Konso mvula, Bambangi ya Yehova mpe bamilion ya bantu yina bakebokidisaka na yinza ya mvimba kesanganaka samu na kusala Mbambukulu ya lufua ya Yesu, mutindu kaka yandi pesaka ntumu. (Luka 22:19) Nkinzi yango kesadisa beto beto bakusa mfunu ya diambu yina Yesu salaka ntangu yandi pesaka luzingu na yandi samu na bantu. Yakemonisa diaka yina nkayilu na yandi lenda monisa samu na beto—banda bubu yayi mpe na bilumbu kena kuiza.—Yoane 3:16.

 Ata kana nge kevuanda na Mbambukulu mvula yayi to ve, yinki mutindu nge lenda baka mambote na nzila ya nkayilu ya lufua ya Yesu? Yesu longaka ti beto fueti sala mambu zole ya mfunu:

1.  1. Kulonguka Nzambi mpe Yesu. Na kisambu yina yandi salaka na Tata na yandi ya dizulu, Yesu tubaka: ‘Yayi zola monisa luzingu ya mvula na mvula, balonguka kuzaba nge, Nzambi mosi kaka ya kedika, mpe muntu yina nge tindaka, Yesu Klisto.’—Yoane 17:3.

2.  2. Sadila mambu yina nge kena kulonguka. Yesu monisaka ti beto fueti sadila malongi na yandi na luzingu na beto. Na kifuani, yandi sukisaka disolo na yandi na zulu ya mongo yina mezabana mingi na kupesaka felisitasion na konso muntu yina ‘kena kuwa bampova [na yandi], mpe kena sadila yau.’ (Luka 6:46-48) Mutindu mosi, na diluaku yankaka, yandi tubaka: ‘Kana beno mezaba mambu yayi, beno kevuanda na kiese kana beno kena kusala yau.’—Yoane 13:17.

 Nge kesepela kulonguka mambu mingi samu na Nzambi mpe Yesu? Nge kesepela kubaka malongi samu na mutindu ya kusala samu na mambu yina nge kena kulonguka? Tala ndambu ya mambu yina lenda sadisa nge.

 Ndongokolo na beto ya Biblia ya ofele sadisaka bantu mingi samu na kuzaba Biblia mpe kusadila mambu yina yametuba na luzingu na bau.

•   Tala paje ndongokolo ya Biblia yina kena kutuadusua samu na kulonguka mambu metadila programe yango.

•   Tala video Boyei malamu na boyekoli na yo ya Biblia samu na kumona yina zola monisa kulonguka Biblia na Bambangi ya Yehova.

 Bambangi ya Yehova kekutakanaka kintuadi mbala zole konso sabala na kisika na bau ya nsambudulu yina mezabana na nkumbu ya Yinzo ya Kimfumu. Na balukutakanu yango, beto ketubilaka Biblia mpe mutindu ya kusadila malongi na yau na luzingu na beto.

 Balukutakanu yango kele samu na bantu nionso; yakena kulomba ve nge vuanda kaka Mbangi ya Yehova samu na kukutakana. Na kutadila mutindu mambu kele na kisika nge kevuandaka, nge lenda vuanda na dikoki ya kukutakana na yinzo ya Kimfumu to na zoom.

•   Tala video Yinki mambu kesalamaka na Yinzo ya Kimfumu? samu na kumona mambu yina nge kekuta na balukutakanu yango.

•   Sosa kumona lukutakanu mosi na kisika nge kevuandaka na kutalaka paje balukutakanu ya kimvuka ya Bambangi ya Yehova.

 Masolo mpe bavideo mingi yina kele na site yayi lenda sadisa nge nge longuka mambu mingi yina metadila malongi ya Yesu mpe mfunu ya nkayilu ya lufua na yandi.

 Na kifuani, kulonguka mutindu lufua ya muntu kaka mosi lenda nata mambote na bamilion ya bantu, tanga disolo “Ndenge nini Yesu abikisi biso?” mpe “Mpo na nini Yesu anyokwamaki mpe akufaki?” to tala video Samu na yinki Yesu kufuaka?