Ngana 28:1-28
28 E yimpumbulu betinanga kana nkutu ke bayingilu kwa muntu ko,Kansi ansongi bena ye unkabu nze nkosi.*+
2 Avo ukolami wina* muna nsi, e mfumu zivingana vana fulu,+Kansi, muna lusadisu lwa nkwa umbakuzi yo zayi, o mfumu osikila mu kolo kianda.+
3 O nsukami ovunanga mumbona-mpasi+Una nze mvula yangolo imanisanga madia mawonso.
4 Ana bebembolanga nsiku, kimpumbulu besanisinanga,Kansi ana belundanga nsiku bekubamenganga.+
5 Wantu ambi ke balendi bakula unsongi ko,Kansi awana bevavanga Yave balenda bakula mawonso.+
6 O nsukami ona okangalelanga muna ziku osundidi o weteKe mu mvuama ko okangalelanga muna nzila za umpuki.+
7 Ndiona olemvokelanga nsiku i mwana una ye umbakuzi,Kansi ndiona ovanganga kikundi y’akwa loko dia madia se diandi kemwesanga nsoni.+
8 Ndiona owokeselanga kimvuama kiandi muna nluta miambi+ ye nzukaOkutikilanga kio ndiona ofwilanga nsukami e nkenda.+
9 Ndiona ovengomonanga matu muna nsiku—E sambu kiandi nkutu kiangemi.+
10 Ndiona ovukumunanga nsongi muna nzila yambi, bwa kebwa muna wulu diandi,+Kansi minkondwa-tumbu bevua edi diambote.+
11 O mvuama nkwa ngangu muna ngindu zandi,+Kansi o nsukami una vo nkwa umbakuzi ozayanga kana nkia mpila muntu kena.+
12 Avo ansongi basundidi, o nkembo wayingi,Kansi vava yimpumbulu beyalanga, wantu beswekamanga.+
13 Ndiona ofuka masumu mandi ke sikila ko,+Kansi ndiona ofunguna yo yambula mo, nkenda kefwilwa.+
14 Nkwa kiese ndiona oyingilanga* ntangwa zawonso,Kansi ndiona obadisanga ntim’andi, mu mpasi kebwa.+
15 Nze nkosi ankwiti ye use onuanisanga wantuI una kimpumbulu kiyalanga nkangu wakondwa ntanini.+
16 O mfumu wakondwa umbakuzi osadilanga wisa kiandi mu mpila yambi,+Kansi ndiona omenganga nluta mialembi songa, kolo kiayingi kezinga.+
17 O muntu obangamanga mu kuma kia nkanu a menga okwamanana tina yamuna ziami.*+
Ke kala ye nsadisi ko.
18 Ndiona okangalelanga kuna ziku, vuluzwa kevuluzwa,+Kansi ndiona olandanga nzila zabendomoka bwa kebwa kuna kinsalukisa.+
19 Ndiona ovatanga ntoto andi, okala ye ulolo wa madia,Kansi ndiona okuyivananga muna mambu makondwa mfunu, sukama kikilu kesukama.+
20 O nkwa kwikizi nsambu zayingi ketambula,+Kansi, ndiona ovavanga vuama mu nzaki, ke kala kaka munkondwa-kuma ko.+
21 Ke diambote ko mu sia mpambula;+Kansi o muntu olenda vanga edi diambi mu kuma kia tini kia mbolo.
22 O nkwa kimpala* osutilanga kimvuama,Lembi wo zaya vo usukami ukunlwakila.
23 Ndiona otumbanga muntu,+ kuna kulanda oluta songwa dienga+Ke mu nkwa lubini lwa malengo ko.
24 Ndiona oyiyanga se ye ngudi andi yo vova vo: “Ke diambi kwandi ko,”+I nkundi a mfwasi.+
25 O nkwa loko* ntantani keyangumunanga,Kansi ndiona obundanga Yave e vuvu osakumuka.*+
26 Ndiona obundanga e vuvu muna ntim’andi zowa kwandi,+Kansi ndiona okangalela muna ngangu vuluka kevuluka.+
27 Ndiona okayilanga asukami ke kondwa lekwa ko,+Kansi ndiona ozimanga meso muna mpasi zau, sibu yayingi kesibwa.
28 Vava yimpumbulu beyalanga, o wantu beswekamanga,Kansi avo bafwidi, asongi bewokelanga.+
Mvovo vana yand'a lukaya
^ Yovo “wan’a nkosi.”
^ Yovo “ntelameno ina.”
^ Yovo “osonganga vumi.”
^ Yovo “wulu.”
^ Yovo “loko.”
^ Nanga, “O nkwa ntim’a lulendo.”
^ Mvovo wa sina: “vonga kevonga.”
