Amose 5:1-27
5 “Nuwá diambu edi mpovele se mbembo* mu kuma kieno, e nzo a Isaele:
2 ‘O mwenze, Isaele obwidi;Ke lenda telama diaka ko.
Obembwelo muna nsi andi;Kavena muntu ko okuntela mesa.’
3 “Kadi i wau wuwu kavovele Mfumu Yave:
‘E mbanza ina ivaikidi ye funda dia makesa muna vita, nkama kaka besala yau;Ina ivaikidi ye nkama makesa, kumi kaka besala diau, ediadi i dibwila nzo a Isaele.’+
4 “Kadi i wau wuwu kavovele o Yave kwa nzo a Isaele:
‘Numpava, nuakwamanana zinga.+
5 Ke nuvavi Betele ko,+Ke nuendi kuna Ngilengale ko+ ngatu viokela muna Bere-seba,+Kadi Ngilengale kwenda ikwenda muna kinkole,+E Betele ifwaswa.
6 Nuvava Yave, nuakwamanana zinga,+Kimana kalembi kota muna nzo a Yosefe nze tiya,Twayoka Betele, o muntu ozima to nkatu.
7 Yeno nukitwidi unsongi se ndudi,Yo tuba ziku vana ntoto.+
8 Ndiona wavanga buka kia ntetembwa kia Kima* ye buka kia ntetembwa kia Kesile,*+Ndiona okitulanga tombe kina e bû se mene-mene,Ndiona okitulanga mwini se tombe nze fuku,+Ndiona obokelesanga maza ma kalungaKimana kayitila mo ova ntoto,+I Yave; yayi i nkumbu andi.
9 Ofwasa akwa ngolo kuna kinsalukisa,Otwasa lufwasu muna fulu yangolo.
10 Bamengene afundisi ana besembanga vana vitu dia mbanza,Yo menga ana bevovanga e ludi.+
11 Wau vo nulombanga mfutu kwa nsukami mu kuma kia ntotoYo kumbonga masa mandi se mpaku,+Ke nukwamanana ko muna nzo za matadi mavalwa zina nuatunga+Ngatu nua vinyu ya mpatu zambote zina nuakuna.+
12 Kadi nzeye ulolo wa mavangu meno ma ukolamiYo nene wa masumu meno
—Yeno numwesanga nsongi e mpasi,Nutambulanga mbabu,*Yo lembi fundisa nsukami kuna unsongi vana vitu dia mbanza.+
13 I dianu vo, akwa ngangu bebutama muna ntangwa yayina,Kadi ntangw’a mpasi ikala.+
14 Nuvava o wete, ke mbi ko,+Kimana nuakwamanana zinga.+
Ozevo Yave wa Nzambi a vu okala yeno,Wauna nuvovanga vo una yeno.+
15 Numenga oma mambi, nuzola oma mambote,+Yambula unsongi wakala kaka vana vitu dia mbanza.+
Dilenda kala vo Yave wa Nzambi a vuOsonga e dienga kw’awana basala muna Yosefe.’+
16 “Ozevo, i wau wuwu kavovele Yave wa Nzambi a vu, o Yave:
‘O wantu muna ntanda* miawonso beyayana,Muna nzila zawonso bevova vo: “Tâtu, tâtu!”
Bebokela avati a nsengo kimana badilaYe awana bazeye mbembo kimana badila.’
17 ‘Muna mpatu zawonso za vinyu mukala ye dilu;+Kadi omono iviokela vana kati kweno,’ u kavovele o Yave.
18 ‘Tâtu kw’awana belakukilanga e lumbu kia Yave o moyo!+
E lumbu kia Yave nkia nsasa kina kwa ngeye?+
Kia tombe kikala, ke kia ntemo ko.+
19 Kikala nze muntu otinini nkosi, owanane ye use,Ye vava kakotele muna nzo andi yo simba muna yaka, otatikilu kwa nioka.
20 E lumbu kia Yave kia tombe kikala, ke kia ntemo ko.
Kia ndombe kikala, ke kia ntemo ko.
21 Mbengene yo bembola e nkinzi mieno,+Kiyangalele nsunga za tukutakanu tweno twampwena ko.
22 Kana nkutu nutambikidi yimenga ya ngioka ye tukau,Kiyangalela to ko;+Kitala ko ngatu tonda tukau tweno twa ungudi twa bulu ya mazi.+
23 Nukatula mazu ma nkunga mieno ova ngina;Kizolele wá nkunga mia masikilu meno ko.+
24 Yambula unsongi wakukula nze maza,+E ziku nze nkoko ke ulekanga ko.
25 E nzo a Isaele, nga yimenga ye tukau nuantwasilaMuna mvu 40 nuakala muna makanga?+
26 Owau nunata Sikuti wa ntinu eno yo Kiyuni,*Teke yeno, e ntetembwa wa nzambi eno, ona nuayivangila,
27 Ikunufila muna kinkole kuna nim’a Damaseke,’+ u kavovele ndiona una ye nkumbu vo Yave wa Nzambi a vu.”+
Mvovo vana yand'a lukaya
^ Yovo “nkung’a mafwa.”
^ Nanga i buka ya ntetembwa muna mpw’a Orione.
^ Nanga i buka ya ntetembwa za Peleyade muna mpw’a Ngombe.
^ Yovo “Nzimbu nutambulanga muna lembi vova diambu.”
^ Yanzala kiakutakenanga nkangu mu teka, sumba lekwa yo tela mambu.
^ E nzambi zazi z’akento zau zole nanga i planeta Saturno ina yasambilwanga.
