Nkunga 29:1-11
Nkung’a Davidi.
29 Nuvana kwa Yave kina kimfwanukini, yeno wana akwa ngolo,Nuvana kwa Yave kina kimfwanukini muna diambu dia nkembo ye ngolo zandi.+
2 Nuvana kwa Yave o nkembo ufwanukini e nkumbu andi.
Nufukama vana ndose a* Yave ye mvuatu miavauka.*
3 E nding’a Yave iwakane vana ntandu a maza;Nzambi a nkembo otalumukini nze mwandazi.+
Yave una vana ntandu a maza mayingi.+
4 E nding’a Yave yangolo;+E nding’a Yave yankembo.
5 E nding’a Yave itolola nsedele;Elo, Yave otolola nsedele mia Lebanone.+
6 Oyambula vo Lebanone* yatimuka nga mwan’a ngombe,Ye Sireyone+ nga mwan’a mpakasa.
7 E nding’a Yave ivaikisa nlaku mia tiya;+
8 E nding’a Yave izakamesanga makanga;+Yave ozakamese makanga ma Kadese.+
9 E nding’a Yave izakamese nkayi yo kubawutisa,Yo yumisa e mfinda.+
Awonso muna tempelo andi bavovele vo: “Nkembo!”
10 Yave ovuende vana kunda kiandi kia kimfumu vana ntandu a kizalu;*+Yave ovuende vana kunda kiandi se Ntinu yakwele mvu.+
11 Yave ovana nkuma kwa nkangu andi.+
Yave osambula nkangu andi yo luvuvamu.+
Mvovo vana yand'a lukaya
^ Yovo “Nusambila.”
^ Nanga, “muna kuma kia nkembo a vauka kwandi.”
^ Nanga i nlong’a miongo mia Lebanone.
^ Yovo “kalunga kwa zulu.”
