Wantu ke betoma zitisanga diaka akaka ko, muna diadi avo muntu osongele luzitu kwa akaka wantu betoma sivikanga.

Muna bonga e nona, wantu ayingi ke betoma zitisanga diaka muntu yo nkwandi ko, mase mau, anunu, mapolisia, mfumu za salu ye alongi. Kuna diaka e sambu, e mvovo mia lutiangu mitoma sadilwanga muna TV, muna radio, internete ye zulunalu. Longi dimosi muna zulunalu Harvard Business Review diavova vo, e fu kia kondwa luzitu “mu wokela kaka kina.” E zulunalu yavova diaka vo, e nsangu za wantu “bekondwanga luzitu mu wokela kaka zina.”