuandaka muntu awa na ntoto, Yesu monisaka na mutindu ya kukoka bikadulu ya Nzambi. Yandi vuandaka muntu ya mbote, ya nzola mpe yina kezolaka kusolola na muntu nionso. Yandi longaka bantu kedika yina metadila Yehova kukondua wonga.

Yesu mpe belusaka bantu ya maladi mpe futumunaka bantu ya kufua.

Bamfumu ya mabundu bayinaka Yesu samu yandi bundulaka malongi na bau ya luvunu mpe bisalu na bau ya yimbi.

Bamfumu ya mabundu ndimisaka Baloma samu na babula Yesu mpe bakufua yandi.