Nkunga 115:1-18
115 Ke kwa yeto ko, e Yave, ke kwa yeto ko,*Kansi kembesa e nkumbu aku+
Muna diambu dia walakazi waku ye ziku kiaku.+
2 Ekuma e zula ifwete vovela vo:
“Akweyi kena o Nzambi au?”+
3 Nzambi eto kuna zulu kena;Ovanganga konso una unyangidikidi.
4 E teke yau palata ye wolo,Salu ya moko ma wantu.+
5 Ina yo nua, kansi ke ilendi vova ko;+Ina yo meso, kansi ke ilendi mona ko;
6 Ina yo matu, kansi ke ilendi wá ko;Ina yo nzunu, kansi ke ilendi nunkuta ko;
7 Ina ye moko, kansi ke ilendi simba ko;Ina ye malu, kansi ke ilendi diata ko;+Ke ilendi vova ko muna malaka mau.+
8 Wantu ana bevanganga yo bekituka nze yau,+Ye awonso ana bebundanga yo e vuvu.+
9 E Isaele, bunda Yave e vuvu+—Yandi i nsadisi aku ye ngubu aku.+
10 E nzo a Arone,+ bunda Yave e vuvu—Yandi i nsadisi aku ye ngubu aku.
11 E yeno nuvuminanga Yave, nubunda Yave e vuvu+—Yandi i nsadisi eno ye ngubu eno.+
12 Yave okutusungamena yo kutusambula;Osambula nzo a Isaele;+Osambula e nzo a Arone.
13 Osambula awana bevuminanga Yave,Tuka andwelo ye anene.
14 Yave okunuwokesa,Oyeno yo wan’eno.*+
15 Yambula nuasambulwa kwa Yave,+Wa Mvangi a zulu yo ntoto.+
16 E zulu dia Yave,+Kansi o ntoto wavana wo kwa wan’a wantu.+
17 Wantu afwa ke bekembelelanga YA ko;+Ngatu awana bekulumukanga muna lufwa.*+
18 Kansi yeto, YA tusanisinaTuka owau yakwele mvu.
Nukembelela YA!*
Mvovo vana yand'a lukaya
^ Yovo “Ke yeto ko, e Yave, ke yeto ko.”
^ Mvovo wa sina: “wan’eno amakala.”
^ Mvovo wa sina: “muna mwina e pi-i.”
^ Yovo “Aleluya!” E “YA” i mpila yankufi ya yikila e nkumbu Yave.
