BENO TATAMANA KUKENGA!
Nsambudulu ya biteke—Yinki Biblia metuba?
Lapolo ya the Catholic News Service, metuba ti na nkinzi mosi yina vuandaka luta na yinzo ya Nzambi ya nene ya St. Pierre yina salamaka na kilumbu ya 25 Mars 2022, Pape François telemaka na ntuala ya kiteke ya Maria “meso na yandi ya kukangama, yintu na yinsi, mpe yandi vuandaka sala kisambu na yinsi ya ntima.” Yandi “vuandaka lomba na Maria” yandi pesa bau kiyenge. Lapolo mosi ya yimpa ya Vatican mebuela diaka ti “Pape vuandaka sambila samu na kuyekula na ntima ya Maria yina kele ya kuvedila diambu metadila bantu, mingimingi samu na Russie mpe Ukraine.”
Yinki nge mekanisa? Yakele mbote kusambila na ntuala ya biteke to kusadila yau na nsambudulu? Beto tadila baverse yayi melanda ya Biblia:
‘Nge fueti kukisadila ve kiteke to kima mosi yina mekokana na konso kima yina kele na dizulu to na ntoto to na maza yina kele na yinsi ya ntoto. Nge fueti fukamina yau ve to kubendama samu na kusadila yau, samu Munu, Yehova Nzambi na nge, munu kele Nzambi yina kelombaka ti bakangama kaka na yandi.’—Kubasika 20:4, 5. a
‘Biteke na bau kele palata mpe wolo, kisalu ya maboko ya muntu. Yakele na yinua, kasi yaketubaka ve; yakele na meso, kasi yakemonaka ve; yakele na makutu, kasi yakekuwaka ve; yakele na mbombo, kasi yakekuwaka ve nsudi; yakele na maboko, kasi yakesimbaka ve; yakele na makulu, kasi yaketambulaka ve; kingodinga na yau kebimisaka ve ndinga. Bantu yina kesalaka yau kekuma lokola yau, bayina nionso mpe ketudilaka yau ntima kekuma lokola yau.’—Nkunga 115:4-8.
‘Munu kele Yehova. Yau nde nkumbu na munu; Munu kepesaka ve nkembo na munu na muntu yankaka, Munu kepesaka mpe ve lokumu na munu na biteke.’—Yezaya 42:8, noti na yinsi ya paje.
‘Beno tina nsambudulu ya biteke.’—1 Bakorinto 10:14.
‘Beno keba na biteke.’—1 Yoane 5:21.
Samu na kuzaba mambu yankaka yina Biblia metuba na diambu metadila kusadila biteke na nsambudulu, tanga disolo “Point de vue de la Bible—Images” to tala video Nzambe alingaka tósalela bililingi to bikeko mpo na kosambela ye?
Nge lenda sepela diaka na mambu yina Biblia metuba samu na masolo yayi:
Kisika foto mekatuka: Vincenzo Pinto/AFP via Getty Images
a Yehova kele nkumbu ya Nzambi. (Nkumbu 83:18) Tala disolo “Yehova azali nani?”
Tala diaka...
MAMBU YANKAKA
Dibundu fueti kukikotisa na mambu ya politiki?
Na yinza, bantu mingi yina ketubaka ti bakelandaka Yesu Klisto kekukikotisaka mpenza na mambu ya politiki. Bafueti kukikotisa na politiki?
BENO TATAMANA KUKENGA!
Mabundu mpe mvita na Ukraine—Yinki Biblia metuba?
Bamfumu ya mabundu ya babuala nionso zole yina kena kunuana kena kusadila bupusi yina bakele na yau na mutindu ya kusuasana na yina Yesu longaka banlonguki na yandi na yina metadila yina bafueti sala mpe yina bafueti manga kusala.
MALONGI YA BIBLIA
Meka ndongokolo na beto ya Biblia
Banda ndongokolo ya Biblia ya ofele na wola mpe kisika yina nge kepona.
