Bantu fioti kaka kesalaka mambu na mutindu yina mebonga. Bantu ya maladi yina mekondua luzitu keteminaka minganga na bau; bakliyan yina mekondua luzitu na barestoran keteminaka bantu yina kesalaka na barestoran yango; bantu yina kekotaka na bantomabilu bakefingaka bantu yina kena kunata bantomabilu yango; bana ya kinkesi kevuezaka, kebulaka mpe kenuanisaka banlongisi na bau; bantu yankaka ya politiki kesalaka mambu ya yimbi mpenza nzokande bantu yankaka ya politiki kesosaka kumonisa ti bakele bantu yina mebonga.

 Biblia kele kima yina mebonga samu na kumonisa mutindu bikadulu yina mebonga fueti vuanda. Yakena kusasila diaka mfunu yina bantu kena kusala ve mambu na mutindu yina mebonga bubu yayi.

 Kukondua kusala mambu na mutindu yina mebonga, kukondua bikadulu ya mbote mpe kukondua makanisi ya mbote, kena kumonana na yinza ya mvimba.

•   Na kutadila Lapolo mosi yina mekatuka kusalama, bantu ya Amérique memonisa ti bubu yayi kuvuanda na bikadulu ya mbote na États-Unis mekita mingi kuluta mutindu yavuandaka na bamvula 22 yayi mekatuka kuluta.

•   Bayuvusaka diaka bantu kuluta 32 000 ya babuala 28; 65 % ya bantu tubaka ti bubu yayi kukondua kusala mambu na mutindu yina mebonga kena kumonana na mutindu ya yimbi kuluta mutindu yavuandaka monana.

 Biblia tubilaka bikadulu ya bantu yina beto kena kumona bubu yayi.

•   “Yakevuanda na bantangu ya mpasi na bilumbu ya nsuka. Bantu kevuanda bantu ya muyimi, bantu kekukikumisaka, bantu ya lulendo mpe yina kesosaka bakumisa bau; bakevuanda bantu yina kefingaka, bantu yina mekondua luzitu na bibuti na bau, bantu yina mekondua butondi, . . . bantu yina mekondua kimpombo, [mpe] bantu ya kinkesi.”—2 Timote 3:1-3, Good News Translation.

 Samu na kuzaba mambu yankaka samu na mutindu mbikudulu yango kena kukokisama, tanga disolo “Biblia esakolaki makambo oyo bato bazali kokanisa mpe kosala lelo oyo?”

 Na yinza yayi kena kukondua kikadulu ya kusala mambu na mutindu yina mebonga, bamilion ya bantu memona ti Biblia kele kima yina mebonga samu na kusadisa bantu na kuvuanda na bikadulu ya mbote. Malongi na yau yina metadila bikadulu ya mbote “mebonga kutudila yau ntima ntangu nionso, bubu yayi mpe samu na mvimba mvimba.” (Nzembo 111:8) Beto tadila ndambu ya bifuani:

•   Yina Biblia metuba: “Mambu nionso yina beno kezolaka bantu sadila beno, beno diaka beno fueti sadila bau yau.”—Matai 7:12.

   Nsasulu: Beto fueti sadila bantu mambu na kimpombo mpe na luzitu, mutindu kaka beto kezolaka basadila beto mambu.

•   Yina Biblia metuba: “Ntangu yayi lokola beno meloza luvunu, beno tubaka kedika mosimosi na beno na finangani na yandi.”—Baefese 4:25.

   Nsasulu: Beto fueti vuanda ya kukuikama na mambu nionso yina beto ketubaka mpe yina beto kesalaka.

 Samu na kuzaba mambu yankaka samu na disolo yayi, tomelomba nge nge tanga:

•   Linɔ́ngi ya Mosɛnzɛli yina kele na yintu ya diambu “Mabe ná malamu—Nini ekosalisa yo osala bokeseni?”

•   Disolo “Kubika muntu sala yina yandi zola—Mutindu Biblia lenda sadisa.”