Ngana 17:1-28
17 E mbolo ayuma isundidi o wete vana vena luvuvamu+Ke mu nzo yazala ye lambu* ko ye ntatani.+
2 E ntaudi angangu okala ye wisa muna mwana ovanganga mambu mansoni;Otambula kunku muna e vua nze mosi mun’ampangi.
3 E palata ye wolo mu fûlu dia tiya iveleleselwanga,+Kansi, Yave ofimpanga e ntima.+
4 E kimpumbulu osianga e sungididi muna mvovo milwekanga,O nkwa luvunu otambanga matu muna lubini lwambi.+
5 Ndiona ovezanga nsukami, Mvangi andi kevezanga,+Ndiona omonanga kiese mu kuma kia mpasi z’akaka, tumbwa ketumbwa.+
6 Atekelo i kolowa kuna kw’anunu,Amase i zitu wa wan’au.
7 E mvovo miansongi ke mifwanukinu kwa zowa ko.+
Musungula mvovo mialuvunu miafwanukina kwa nyadi!+
8 O lukau luna nze tadi diantalu* kwa mfumu andi;+Konso kuna kekwenda, dikuntwasila nluta.+
9 Ndiona ololokanga* e sumu, nzola kesiamisanga,+Kansi ndiona okwamanana vovela e diambu, akundi akola kevambula.+
10 Lusembo lumosi luluta twasa nluta kwa nkwa ngangu+Ke mu wanda zowa ngwanda nkama ko.+
11 Muntu ambi ukolami kaka kevavanga,Kansi nati a nsangu una vo nkwa nsoki otumwa kimana kenda kuntumba.+
12 Disundidi o wete mu wanana ye use oyiyilu wanaKe mu wanana ye zowa ko muna uzowa wandi.+
13 Avo muntu ovutwidi mbi muna mbote,E mbi ke ikatuka muna nzo andi ko.+
14 Oyangumuna e nkindu dina nze muntu obukisi nkam’a maza;*Katuka vitila ntantani zayantika.+
15 Ndiona olungisanga kimpumbulu ye ndiona ovananga ngielele kwa nsongi+Yau awole bangemi kuna kwa Yave.
16 Nkia mfunu dina kwa zowa mu vua nganguWau vo kazolele zo vua ko e?*+
17 Nkundi akieleka ozolanga e ntangwa zawonso+I mpangi wawutuka mu kuma kia ntangw’ampasi.+
18 O munkondwa-ngangu* obundanga ntuluYo tambulwila vana nsimbi vana vena nkwandi.+
19 Ndiona ozolanga e nkindu, sumu kezolanga.+
Ndiona ozangulanga mwelo a nzo andi lufwasu kevavanga.+
20 O nkwa ntim’a bendomoka ke sikila ko,*+O nkwa luvunu mu mpasi kebwa.
21 O se una ye mwan’a zowa ntantu kemona;O se una ye mwana wakondwa ngangu kena ye kiese ko.+
22 Ntim’a kiese i nlongo miambote,*+Kansi mwand’a kosomoka, ngolo za muntu usukisanga.*+
23 E kimpumbulu otambulanga mbabu kuna kinsweki*Kimana kabendomona nzil’a unsongi.+
24 E ngangu zina vana ndose a nkwa umbakuzi,Kansi meso ma mazowametungiananga yakuna nsuk’a nza.+
25 O mwan’a zowa se diandi kemwesanga e nsoniYe ntantu* kwa ndiona wanwuta.+
26 Ke diambote ko mu tumba* nsongi,Ke diansongi ko mu wanda wantu azitu.
27 O nkwa zayi olunga-lunganga mvovo miandi,+O nkwa umbakuzi, wavuvama kekalanga.*+
28 Kana nkutu zowa avo okedi e pi-i obadikilwa vo nkwa ngangu,Ndiona okanganga e befo yandi, nkwa umbakuzi.
Mvovo vana yand'a lukaya
^ Mvovo wa sina: “yimenga.”
^ Yovo “tadi ditwasanga dienga.”
^ Mvovo wa sina: “ofukanga.”
^ Mvovo wa sina: “ziulwila maza e nzila.”
^ Mvovo wa sina: “munkondwa-ntima.”
^ Mvovo wa sina: “Munkondwa-ntima.”
^ Mvovo a sina: “ke solola wete ko.”
^ Yovo “visi uyumisanga.”
^ Yovo “kindisa ukindisanga.”
^ Mvovo wa sina: “mbabu vana mfokola.”
^ Yovo “ndudi.”
^ Yovo “zengela nzimbu kwa.”
^ Mvovo wa sina: “nkwa mwand’a nzizi.”
