Wantete wa Petelo 5:1-14
5 Wau vo omono mpe i nkuluntu ye mbangi a mpasi za Kristu, ngina mpe ntwadi muna nkembo una usinga sengomonua,+ edi ndombele kw’akuluntu vovo nuina:
2 Nuvungula e kambi dia Nzambi+ dina nuavewa, nusalanga se akengi,* ke mu komekenua ko, kansi kuna mvevo vana ndose a Nzambi;+ ke mu vava nluta mu mpila yambi ko,+ kansi ye nsi a ntima wawonso;
3 ke nudiatidila ko awana bena se vua dia Nzambi,+ kansi nukala kaka se mbandu kwa kambi.+
4 Vava mvungudi ambuta+ kesengomoka, nutambula kolowa a nkembo ilembi fwasakana.+
5 Diau dimosi mpe, yeno matoko, nusakalela ambuta.*+ Kansi yeno awonso nuvuata lulembamu vana vena muntu yo nkwandi, e kuma kadi Nzambi osianga akwa lulendo kitantu, kansi ovananga e nsambu kwa alembami.+
6 Dianu vo, nuyisakidika kuna nsi a koko kwankuma kwa Nzambi, kimana kanutundidika muna ntangwa ifwene,+
7 ekolo nuyekekanga kwa yandi mawonso mekunutokanesanga,+ kadi mfunu kekunuvuanga.+
8 Nulungalala, nuyingila!+ O mbeni eno Nkadi ampemba ozietanga nze nkosi ankwiti, kenda vavi ndiona kevempola.+
9 Kansi nunsia kitantu yo lukwikilu lwasikila,+ wau nuzeye wo vo mpasi zau zimosi ziluakilanga mpangi zeno zawonso omu nza.+
10 Kansi avo numwene mpasi mu kolo kiandwelo, o Nzambi a nsambu zawonso, ona wanubokela muna nkembo+ andi a mvu ya mvu muna Kristu, yandi kibeni okunukubika. Okunusikidisa,+ okunukumika+ yo toma kunusiamisa.
11 Kuna kwa yandi i kwina nkuma wa mvu ya mvu. Amen.
12 Muna Silwano*+ ona yibadikilanga vo mpangi a kwikizi, inusonekene mambu makete muna kunukasakesa yo kunusila umbangi vo e zazi i nsambu zakieleka za Nzambi. Nusikila mo.
13 E nsanga* ona wina muna Babele, ona wasolwa nze yeno, unutumini mavimpi, yo Maku+ mpe wa mwan’ame.
14 Nukayisa muntu yo nkwandi kuna ngemba.*
Yambula o luvuvamu lwakala yo yeno awonso luna muna Kristu.
Mvovo vana yand'a lukaya
^ Yovo “nutoma dio kengelanga.”
^ Yovo “akuluntu.”
^ Oyikilwanga mpe vo Sila.
^ Dilenda kala vo nkutakani uyikanga.
^ Mvovo wa sina: “ye mfib’a nzola.”
