Zasoneka Luka 3:1-38
3 Muna mvu una wa 15 wa luyalu lwa Tiberio Kaisa, vava o Pontio Pilato kakala nguvulu a Yuda, o Erodi*+ nyadi a mvivu a Ngalili kakala, o Filipo wa mpangi andi nyadi a mvivu a Ituraya ye Trakoniti, o Lusania nyadi a mvivu a Abilene,
2 muna lumbu ya Anasi wa mbut’anganga yo Kayafa+ wa ngang’ambuta, e diambu dia Nzambi dizidi kwa Yoane+ wa mwan’a Zakariya muna makanga.+
3 Wele muna zunga yawonso ya Yodani, wele alonginge luvubu luna vo i sinsu kia luviluku lwa ntima muna luloloko lwa masumu,+
4 wauna wasonama muna nkand’a Yesaya wa ngunza vo: “Nding’a muntu obokanga muna makanga, oku vo: ‘Nukubika e nzil’a Yave.* Nusingika e nzila zandi.+
5 Ndimba miawonso mifwete zadiswa, e miongo ye kundubulu yawonso ifwete kululwa; e nzila zatekama zifwete singikwa, e nzila za kundubulu zifwete lelekwa;
6 wantu awonso bemona luvuluzu lwa Nzambi.’”*+
7 Oyantikidi vovesa e ndonga izidi vubwa kwa yandi vo: “Eyeno wan’a mpidi, nga nubenze vo nulenda tina e lumbu kia makasi ma Nzambi?+
8 Entete, nusonga mavangu ma luviluku lwa ntima. Ke nuvovi muna ntima mieno ko vo: ‘Tuna yo se dieto Abarayama.’ Kadi inuvovese wo vo, Nzambi wafwana vaikisila Abarayama o wana muna matadi mama.
9 Kieleka, e soka disilu* kala vana sina dia nti. Ozevo, konso nti ulembi yima bundu yambote, keswa ukeswa yo tubwa vana tiya.”+
10 E ndonga inyuvuidi vo: “Adieyi tufwete vanga?”
11 Ubavutwidi vo: “Ona wina ye yinkutu yole,* yambula kakayila ndiona okondelo, ndiona una ye madia, yambula kavanga diau dimosi.”+
12 Kana nkutu avakulwisi a mpaku bezidi vubwa,+ bamvovese vo: “E nlongi, adieyi tufwete vanga?”
13 Ubavovese vo: “Ke nulombi lekwa kiankaka ko, nuvakulwisa kaka e mpaku ina yasikidiswa.”+
14 Makesa mpe manyuvuidi vo: “Adieyi tufwete vanga?” Ubavovese vo: “Ke nubangika wantu ko,* ke nufundi muntu mfundu a luvunu ko,+ nuyangalela kaka o mfutu eno.”
15 Wau vo nkangu Kristu bavingilanga, yau awonso bayindwidi muna ntima miau mu kuma kia Yoane vo: “Nga yandi i Kristu e?”+
16 Yoane ovutwidi kwa yau awonso vo: “Omono ikunuvubilanga muna maza, kansi ndiona unsundidi o nkuma okwiza ndandi, omono nkutu kiafwana ko mu kutulula nsing’a nsampatu zandi.+ Yandi okunuvubila muna mwand’avelela yo muna tiya.+
17 Una ye vevelwa vana koko kwandi kavelelesa e bundilu diandi yo sia masa muna lundilu diandi, kansi oyoka e vevele vana tiya ke tuzimanga ko.”
18 Mambu mayingi mpe kavova mu kasakesa nkangu yo kubasamunuina e nsangu zambote.
19 Kansi Yoane watumba Erodi wa nyadi a mvivu mu kuma kia Erodia wa nkaz’a mpangi andi, ye muna mambu mambi mawonso Erodi kavanga,
20 vana ntandu a mambu mama mawonso, osidi Yoane muna pelezo.+
21 Vava wantu awonso bavubilu, o Yesu mpe ovubilu.+ Vava kasambanga, e zulu diziukidi,+
22 o mwand’avelela unkulumukini, nze yembe, ndinga itukidi kuna zulu, oku vo: “Ongeye u Mwan’ame anzolwa; ngeye iyangalelanga.”+
23 Vava Yesu+ kayantika e salu kiandi, tezo kia mvu 30+ kakala miau, wauna bambadikilanga vo,mwan’a Yosefe,+wa mwan’a Eli,
24 wa mwan’a Matata,wa mwan’a Levi,wa mwan’a Meleki,wa mwan’a Yanai,wa mwan’a Yosefe,
25 wa mwan’a Matatia,wa mwan’a Amose,wa mwan’a Nakumi,wa mwan’a Esele,wa mwan’a Nangai,
26 wa mwan’a Mati,wa mwan’a Matatia,wa mwan’a Simi,wa mwan’a Yoseke,wa mwan’a Yoda,
27 wa mwan’a Yoana,wa mwan’a Resa,wa mwan’a Zerubabele,+wa mwan’a Saletiele,+wa mwan’a Nere,
28 wa mwan’a Meleki,wa mwan’a Adi,wa mwan’a Kosame,wa mwan’a Elemadame,wa mwan’a Ere,
29 wa mwan’a Yesu,wa mwan’a Elieze,wa mwan’a Yorime,wa mwan’a Matata,wa mwan’a Levi,
30 wa mwan’a Simeone,wa mwan’a Yuda,wa mwan’a Yosefe,wa mwan’a Yoname,wa mwan’a Eleyakime,
31 wa mwan’a Melea,wa mwan’a Mena,wa mwan’a Matata,wa mwan’a Natani,+wa mwan’a Davidi,+
32 wa mwan’a Yisai,+wa mwan’a Obede,+wa mwan’a Boaze,+wa mwan’a Salemone,+wa mwan’a Nakesone,+
33 wa mwan’a Aminadabi,wa mwan’a Areni,wa mwan’a Keserone,wa mwan’a Perese,+wa mwan’a Yuda,+
34 wa mwan’a Yakobo,+wa mwan’a Isaki,+wa mwan’a Abarayama,+wa mwan’a Tera,+wa mwan’a Nako,+
35 wa mwan’a Serunge,+wa mwan’a Reu,+wa mwan’a Pelenge,+wa mwan’a Ebe,+wa mwan’a Sela,+
36 wa mwan’a Kainani,wa mwan’a Ampakesade,+wa mwan’a Seme,+wa mwan’a Noa,+wa mwan’a Lameke,+
37 wa mwan’a Metusela,+wa mwan’a Enoke,wa mwan’a Yarede,+wa mwan’a Malalale,+wa mwan’a Kainani,+
38 wa mwan’a Enose,+wa mwan’a Sete,+wa mwan’a Adami,+wa mwan’a Nzambi.
Mvovo vana yand'a lukaya
^ I sia vo, Erodi Antipa. Tala Nsas’a Mvovo.
^ Yovo “nzila kesadila Nzambi muna vuluza.”
^ Yovo “sengele kisilu.”
^ Yovo “kinkutu kiankaka.”
^ Yovo “ke nukutumuna lekwa ya wantu ko.”
