Zasoneka Yoane 14:1-31
14 “Ke nutelamwa mioyo ko.+ Nukwikila muna Nzambi;+ nukwikila mpe omu mono.
2 Muna nzo a Se diame fulu yayingi ina mo. Avo ke wau ko, nga inuzayisi wo, muna kuma kiaki isinga kwenda kimana yanukubikila e fulu.+
3 Avo ngiele kunukubikila e fulu, se yavutuka yanutambula, kimana konso kuna ikala, oyeno mpe nuakala ko.+
4 Kuna ikwenda, e nzila nuzeye yo.”
5 O Toma+ umvovese vo: “E Mfumu, kuna okwenda ke tuzeye ko ko. Aweyi tulenda zayila e nzila?”
6 Yesu umvovese vo: “Mono i nzila+ ye ludi+ yo moyo.+ Kavena ona okwiza kwa Se ko avo ke mu mono ko.+
7 Kele vo nuanzaya, nuadi zaya mpe o Se diame; tuka owau, nunzeye yo kumona.”+
8 Filipo umvovese vo: “E Mfumu, utusonga kaka o Se, diafwana kwandi kwa yeto.”
9 Yesu umvovese vo: “E Filipo, kolo kiayingi se ngina yeno yamu wau kunzeye ko e? Konso ona umbwene, omwene mpe o Se.+ Aweyi ovovele vo, ‘Utusonga o Se’?
10 Nga kukwikidi wo ko vo ntwadi ngina yo Se, o Se mpe una yame ntwadi?+ Mana inuvovese, kivovele mo mu ngindu za mono kibeni ko,+ kansi o Se ona okalanga yame ntwadi, ovanganga mavangu mandi.
11 Nunkwikila vo ntwadi ngina yo Se, o Se mpe una yame ntwadi; avo ke wau ko, nukwikila mu kuma kia mavangu mame.+
12 Kieleka, kieleka inuvovese vo, konso ona okwikilanga mu mono, ovanga mpe mana ivanganga; ovanga nkutu mana masundidi omama,+ kadi se ikwenda kwa Se.+
13 Konso dina nulomba muna nkumbu ame, ivanga dio, kimana o Se kakembeselwa muna Mwana.+
14 Avo nulombele lekwa muna nkumbu ame, ilungisa kio.
15 “Avo nunzolele, nulemvokela nkanikinu miame.+
16 Se yalomba kwa Se kanuvana nsadisi* ankaka kakala yeno yakwele mvu,+
17 o mwand’a ludi,+ e nza ka ilendi wo tambula ko, kadi ke imonanga wo ko ngatu zaya wo.+ Oyeno nuzeye wo, kadi una yeno, ukalanga omu yeno.
18 Kilendi kunusisa kinsona ko. Ikwiza kwa yeno.+
19 Ke kolo ko e nza ke ikumbona diaka ko, kansi oyeno nukumbona,+ kadi ngina o moyo, oyeno mpe nukala o moyo.
20 Muna lumbu kiakina nuzaya wo vo ntwadi ngina yo Se diame, oyeno mpe nuna yame entwadi, omono mpe ngina yeno entwadi.+
21 Konso ona otambulwila nkanikinu miame yo lunda mio, i yandi okunzolanga. Konso ona okunzolanga, o Se diame mpe okunzola, omono ikunzola, ikuyisengomona kwa yandi.”
22 Yuda,+ ke ndiona wa musi Kereote ko, umvovese vo: “E Mfumu, adieyi dibwidi wau ozolele kuyisengomona emvimba kwa yeto kansi ke kwa nza ko e?”
23 Yesu umvutwidi vo: “Avo muntu unzolele, olemvokela mvovo miame,+ o Se diame okunzola, tukwiza kwa yandi, muna zinga yandi.+
24 Konso ona olembi kunzola, ke lemvokela mvovo miame ko. E mvovo mina nuwidi ke miame ko, kansi mia Se diame ona wantuma.+
25 “Ikunuvovesanga mambu mama ekolo ngina yeno.
26 Kansi o nsadisi, mwand’avelela, una o Se ketuma muna nkumbu ame, ukunulonga mambu mawonso yo kunusungamesa mawonso inuvovese.+
27 Luvuvamu inusisìdi; inuvene o luvuvamu lwame.+ Kinuvanini lo wauna e nza ivaninanga lo ko. Ke nutelamwa moyo ko ngatu mona wonga.
28 Nuwidi una inuvovese vo, ‘kwenda ikwenda, i bosi ivutuka kwa yeno.’ Avo nukunzolanga, nuyangalala wau vo kwa Se ikwenda, kadi o Se unsundidi.+
29 Inuvovese wo vitila wavangama, kimana vava uvangama, nuakwikila.+
30 Kimokena yeno diaka kwayingi ko, kadi o nyadi a nza+ mu kwiza kena, kena ye wisa ko omu mono.+
31 Kansi, kimana e nza yazaya wo vo izolanga o Se, wauna o Se kankanikina i wau ivanga.+ Nutelama, twenda kweto.
Mvovo vana yand'a lukaya
^ Yovo “mfiaulwisi.”
