Ngana 8:1-36
8 E ngangu nga ke zikazanga ko e?
O umbakuzi nga ke utatulanga nding’andi ko e?+
2 Zitelamene muna fulu yazanguka+ muna nlambu a nzila,Ye muna mpambu za nzila.
3 Vana ndambu a mavitu ma mbanza,Vana nkotelo a mielo,I zikazilanga vo:+
4 “E nkangu, kwa yeno ibokanga;Kw’awonso* ntatwidi nding’ame.
5 E yeno minkondwa ngangu, nulongoka lulungalalu;+E yeno mazowa, nuvua ntim’a ngangu.*
6 Nuwá, kadi mambu mamfunu ivovanga,O lubini lwame mambu mansongi luvovanga.
7 Kadi o nu’ame ludi uvovanga muna nding’a kuluka,O lubini lwame lumengene mambu mambi.
8 E mvovo miawonso mia nu’ame mia unsongi.
Ke mwina mvovo wabendomoka ko ngatu waluvunu.
9 Miawonso miasingama kw’awana bena yo umbakuziMiansongi kw’awana basolole mio.
10 Nutambulwila e longi diame ke palata ko,Yo zayi ke mu wolo usundidi o wete ko,+
11 Kadi e ngangu zisundidi makolado;*Lekwa yawonso iyangalelwanga ke ilendi tezaneswa ye ngangu ko.
12 Omono ngangu, kumosi izingilanga yo lulungalalu;Nsolwele zayi ye ndwenga.+
13 O kala yo vumi wa Yave disongele vo menga e mbi.+
Mbengene umvuania, lulendo,+ nzil’ambi ye mvovo miambi.+
14 Ngina ye luludiku lwambote ye ngangu za vimpi;+O umbakuzi+ yo nkuma, wame.+
15 Atinu beyadilanga muna mono,Ayadi besikidisanga nsiku miansongi.+
16 Omu mono i muyadilanga akuluntu,Azitu befundisilanga muna unsongi.
17 Izolanga ana bekunzolanga,Awana bekumpavanga, bekunsolola.+
18 Umvuama yo nkembo una yame,Mavua malembi suka ye unsongi.
19 E mbongo ame ilutidi e wolo, elo, wolo wakenzwa,E nluta ame usundidi o wete ke mu palata yantalu ko.+
20 Muna nzil’a ziku ikangalelanga,Vana kati kwa nzila za unsongi;
21 Mpene vua diantalu kwa awana bekunzolanga,Yo zadisa malundilu mau.
22 Yave wampanga se lubantiku lwa nzil’andi,+Se vangwa kiantete muna salu yandi yankulu.+
23 Yasikidiswa tuka kuna nz’ankulu,+Tuka kuna lubantiku, vitila ntoto wasemwa.+
24 Una ke vakedi maza masina ko,+ yasemwa,*Vava ke vakala nto zafusukanga maza ko.
25 Vitila miongo miasikidiswa,Vitila kundubulu, yasemwa,
26 Una kavangidi ntoto ko ye yana yandiNgatu ndambu antete ya ntoto.
27 Vava kakubika e zulu,+ yakala vana;Vava kasikidisa mwingilu* vana ntandu a maza,+
28 Vava kasikidisa matuti kuna zulu,Vava kasikidisa nto za maza masina,
29 Vava kasia nsiku kwa kalungaVo maza mandi ke makuludi lutumu lwandi ko,+Vava kasikidisa nkubilwa za ntoto,
30 Ozevo, yakala vana ndambu andi se nsadi a ngangu.+
Mono katoma yangalelanga+ lumbu ke lumbu;Yayangalelanga vana ndose andi ntangwa zawonso;+
31 Yayangalelanga ntoto andi una uzingilwanga kwa wantu,O wan’a wantu, i yau yatoma yangalelanga.
32 Owau, e wan’ame, nungwa;Kadi akwa kiese awana belundanga e nzila zame.
33 Nuwa longi,+ nukala akwa ngangu,Ke nubembola dio ko.
34 Nkwa kiese o muntu okungwila,Ona olwaka mene-mene vana mwelo a nzo ame lumbu ke lumbu,Yo vingila vana ndambu a mwelo a nzo ame;
35 Kadi ona okunsolola, moyo kesolola,+Yo tondwa kwa Yave.
36 Kansi, ona okumbembola, mfwilu kekuyitwasila,Awana bekumbenganga, lufwa bezolanga.+
Mvovo vana yand'a lukaya
^ Mvovo wa sina: “Kwa wan’a wantu.”
^ Mvovo wa sina: “ntim’a umbakuzi.”
^ Tala Nsas’a Mvovo.
^ Yovo “yawutuka nze muna nsongo.”
^ Mvovo wa sina: “lukongolo.”
