Wanzole wa Samuele 15:1-37
15 Kuna kwalanda, Abesalome okubikidi e kalu ye mvalu ye 50 ma wantu kimana batikuna kuna ntwal’andi.+
2 Abesalome wasikamanga muna mene-meme yo telama vana mbel’a nzil’a vitu dia mbanza.+ Konso muntu wanatanga diambu difwete fundiswa kwa ntinu,+ Abesalome wambokelanga yo kunyuvula vo: “Nkia mbanza otukidi?” Wavutulanga vo: “Selo kiaku musi kanda dimosi dia Isaele.”
3 Abesalome wamvovesanga vo: “Tala, e diambu diaku diambote ye diansongi, kansi ke vena muntu ko watumbikwa kwa ntinu owa e diambu diaku.”
4 Abesalome wavovanga vo: “Ekwe kele vo yatumbikwa se mfundisi mu nsi! Ozevo, konso muntu una ye diambu yovo mfundu, wadi kwiza kwa mono yo zenga diambu diandi kuna unsongi.”
5 Vava muntu kamfinamanga muna kumvumbamena, Abesalome walambulanga koko, wansimbanga yo kumfiba.+
6 Abesalome i wau kavanganga kwa Aneyisaele awonso bayizanga ye mfundu kwa ntinu; muna mpila yayi Abesalome wayiyanga e ntima mia wan’a Isaele.+
7 Kuna mfoko a mvu yá,* Abesalome ovovese ntinu vo: “Dodokolo, yambula ngienda lunganisa e nsilu una yasila Yave kuna Keberone.+
8 Kadi ntaudi aku wasia nsilu+ vava kakala kuna Ngesu+ a Suria vo: ‘Avo Yave umvutwidi kuna Yerusaleme, ivana lukau* kwa Yave.’”
9 O ntinu umvovese vo: “Wendela kuna luvuvamu.” Otelamene, wele kuna Keberone.
10 Abesalome otwikidi alangi muna makanda mawonso ma Isaele, oku vo: “Vava nuwá e zú dia mpungi, nuvova vo, ‘Abesalome okitukidi se ntinu muna Keberone!’”+
11 E 200 za esi Yerusaleme ana bayenda yo Abesalome; wau babokeleswa, kiyendi-kiyendi kaka bayenda, lembi zaya dina diavangamanga.
12 Vana ntandu, vava Abesalome kakela yimenga, obokelese Akitofele+ wa musi Ngilo wa nludiki a Davidi,+ tuka kuna mbanz’andi Ngilo.+ E mfulu bavuende isikidi, o lutangu lwa nkangu wayikama Abesalome luwokele kikilu.+
13 I bosi, nati a nsangu wizidi kwa Davidi, ovovele vo: “E ntima mia wan’a Isaele mivilukidi kuna sambu dia Abesalome.”
14 Vana vau, Davidi ovovese selo yawonso kakala yau kuna Yerusaleme, oku vo: “Tutelama twatina,+ kadi ke vena muntu ko ovuka vana moko ma Abesalome! Nuzabuka, kadi avo utubakidi okutubukumuna yo fwasa e mbanza muna nsosolo!”+
15 E selo ya ntinu bamvutwidi vo: “E selo yaku yakubama mu vanga konso dina kevova o mfumu eto wa ntinu.”+
16 Dianu vo, ntinu ovaikidi, esi nzo andi awonso banlende, kansi osisidi makangu mandi kumi,+ kimana balangidila e nzo.*
17 O ntinu ovaikidi, nkangu wawonso unlende, bele ningama kuna Bete-merake.
18 E selo yandi yawonso bele yandi,* Akerete awonso, Apelete+ ye Angati,+ 600 za wantu banlende tuka kuna Ngati,+ baviokanga vana vena ntinu ekolo kabafimpanga.*
19 O ntinu ovovese Itai+ wa Ngati vo: “Ekuma ofwete kwendela yeto? Vutuka, wakala ye ntinu ampa, kadi u nzenza kwaku, u nyaluki muna nsi aku.
20 Zono kwaku walweke, nga o unu mfwete kukitula se nyungani vava tuna? Ekuma ofwete kwendela konso kuna ikwenda yo kala konso kuna ikala e? Vutuka, nata e mpangi zaku, yambula Yave kasonga walakazi ye ziku.”+
21 Kansi, Itai ovovele kwa ntinu vo: “Ndidi e ndofi muna Yave wa Nzambi amoyo, yamuna moyo aku e ntinu, konso fulu kina kikala o mfumu ame wa ntinu, kana mu lufwa yovo mu moyo, i kûna mpe kukala selo kiaku!”+
22 Muna diadi, Davidi ovovese Itai+ vo: “Sauka.” Itai osaukidi ye nkangu andi wawonso ye yingiana-ngiana.
23 Awonso muna zunga kiakina bakaza yo dila ekolo nkangu wawonso wasaukanga, o ntinu watelama vana Ndimb’a Kiderone;+ nkangu wawonso wasaukanga muna nzil’a makanga.
24 Sadoke+ wakala vâna ye Anelevi+ awonso ana banatanga nkel’a+ kangu dia Nzambi aludi;+ basidi e nkel’a kangu dia Nzambi aludi vana ntoto; Abiata+ otombokele, ekolo nkangu wawonso wamana vaika muna mbanza yo sauka.
25 Kansi ntinu ovovese Sadoke vo: “Vutula Nkel’a Nzambi aludi muna mbanza.+ Avo mbweno dienga vana meso ma Yave, okumputula yo kungiambula yamona diaka e nkela ye fulu kiandi.+
26 Avo ovovele vo ‘kiyangalele ko,’ yambula kampanga konso edi diambote vana meso mandi.”
27 O ntinu ovovese Sadoke wa nganga vo: “Ongeye nga ku moni ko e?+ Wenda kiambote, vutuka kuna mbanza, lunata wan’eno wole, Akimasi wa mwan’aku yo Yonatane+ wa mwan’a Abiata.
28 Tala, se yavingila muna masau ma makanga yavana nukuntwikila nsangu.”+
29 Sadoke yo Abiata bavutukidi ye Nkel’a Nzambi aludi kuna Yerusaleme, bakedi kûna.
30 Davidi otombokele kuna Mongo a Olive,+ wele adidi; ofukidi ntu yo kwenda tomboki kondwa kwa nsampatu. Nkangu wawonso mpe wakala yandi ufukidi e ntu yo dila ekolo batombokanga.
31 Davidi ozayisu vo: “Akitofele una vana vena awana bavuende mfulu+ yo Abesalome.”+ Davidi ovovele vo: “E Yave+ dodokolo, kitula luludiku lwa Akitofele nze lwa zowa.”+
32 Davidi vava kalweke vana mbat’a mongo, vana nkangu basambidilanga Nzambi, Kusai+ wa Nyareka+ wizidi kunkika ye kinkutu kiandi kiatiazuka ye ntoto vana ntu andi.
33 Davidi umvovese vo: “Avo osaukidi yame, okala se zitu kwa mono.
34 Kansi, avo ovutukidi kuna mbanza yo vovesa Abesalome vo, ‘E Ntinu i selo kiaku. Una yateka kadila selo kia se diaku i una ikadila selo kiaku,’+ ozevo, okumfungisila luludiku lwa Akitofele.+
35 Anganga, Sadoke yo Abiata, bekala yaku kûna. Zayisa kwa Sadoke yo Abiata mawonso owá muna nzo a ntinu.+
36 Tala, bena yo wan’au wole, Akimasi+ wa mwan’a Sadoke yo Yonatane+ wa mwan’a Abiata, yau bekuntwasila nsangu za mambu mawonso nuwá.”
37 Kusai wa nkundi a Davidi,*+ olweke muna mbanza wau Abesalome kakotele muna Yerusaleme.
Mvovo vana yand'a lukaya
^ Nanga, “mvu 40.”
^ Yovo “isambila.” Mvovo wa sina: “isadila.”
^ Yovo “lûmbu.”
^ Yovo “basaukidi vana ndambu andi.”
^ Yovo “basaukidinge vana ndose a ntinu.”
^ Yovo “ona Davidi kazayisanga mbumba zandi.”
