Kuna kwa Esi Efeso 2:1-22
2 O Nzambi, yeno kavana moyo kana una vo nuafwa nuakala muna vilwa ye masumu meno,+
2 mana nuateka kangadila mun’owu wa tandu* kia nza yayi,+ mun’owu wa nyadi a tembwa,+ o mwanda+ una usalanga owau muna wan’akolami.
3 Yeto awonso twateka kangadila vana bena mun’owu wa zolela yeto ya nitu,+ yo lungisa e zolela ya nitu ye makani meto,+ tuka muna kingutukila twakala se awana bafwanukini makasi ma Nzambi+ wauna bena ankaka.
4 Kansi o Nzambi ona wavuama ye nkenda,+ muna nzol’anene ina katuzola,+
5 watuvana moyo kumosi yo Kristu kana nkutu vava twakala twafwa muna masumu+—muna nkenda zandi nuavuluzilwa.
6 Vana ntandu, o Nzambi utuvene moyo kumosi yo kutuvana fulu kia vuanda kuna zulu wau katuyikakese yo Kristu Yesu,+
7 kimana muna tandu* ina ikwiza kasonga ulolo wa umvuama wa nsambu zandi mun’owu wa nkenda zandi* kwa yeto muna Kristu Yesu.
8 Muna nkenda zazi nuavuluzwa muna lukwikilu,+ ke mu ngolo za yeno kibeni ko; kansi, lukau lwa Nzambi.
9 Ke mu mavangu mpe ko,+ kimana valembi kala yo muntu okuyisana.
10 Oyeto tu salu kia moko ma Nzambi, twavangilwa+ muna Kristu Yesu+ muna mavangu mambote mana Nzambi kateka kutukubikila vo twavanga.
11 Dianu vo, nusungamena wo vo muna kolo kiavioka, yeno esi zula muna nitu, nuayikilwa vo “mindembi-zengwa” kw’awana “bazengelwa” muna moko ma wantu.
12 Muna kolo kiakina ke nuazaya Kristu ko, nuavambana ye zula kia Isaele, ke nuakala mu makangu ma nsilu ko;+ ke nuakala ye vuvu ko ye ke nuazaya Nzambi ko va nza.+
13 Kansi muna Kristu Yesu, oyeno nuateka kala kwanda, owau nufinameso muna menga ma Kristu.
14 Kadi yandi i luvuvamu lweto,+ ona wayikakesa buka yole+ se kimosi yo bangula e yaka kiabavambulanga.+
15 Muna nitu andi kasukisila kitantu, i sia vo, Nsiku una ye nkanikinu ye nkoki, kimana muna yandi kibeni kavangila e buka yole se muntu mosi wampa+ yo vanga ungudi,
16 muna nti ampasi,*+ watoma wizanesa e buka yole yo Nzambi kimana yakala se nitu mosi, e kuma kadi, wasukisa e kitantu+ muna yandi kibeni.
17 Wayiza samuna e nsangu zambote za luvuvamu kwa yeno nuakala kwandá, yo luvuvamu kw’awana bakala lukufi,
18 kadi muna yandi, e buka yau yole, tuna yo luve lwafinama o Se muna mwanda umosi.
19 Dianu vo, ke nu anzenza ye anangi diaka ko,+ kansi e kisi nsi kieno kimosi y’avauki,+ nu kanda dia Nzambi,+
20 nuatungilwa vana nkubilwa antumwa ye angunza,+ Kristu Yesu yandi kibeni i mbut’a tadi dia konko kia nkubilwa.+
21 Muna yandi e nzo yawonso itomene yikakeswa,+ ivongeswanga yakituka se tempelo avauka a Yave.*+
22 Oyeno mpe muna yandi nuasikidisilwa kumosi se fulu kia zingila kia Nzambi muna mwanda.+
Mvovo vana yand'a lukaya
^ Yovo “kadilu.”
^ Tala Nsas’a Mvovo.
^ Yovo “walakazi wandi.”
^ Tala Nsas’a Mvovo.
