Nsiku 8:1-20
8 “Nusia e sungididi kia lemvokela e nkanikinu miawonso mina ikunuvananga o unu, kimana nuakwamanana zinga+ yo wokela yo kota yo vua e nsi ina Yave kadila e ndofi kwa akulu eno.+
2 Sungamena e nzila yandá ina Yave wa Nzambi aku kadiatisidi muna makanga mu mvu 40 miami,+ muna kulonga wakituka se nlembami yo kutonta+ kimana kazaya dina diakala muna ntim’aku,+ kana vo okwamanana lunda e nkanikinu miandi yovo ve.
3 I dianu kalongela wakituka se nlembami yo kumwesa e nzala+ yo kudikil’e mâna+ ina kwazaya ko, kana nkutu mase maku ke bazaya yo ko, kimana wazaya wo vo muntu ke zingilanga kaka mu mbolo ko, kansi muna mvovo miawonso mivaikanga muna nu’a Yave.+
4 E mvuatu miaku ke mifwidi ko, o malu maku ke mavimbidi ko mu mvu 40 miami.+
5 Otomene wo zaya muna ntim’aku vo Yave wa Nzambi aku wasingikanga wauna o muntu kesingikilanga o mwan’andi.+
6 “Ozevo, ofwete lunda e nkanikinu mia Yave wa Nzambi aku muna kangalelanga muna nzila zandi ye muna kumvuminanga.
7 Kadi, o Yave wa Nzambi aku okukotesa muna nsi yambote,+ nsi ya nkoko, nto za maza ye maza mansini* mekukulanga yamuna ndimba ye muna zunga kia miongo,
8 nsi ya witi ye bale, ya nsinga mia vinyu, nti mia nsanda, nganata,*+ nsi ya mazi ma olive yo wiki,+
9 nsi yazala ye madia, kukondwa lekwa ko, nsi ya matadi mazala ye lekwa ya vangila sengwa, muna miongo miandi otimina e nsongo.
10 “Vava odia yo yukuta, ofwete kembelela Yave wa Nzambi aku mu kuma kia nsi yambote ina kavene.+
11 Toma keba walembi vilakana Yave wa Nzambi aku muna yambula lunda e nkanikinu miandi, nzengo zandi za mfundisa ye mîna miandi emi ikukanikinanga o unu.
12 Vava odia yo yukuta yo tunga nzo zambote yo zingila mo,+
13 vava e ngombe zaku yo mameme maku ye nkombo zaku ziwokela, e palata aku ye wolo waku uwokela ye yawonso una yau yawokela,
14 kuyambula ko vo ntim’aku watundalala+ yo kufila mu vilakana Yave wa Nzambi aku, ona wavaikisa muna nsi ya Engipito, muna nsi ya ubundu,*+
15 ona wadiatisila muna makanga manene ye mansisi+ ye nioka za manga mia mpondi ye kinkala-nkala,* muna ntoto ayuma wakondwa maza. Wavaikisa maza tuka muna tadi diangolo,+
16 oyandi wadikil’e mâna+ muna makanga, ina mase maku ke bazaya ko, kimana kalonga wakituka se nlembami+ yo kutonta wavua nluta kuna sentu.+
17 Avo ovovele muna ntim’aku vo: ‘Muna ngolo za mono kibeni yo nkum’a koko kwame mbakidi umvuama wau,’+
18 sungamena wo vo Yave wa Nzambi aku uvene o nkuma obakidi umvuama,+ muna lungisa e kangu diandi dina kadila e ndofi kwa akulu aku, wauna dina o unu.+
19 “Avo ovilakene Yave wa Nzambi aku yo landa nzambi zankaka, wasadila zo yo vumbamena zo, o unu kiaki inuzayisi wo vo fukiswa nufukiswa.+
20 Fukiswa nufukiswa nze i zula ina Yave kefwasanga ova ntadisi eno, wau nulembi wila e nding’a Yave wa Nzambi eno.+
Mvovo vana yand'a lukaya
^ Yovo “nto za maza ma nsi a ntoto.”
^ I sia vo, bundu kina nze ngavua yovo mfuluta.
^ Mvovo wa sina: “nzo a ubundu.”
^ Yovo “nkutu.”
